مشكله ومشوره عن ل خآدمتك ضعيها هنا ملف لنقآش الهآدف

يامسآء الخير والله
كيفك صدى ..؟
يعطيك الف عافيه انتي ومشرفات القسم على هالمجهود
وعساه بموازين حسناتكم
\
/
\
كنت اتمنى القى وادخل حل او حتى مشورة
لكن يالله نقول الغاء تثبيت الموضوع سبب في انه محد انتبه لتساؤلي :(
ابرجع اكتبه هنا ... وجد جد اتمنى القى لو رأي بسيط
والله أحبكم فلا تخذلوني :(
السلام عليكم ورحمة الله وبركاته
كيف الحال ..؟
بنآآآآت بغيت استشيركم بشغله ..؟
راح اعطيكم تبذه مختصرة عن وضعي .. وابغى رأيكم
انا عندي ولد .. عمره حالياً سنه وشهر .. وراد ربي اني احمل وعمره 8 شهور
حاليا .. انا توي داخله بالشهر السادس وولدي عمره سنه وشهر زي ماقلت لكم
طبعاً انا موظفه .. ودوامي يعتبر طويل نوعاً ما .. من الساعه 8 الى 3 ونص ومع الزحمه والاشارات اجي البيت 4
قدمت على شغاله اندونيسية قبل لاادري اني حامل .. لاني تعبت من سالفة ودي وجيب كل صباح < كنت احط ولدي عند شغالة اختي وبيتهم بعيد شوي ويومياً اتاخر على عملي
جاتني الشغاله بأول رمضان .. مواصفاتها ( اول مره تجي السعودية .. يكون عندها اطفال .. اكبر من 30 سنه )
ماطلبت شيء اكثر من هذا ..
جاتني عندها 4 اولاد .. اصغرهم يتهيألي عمره 8 سنوات
يعني تقدرون تقولون ام وخبره بالامومه بعد
اول شهر جاتني فيه .. يادوبك علمتها على اساسيات التنظيف عندي .. وشغل البيت .. وماكنت اخليها تحتك كثير بولدي رغم تعبي من الوحم والحمد لله
ورمضان اصلاً ماقضيت فيه الا كم يووم في بيتي .. ورحت لاهلي بااجازة العيد .. وعند اهلي شغاله بعد تعتبر جديده .. وطلعوا جارات هي وشغالاتي وبس طايرات في بعضهم
وولدي كانت خالته اغلب الوقت مهتمه فيه .. وهو لان الشغاله جات وهو كبير تقريباً ( 9 شهور ) ماتقبلها
ولايحبها تشيله وبس يبكي وطوول الوقت متنكد معها .. وماكنت اجبره على انه يظل معها
خلاصة القول .. رجعنا للدوام .. ورجعت لبيتي
كنت اكتب لها كل شيء بورقه .. متى ياكل ومتى تغير له الحفاظ ومتى حتى تنومه
وكنت كل ساعه اتصل اتاكد هل صار او لا .. وطبعا عانيت بالبداية بس وديتها لشغالة اختي كم يوم .. واستوعبت منها كم كلمه عربي .. واستوعبت بعض الاوامر
انا مع الدوام ومع الوحم تعبي ماله ويزيد والحمد لله
ومع ذلك .. ولدي حدي ادخل مع الباب انا اقوم فيه .. مااسلمها الطبخ لو تموت < لاني مااحب هالشيء
علمتها بس شلون تسوي مكرونه ساده .. ورز ابيض ساده < عشان لو اتعب هي تغدي فصولتي
بالاضافه الى اني علمتها شلون تسلق البيض وتسوي خضار مسلوقه < يعني اكلات بسيطه لولدي بس
الى هنا .. يمكن الوضع اوكي .. وكان ماشي معي لاني كنت شوي بصحتي
لما بدأ الثقل .. وسخنت بأيام العيد .. طلع المستخبي
مرره مايعتمد عليها من ناحية الولد .. والله ان ماقلت انا يافلانه اكليه .. مايذوق الاكل
عادي يلقط الرضاعه من الارض وهي ماتغسلت
على قد ماكنت انبه عليها سالفة التعقيم والتنظيف .. طلعت من جنبها
زوجي اكثر من مرره يجي من دوامه فجأه يلاقي الولد نايم وبفمه بقايا اكل !!
انا ادري ان ولدي عنيد ويبغاله طولة بال .. بس عاد وين راحوا عيالها ؟؟
ماتعرف شلون تأكل طفل ؟؟
يوم العيد انا كنت تعبانه ومسخنه .. ويالله اقوم .. جوني اخواتي يقولون ولدك يرجع وخدوده مورمه
لما رحت اشوفه ... طلعت حاشيه كل البيض المسلوق بفمه وخلصت الصحن قامت من عنده .. والولد طبعه غريب
كاتم على الاكل بفمه ومو قادر يتنفس < من العناد اللهم ياكافي وعشان ماترجع تؤكله !!
ولاهي اول واخر مره تسويها
حتى بعدما هاوشتها .. اجي الاقيها تعبي فمه بالاكل كأنه كيس ولا حاجه لازم تتعبى وتتسكر !!!!!!!
ارتكاستها مع فصولي جدا بطيئة
اذا انا ماقلت يافلانه سوي ولا غيري حفاظ ولا شيء .. ماتسوي
مع انها بالتنظيف والشهاده لله .. ماتقصر
يعني اوكي غسيلها .. اوكي مسحها للسيراميك .. الثياب على طوول مكوية .. المطبخ نظييف
