مطبح جديد ورأيكم بIKEA ساعدوني

نصيحتي لاتاخذين من ايكيا لان مطابخهم ماتدوم مع الزمن

مدري والله عن ايكيا
طيب شوفي الالمنيوم الي على شكل خشب مره روعه

انا اقولك اختي خدي الفكرا الي تبغيها من ايكياونفذيها بس لاتشتري من ايكيا ولكي مني جزيل الشكر وتقبلي مروري

انا والله سويت مطبخي من ايكيا وصراحة كان مرة حلو لان اسلوبهم مميز وافكارهم حلوة وعملية...بس مطبخي كان خشب و مرة خربت علي المغسلة وكبت الموية على الدولاب الي تحت المغسلة وخرب الدولاب ...لان الخشب ما يتحمل موية
اتمنى اني اكون افدتك...اختك ليال

سمعت انها غير عمليه وحساسه
وتخسرين فيه على الفاضي
تبين نصيحه
...فيه محلات مطابخ في شارع التخصيصي
اذا كنتي بالرياض
وغالبها حلوة وشغلها زين...

مطابخ الألمنيوم عمليه
الخشب مو زين لأنه ما يتحمل المويه ويسوس
والألمنيوم في منه أشكال على خشب روعه
والمغاسل رخام
أيكيا
حلو للأكسسوارات
الدواليب موعمليه وسريعه التلف
أتمنى أكون أ فدتك...

على الخاص راسليني
وانا اقول لك وين من الرياض ومحلات كثير واسعار بسيطه
اما ايكيا ابدا ابدا لا تجربيها
لكن كنصيحه شخصيه
روحي خذي التصميم والافكار لان افكارهم روعه
وبعد كذا روحي فصلي باي مكان
وانصحك تتجنبي التالي
الخشب ابدا لا تجربيه
الشفاط لانه على الفاضي مهما كان اصلي يخرب
اكتفي بالشفاط اللي بالمطبخ
تجنبي المغسله الرخام تكسر المواعين
لونها يبهت بعد فتره
مافي زي الاستانلس ستيل كلما تنظفيه يرجع يلمع
كمان خذي مقاس مطبخك مقاس صحيح
فكري بااكثر من طريقه لاضاءه المطبخ حتى يكون مطبخك متجدد مع تغير مزاجك
يعني اما تحت الدواليب العلويه
او بزوايا المطبخ
المهم انتي وافكارك
وبالتوفيق

أخواتي
اشكركم جميعا على
مروركم العطر
وردودكم الهادفة .

لاتبخلون شاركو بآرائكم .