مطلوب افكار للمراجعه

خلي الطالبات يكتبون اسئله كلهم عن الجزء المحدد لهم
وبعدين قسميهم قسمين مثلا الاولى من الجهه اليسرى تسأل المقابله لها بالجهه اليمنى
وحطي نقاط بحيث اذا جاوبت تصير للمجموعه نقطه
واذا ماجاوبت ترد لها السؤال وتجاوبه اللي سألته وتاخذ هي النقطه..
وممكن تقوم طالبه من مجموعه وتشرح جزء من درس وتسأل عليه الطالبات..

انا كنت مسويه لعبه على لوح فلين وهي عباره عن 4 او 5 صور مثل النجمه ومفتاح وعلامة استفهام وحلاوه كرموز وكررتهم كلهم بالتساوي وعبيت اللوح طبعا كنت مثبتتهم على ورق ملون علشان تكون اللوحه ملفته وسويت مكعب مثل حق الالعاب بس كبير طبعا من الفلين وكل صوره لها نوعيه معينه من الاسئله مثلا النجمه (( اكمل الفراغ )) و المفتاح (( صندوق وله كذا مفتاح واللي تاخذ المفتاح وتفتحه لها هديه او سؤال و (( الحلاوه )) صح او خطأ واللي تجاوب لها شوكليت او كوبونات انا مسويتها ومتفقه مع المقصف اللي تجيبهم من الطالبات وعندها نفس هالكوبون عطوها وانا احاسبهم بعدين ... وماتتخيلين انبسطوا عليها البنات وقالوا حصتك احسن حصه وطبعا فكرتها انك تقسمين الفصل الى مجموعتين وتختارين بنت من كل مجموعه ويبدؤون اللعب وتبداين انتي الاسئله معهم واللي تخطأ ترجع مكانها وتطلع بنت ثانيه من مجموعتها بحيث ان البنات كلهم ينسألون اثناء الحصه وبكذا المعلمه تكون شملت الكل بالمراجعه
اتمنى اكون افدتك والله يوفقك

طبعا نسيت ماقلت لك ان الاسئله تكون في ورق ابيض ومثبت على ورق ملون وفي الخلف صوره الرمز سواء النجمه او الحلاوه او او ..... علشان تكون الاسئله مرتبه ومفروزه يعني ماتتلخبط الاسئله مع بعضها
اتمنى اكون قدرت اوصل لك الفكره واي استفسار انا بالخدمه

مشكورين الصراحة على ردودكم الطيب ة
وان شاء الله اسويها

أنا عندي فكره
وهي إنك تاخذي فلين وتأخذي الكاسات الي من الورق للشاي وتقصيها بالنص وتثبتينها على الفلين وبعدين
تاخذي لبتون و تقطعي اوراق الشاي الي تحته وتحطي مكانه الاسئله وتحطيه داخل الكأس ........
أتمنى إنك فهمتيها
تقبلي مروري

مشكورة اختي على الفكرة الحلوة وان شاء الله اسويها

إنت الأحلى بس إن شاء الله فهمتيها

ام على طريق اسئلة واجوبة

مشكورين حباايبي على الافكاار الحلوة