لكن .. مع الطفل .. احسها ماتصلح
واللي مأزمني .. ان دوامي مايمديني اخذ اجازة رعاية مولود
يعني يالله كلها 3 شهور وارجع الدوام بعد ولادتي
فتخيلوا .. هي الحين مع واحد عاجزه توفي .. كيف بكرى مع 2 واحد فيهم رضيع ..؟!!
قبل شوي وانا اصلي العصر .. استغفر الله طرالي اعرضها للتنازل .. او للتبادل
بس مدرري
والله جد مدري وش اسوي ..؟
يقولي زوجي يبغالك ترجعين تعلمينها من اول وجديد
لانها من النوع اللي ينسى
يعني من يوم جات ويومياً نتداول كلمة رضاعه .. مع ذلك اليوم اقولها هاتي الرضاعه تجيب لي المضاد الحيوي حق لولي ..؟؟؟؟؟؟؟
قلت لها الرضاعه .. راحت جابت لي الحفايظ وانتم بكرامه !!!!
واقوول لزوجي بس لاتلومني ان هاوشتها بالثالثه .. وارجع بكل هدوء اقولها ياادمية الرضاعه .. قاالت اهاا < انا هنا قلت بس فهمت .. راحت جابت لي ملعقه
مافيني حيل اهاوش وادقق .. لاني اخاف على الصغار اللي ابخليهم عندها
وبنفس اللحظه سالفة اني ارجع واعلم من جديد كل شيء تجيب لي الضغط .. وارجع اقول يالله من اجل عين تكرم مدينه .. عشان ولدي ابضغط على نفسي وبنرجع من اول وجديد
اجي اقولها هذا اسمه رضاعه .. تقولي ايه ايه يعنني فهمت .. ارجع اقولها وش اسمه طيب .. تتنح
الصوت الواطي هذا ماتسمعه .. او ماتستوعبه .. وانا صوتي اذا عليته اطلع كأني معصبه
واحد فينا غلطان .. انا ولا هي والله مدري
كل الناس يقولون عطيها شوية مسؤولية وهي تتعلم .. مايصير انتي اذا مااستوعبت تعصبين بسرعة وتقومين بالشغله
طيب شسوي اذا انا حاره
اقولها هاتي هاتي .. يروح الوقت وهي تفحط بالبيت ماتدري وش تجيب لي
ارحم لي اقووم واجيب شغلتي بنفسي وهي اذا ذكيه تلقط الاسم < بس الظاهر انها ماتركز
جد جد محتاجه وحده فيكم تقولي سوي وسوي
والله انا ماجبتها الا لفصولي واخوه مدري اخته يالله العافيه
حتى البيت مافيه شيء يستوجب شغاله .. يعني الغسيل مو مكلف علي .. وتنظيف السيراميك بعد مايهد
وطبخي انا من اول قليل .. عشان من حمل لحوسة بيبي صغير وبعدين حمل ثاني والحمد لله
الدوام مااقدر اخذ منه اجازه رعاية مولود للظروف المادية اللي عندي
والاستثنائية اصعب واصعب
واجازتي المستحقه شهر .. واباخذها ان شاء الله بعد اجازة الوضع
من فينا يحتاج اعادة تأهيل ..؟
وتتوقعون انها ممكن تتعدل ..؟
ولا من الاساس قبل اولد اتنازل عنها وانقل كفالتها واجيب غيرها ..؟
شوروا علي تكفون .. الوقت يمشي .. وانا مالي واثقل .. وماعندي احد بالمنطقه يساعدني
يعني اهلي بمكان ثاني .. واختي بعد موظفه < فلا احد يقولي حطيها عند احد من اهلك بوقت غيابك
انا مالي الا الله .. هو اللي استودعهم اياه
وزوجي بين فتره وفتره يجي يطل عليهم < وهذا الثاني عصبي .. لو يشوف ادنى تقصير بحق ولده سوا سالفه .. وماالومه بس عاد انا عصبيه وهو عصبي وهي ردات فعلها بارده ... الوضع يتأزم كذا
تكفوون .. وتكفوون تهز مدري من تهز
لاتطنشون وضعي .. جد قفلت معي اليوم
الولد عشاننا جايين من سفر وهي وهو نايمين طول الطريق < 1450 كيلو متواصل يعني تقريبا 13 ساعه وهم نايمين بالسياره ... وانا مكرشة وجالسه يعني قمة التعب
جينا للبيت بس فطرته الساعه 7 وقلت لها انتبهي له .. دخلت طاافيه ابنام
ماجاني نوم الا الساعه 11 واسمعه طول هالوقت ماما وماما < طفشان ويعرف اني بالغرفه
المهم قمت على الساعه 4 واسمعه يبكي وانا مهني لي نوم اصلاً .. جيتها هااه يافلانه وش اكل ..؟
قالت مدام انتي اكلتيه !!!!
من الساعه 7 .. الى 4 ... يعني 8 او 9 ساعات الولد فيها صاحي ماطب فمه شيء غير الفطور اللي على خبري !!!!!!
حتى الموية الظاهر ماعرضتها عليه
هنا انا ماقدر امسك نفسي .. وهاوشتها وقمت سويت له شيء يأكله وميت جووع روح امه
وهي مدت البوز شبرين يقالها زعلانه < عشان كذا كنت افكر فيها حتى وانا اصلي استغفر الله
< قال الوضع بااختصار هاه
اعذروني ترى احب اشرح عشان تعطوني الرأي السديد
بإنتظاركم تكفون

