مصايب كلية إعداد المعلمات بالصور الى متى الإهمال مهم مهم مهم

بسم الله الرحمن الرحيم
والسلام عليكم ورحمة الله وبركاته
خواتي الفراشات
اللي في كلية إعداد المعلمات واللي في غيرها سواء جامعة او كلية
طبعا الكل يعرف أن في بعض المباني حقة الجامعات والكليات هارية ورايحة فيها
وهذي مشكلة كبيرة جدا جدا جدا
في مرة من المرات وفي كلية إعداد المعلمات اللي في دايل تحديدا""
مبنى رياض الأطفال بكبره بغى يطيح بالبنات اللي فيه
لدرجة أنهم قاموا الامن والشؤوون يتصاقعون ويطلعون البنات ويفضون المبنى
وربكم ستر وماصار شي للطالبات وهذا من فضل ربي
واليوم االمصيبة اللي صارت فريش
>>> وتبدأ الحكاية
في بنات فارشين زوليتهم وجالسين يسولفون ويضحكون
وربي يامرهم ويقومون وهذا من فضله سبحانه
وتو البنات ماشين ألا وتطيح حدايد على نفس مكان البنات
يعني ( لو ) البنات ماقاموا كان الحين اللي بين الحياة والموت
واللي يمكن ودعت الدنيا
لكن الحمدالله على قضائه
أنا أدري أن ( لو ) تفتح عمل الشيطان لكن أنا قلت لو لان أصلا المباني رايحة فيها ويبغالها إعادة نظر
وتصليح
ماجيت على مبنى سليم وقلت لو يطيح <<< أكيد فهمتوا قصدي
والشي الثاني اللي صار أن في مكيف طاح وبرضو في تحته زوليات حقة بنات
والمكيف الحين متعلق مابعد طاح والله يستر لا يخلونه كعاتهم ويطيح على راس بنت وينهي حياتها
طبعا هو والناس تمشي طاح كان له صوت يروع
الحمدالله أنكم ماسمعتوه ولا كان الصوت بحد ذاته بيسبب لكم مصيبة
وهذي الصورة بالدليل القاطع
لايطلع لنا أحد ويقول كذابين وماصار شي
يعني انا صديقتي كانت تجلس قريب من هذا المكان اللي بغى يطيح عليهم المكيف
لو كانت موجودة قبلها وش كان راح يصير
وهذا رابط الفيديو
http://file8.9q9q.net/Download/22457178/---.zip.html
يعني أحنا نقوم من صباح الله خير وطقاق أحنا وهالنوم لين نقوم عشان نتعلم
ولا عشان ندخل كلية تهدد حياتنا!!!!!!!!!
همسة جد
( تمت كتابة هذا الموضوع بأسلوب ساخر ومضحك للترفيه عن النفس بعد تلك المصيبة الحاصلة فعلا
شرُ البليةِ مايُضحك و لاحول ولا قوة الا بالله )
رايكم وتعليقكم على الموضوع