معلمات الفنية المبدعات

انا منيب معلمة فنيه بس جات ببالي فكره وقلت اقول لك عليها يمكن تفيدك مع ان ماعليكم زود يامعلمات الفنيه اكييد مبدعات بحكم التخصص
بامكانك تسوين مجسم كبير للوحة الالوان حقت الرسام مع فرشاتها وتحطينها بزاويه من زوايا الغرفه او مجسم علبة الوان والفرشاه ... بالنسبه للبوردات بامكانك تلبسينها ثلاث انواع من الاقمشه مختلفه في اللون وبشكل طولي يعني مو بالعرض وكل ماغلفتي جزء كرري الالوان الثلاثه بالتساوي والفريم او الاطار حق البورد حطي عليه شرايط تغليف الهدايا في منها انواع واشكال فيه الشيفونات والقماش الساده واللي فيها رسومات حلوه يعطي جوو او ممكن تسوين الاطار من الكورنيس وممكن تسوينه الوان ويكون مكرمش ومشدود بس هذا يبيله وقت وبيكلفك كثير كورنيش
وحتى باب الغرفه والمسكه حقت الباب استغليه من الداخل طبعا مو من بره علشان مايبهدلونه البنات ...واذا كان عندك ارفف تحتفظين فيها باغراضك بامكانك تصبغينها الوان مختلفه بس يكون فيها تناسق او اذا ماقدرتي تصبغينها غلفيها بالتغليفه اللي تجيك زي تظليلة السياره فيها صمغ من وراها علشان تثبت وبيعطيك تنوع الالوان جو حلوو للارفف
ام .. هذا اللي عندي الحين اتمنى اكون افدتك

ايه نسيت ماقلت لك ياعسل ... استغللي حتى سقف الغرفه اما انك تثبتين عليه اي شي يخص الفنيه مثل الادوات اللي تستخدمونها او انك تخلينها متدليه بخيوط وتكون نازله شويه مو كثير علشان البنات مايلعبون فيهم وتلهيهم عنك
لي عوده اذا تذكرت شي

السقف
جيبي اقمشه ملونه شيفون او خياش حسب ذوقك وقصيها مربعات متساويه على حسب الحجم اللي تبين
بعدين لزقيها من الزوايا فقط يعني خلي الوسط يكون متدلي وممكن تحطين في وسط القماش او الخيش
ورد او اكسسوارات مستغنين عنها مثلا القلب حق السلسال او حق الخاتم او اي شي يعجبك اي خامه
مستغنين عنها يعني يطلع لك السقف عبارة عن برزوزات ملونه والبروزات مجمله بورد او اي شي طبعا يكون
مشكل........
ارجو ان تحوز الفكرة على اعجابك
واذا لقيت شي برد عليك دمتي بود

الزاويه
حطي طاوله وعليها كرسي طبعا يطلع لك مدرج وجيبي
قماش شيفون او ستان حسب ذوقك المهم يكون حرير ينسدل بدلع وافرشيه عليهم من فوق لتحت ولازم
يكون القماش طويل يعني ينفرش بالارض ويطلع
لك زاويه مدرجه وحطي على الدرجه الاولى اللي فوق تحفه فنيه مثلا جرة والبسيها سلسال طويل وحطي
عليها قبعه من قش مثلا ....... والدرجه اللي تحتها اما تحطين لوحه ناعمة او تنثرين عليها اكسسوارات و لؤلؤ وررود
وممكن نظارة شمسيه مستغنين عنها اذا انتي ما عندك اجمعي من البنات اي شي مستغنين عنه ترا ما
فيها شي و مثلا تجيبين جزمه وشنطه صغيرة ما تبونها وتجملينها حسب ذوقك يعني تخلينها طقم
وتحطينها تحت في الارضيه على القماش او ممكن تحطين تحت القماش اي شي بارز يعني له بروزات مثلا
يعطيك شكل جبال او شكل زجاج متحطم وتلزقين على زوايا البروزات اي شي يعجبك بس يكون وزنه
خفيف ........
اتمنى ان تحوز الفكرة على رضاك
واذا تذكرت شي ارجع لك الله يوفقك

^ سكرره ^
الفراشة الشفافة
جزاكم الله خير بجد افكار حلوة ومميزة
مشكورات