معاناتي وتعاستي وهمي سببها زوجي

أالسلام عليكم
أنا متزوجة وعندي ولدين الكبير4سنوات والصغير سنتين
زوجي ميسور وراتبه ثلاثة عشر الف شهريا مدري أقول هو شين والا زين
هو مصلي وماعنده خرابيط بس كرهته ودايم ادعي عليه وعلى أهله
مقصر معي حتى لوأطلب شئ تافه وأمه وأخواته يعطيهم أي شئ حتى لو غالي تعبت معاه
وأبوه رجال ميسور ومتقاعد وعنده عمارة ملك ومحلات وحتى إخوانه أربعة كلهم متزوجين وموظفين
والله يابنات كتمت الهم في قلبي وتعبت قلت لازم أفضفض للناس اللي مايعرفوني
يابنات إذا طلبت شي منه يقول أبغي أوفر وأسوي لي بيت و ويوم يطلبون خواته مع إنهم أبوهم ميسور
على طول يلبي لهم والله يابنات دايم أبكي وادعي عليه كل يوم
أدوس على كرامتي وأقول ماعليه عشان أولادي ما بيهم يتبهذلون بكرة بيكبرون ويعوضوني
قبل الإجازة طلبته في أشياء ملابس وعطور ومارد عليه وكلمته مرة ثانية وقال وش تبغين بها محد بيجي
عندنا ولا حنا رايحين والله آخر ملابس شريتها في شهر الحج وحتى أغلبها بجايم وتنورة وحدة
ويوم جاء يوم الخميس ولا أخته تتصل به تقول تعال ودينا السوق وراح بهم ولا قال لي تعالي معنا
ومن بعد العصر ومارجع إلا الساعة تسعة بعد العشاء ودخل بيده فاضية ويقول لي ماسويتي شئ
ناكله وقمت وجهزت عشاء ويوم جلسنا ناكل ولا هو يقول الله يهدي البنات وجعتني رجولي من اللف في السوق
شريت لهم بالف واربع ميه كلها ملابس وأحذية والله انقهرت وبغيت أغص باللقمة وسويت نفسي شبعت وقمت المطبخ وجلست أبكي
أنا طلبته وعيا وراح بخواته مع انهم مايحتاجون ملابس شهريا ينزلون السوق
طلبته في جوال قبل الحج وجب لي جهاز يفضح أبو كشاف بسبعين ريال
ويوم سافرت عندي أهلي وتجمعنا أنا وخواتي المتزوجات شكل أبوي شاف جوالي من بين خواتي وراح وجاب لي جهاز جديد يجنن وقال هديه مني واول ماشافه قال الله من وين الجهاز قلت هديه من أبوي قال خلينا نبيعه
ونتصرف بحقة وخذي جهازك الأول اللي شريته لك
ماعمري شكيت على أهلي أقول يمكن يتغير خواته إذا جلسوا معي يبغون يقهروني دايم يمدحونه وجاب لنا وشرى لنا
حتى ذهبي والله انتهى كل ما جاء عيد والا مناسبة وطلبته في شي للبيت قال ماعندي أروح وابيع قطعة من ذهبي
واشتري والناس يحسبونها من عنده
وإذا بغيت أنزل السوق يروح يدق على خواته أنا وام وليد بنروح السوق تجون معنا يقومون ينزلون معنا
تعبت إذ جلسنا وابغي أتفاهم معهاه يقول تاكلين وتشربين وتلبسين وش تبغين أسوي لك اشتري لك اللي في السوق عشان ترضين ويطلعني إني ماأشكر ويصور لي إني عايشة في نعمة مافيها إلا أنا
ويحسسني إني مستاهل واخواته يستاهلون يلبسون ويكشخون واني عقلي صغير أقلد خواته
وفيه عطر عجبني مع أختي وخذت اسمه وقلت اشره اعجبتني ريحته وراح ويوم حصله بميه وثمانين رجع
وخاصمني وسبني وشتمني واني راء خفيفات العقول
والله العظيم جلسنا اسبوع رحنا زيارة لاهله وجينا واخته اللي بالمتوسط زعلانة تبغي دروع للمدرسة ومحد
جاب لها وهو ياخذها ويروحون وبعد ما رجعوا سالتها بكم الدروع قالت باربع ميه وهو اللي حاسب
المشكلة دايم يستغل طيبتي ودايم يقول عند أهله زوجتي عاقلة ماعندها طلبات غير الضرورية
وإذا طلبت في شئ قال ماله داعي مولازم موضروري حتى اللابتوب جاني هدية من أختي يوم جبت ولدي
الأخير وكل يوم يقول بيعيه وش تبين به
صبرت وصبرت بس شكلي خلاص نفذ صبري
دخيلكم أشيروا عليه وش أسوي إحترت معاه