مشهد عن النميمة

هلا حبيبتي
اتذكر مشهد سويته زمان لمن كنت سادس ابتدائي
ان شاء الله تعجبك فكرته
كنا حوالي 5 طالبات
رح تحتاجو:
شكل جسم الانسان
احنا اخدنا من غرفه معلمه العلوم جسم انسان (الي يجي باين امعائه والرئتين وتتفك وتتركب) عرفتيه
وكمان جبنا كاسات وصحون بلاستك افضل عشان ترموها بعد ماتخلصو وتتوسخ,,
مكركوم حق الجروح الاحمر لونه عشان رح نستخدمه كنه دم..
المشهد يجتمعو البنات حول طاوله وطبعا قدام كل وحه صحن وكاسه تكونو حاطيتو عليها مكركوم والكاسات خليه باين من برا يعني تحطو عالطرف ونازل كنه منسكب للخارج شويا
والصحون تحطو عليها كمان وجيبو شوك وملاعق
والبنات يجتمعو حول الطاوله ويتكلمو شوفتي فلانه كيف سمنت
وترد الثانيه ايوا مرا لا وشكلها مدري كيف صبغت والصبغه مرا مو حلوة
والثانيه تقول دريتو عن ام فلان اتطلقت
وترد الثانيه تستااهل مافيها خير ومدري ايه
وعلى هذا المنوال...
وخلال المحادثه يكونو يشربو وياكلو وتغرس الشوكه في الجسم (المجسم ) وتاكل وزي كذا
طبعا هو رح يمثل ان كيف المغتاب كانه ياكل من لحم اخيه
وممكن تستشهدو بالحديث بعد المشهد
على فكرا الحوار حاولت احطه من راسي عشان اوريكي الفكرا وانتي تقدري تبدعي فيه
احنا سويناه زمان ومررا ناسيه الحوار ,,
ان شاء الله يعجبك وان شاء الله فهمتي عليا
ترى شرحي على قدي
سييو

السلام عليكم ورحمة الله وبركاته
عن جد تسلمي حبيبتي...على المشهد
بارك الله فيك....