ليتك طالبه فلبينيه كان تشوفين السنع خاصة المسيحيات الكبار مو الصغار بس كلمي المكتب شوفي امكانيه تبديلها يمكن احد يرجع وحده فيكلمونك تجربينها لك يومين ادا اعجبتك على خير وادا لا تدفعين عن كل يوم مبلغ يمكن ميه وادخلي موقع العماله المنزليه شوفي يمكن احد يبدلك او تبيعينها وتشترين من نفس الموقع في عروض خادمات للبيع
يالله الله يعينك على هالدنيا يبيلها طوله بال

السلام عليكم ورحمة الله وبركاته
مساكم الله با الخير اخواتي الكريمات هذي اول مشاركه لى وياليت ماتبخلون علي يا اهل الخبره
ولولا العشم بكم ما كان كتبتلكم ما بطول عليكم با ادخل با الموضوع
انابتجين شغاله يو الثلاثاء طبعن هذي اول مره
هي جايه قبل شهر بس علطول وديناه من المطار لخاتي لاان شغالته راحت وبترجع وشغالت خالتي بترجع
طبعن الشغاله بتجين بحكم انها لى انا مرتبكه ومتخوفه بحكم انه اول مره طيب انا مادري كيف اتعامل معه لانه اكبر مني فامادري ماني متخيله الوضع ادري بتضحكون علي بتقولون اصلن هي شغاله يعني وش وضيفته بس انا ماتعوت احد اكبر مني يخدمني احيانن اتحسف اني ماطلبت صغيره علشان اعرف اتعامل معاها اعطوني يذوات الخبره تجاربكم
كيف العامل معاها لاهنتم

يعني طبيعي
هيا جاية تخدمك وتريحك
انتي لي خايفة
بس الله يعطيكي خيرها ويكفيكي من شرها

راقية المدينة
الله يعطيك العافيه اختي راقيه المدينه
بس انا احسه شعور طبيعي الخوف بحكم انه اول مره وما نسمع عنهم الكثير

لا ياقلبي والله طبيعي بس عشان انتي اول مره تجيبيها وخايفة
بس اهم شي هيا لاتشوف خوفك وخليكي طبيعية قدامها

ازا ما بتلزمك الشغالة لا تجيبيهاا
وجع راس
موفقة حبيبتي

اي والله وجع راس
الله يكفيك شرها يارب

الله يكفيك شرها