مقالب من زوجي

يسعدني اني أكون أول مشاركه
والمقلب بعد الملكه واعدني انه يجي عندي
واستعديت لآخر دقيقه من تحضيرات ولبس وكشخه
وحلويات وكل شيء
وانتظرته وانتظرته وانتظرته
وماجاني !!!!!!!!!!!!!
كان الحبيب نايم
وزعلت عليه وبكيت وتفشلت قدام أهلي
وبعدها كلمني واعتذر وكان ودي اذبحه من القهر لكني مستحيه منه
والى الآن نتذكر الموقف ونضحك عليه

موضوع حلو بس مااتذكر انه سوي معايا مقلب اصلا هو جدي مره خ

ما عندي مواقف

أما أنا غير مقلب حكايه،،
كنا مسافرين أول ماتزوجت لمكه ووقفنا بالطريق قال انا مشتهي رز مندي>>يتوحم!!!
المهم وقفنا وكان المطعم قديم جدا جدا وكله هنوود ياكلون الوحده بنظراتهم لها المهم خلاني بالسياره لحالي يمكن نصف سااعه أو أكثر لا ومطفي السياره وأنا خست من الحر لاننا االعصرتقريبا المهم قررت أتهور وأنزل المهم دخلت وماشفته وأسأل العامل اللي فيه وراح ناداه لي وانا أركض راجعه للسياره صارت السياره مقفوله ووقفت بعز الشمس لين شرف حضرته وأنا واصله معي خوف وحر وعروس مرعوبه!!!!!
بس ماقلت له شي لاني استحي،،بس هالحين كل ماذكرت هالموقف جلست اهاوش عليه!!

اشكركم خواتي العزيزات ع المشاركة
عديل الروح مرورج اسعدني و الموقف حدة محرج خاصة جدام الاهل
غلا 2007 و dodo2005 اسعدني مروركم ....

ههه
اختي شوكولاته صراحة موقفج ولا اروع بس صج معرس مريش ع الاخر مخلي عروسته الحلوة بالسيارة
وبالحر بعد صراحة صج مقلب .....

بصراحه ان ما حبيت ادخل وما ارد
انا للحين ما تزوجت >>> الله يرزقنا بالزوج الصالح والذريه الصالحه
اللهم آمين
سبحان الله وبحمدك سبحان الله العظيم

في فترة الملجه
كنت مسافره وهو فالبلاد
اتصل فيني من رقم غريب وغير صوته
يقولي انتي فلانه حرم فلان
اقوله اي
يقولي زوجج تعبان وايد ويريد يشوفج
عاد انا عقلي طار
كنت قاعده في لوبي الفندق
لو تشوفوني صياح وحالتي حاله
وبعد خمس دقايق حسيت بحد واقف وراي وحاط يده على كتفي
التفت الا اشوفه وراي
حسيت بكل انواع الفشيله والاحراج
وفي شهر العسل نفس الشي
كان الحبيب يسبح فالبركه التابعه لغرفتنا
عاد هو يسبح وانا قاعده اشوفه
الا مره وحده يقولي آآه ساقي ماقدر اتحرك
ونزل تحت الماي
وانا تصروعت نزلت له بملابسي يابلفيت انقذه
اول ماقربت صوبه نط برا الماي وخرعني
والحين صرت ماصدقة

ههه
حلوة مقالب زوجج و الله انه حاب يشوف مقدار محبته عندج يحليلة دمه خفيف تسلمين حبيبتي الغيورة ع المرور