مكواة السيراميك

جوري طيبة

25-06-2022 - 09:35 am

السلام عليكم ورحمة الله وبركاته
صبايا انا ناوية اشتري مكواة السيراميك لشعري
بس مترددة لاني قريت تجارب لبنات يمدحونها
وبنات يذمونها
واحترت اشتريها ولالا؟
انا شعري لحد كتفي وخفيف وموخشن مرة يعني فيه تموجات بسيطة
فاابغى رأيكم ونصيحتكم اشتريها او لا؟؟
وايش افضل نوع ؟ وياليت الاسعار بعد
والف شكر لكل من ردت على اسئلتي
الله يجزآآكم خير:ق1::ق1::ق1::ق1:

التعليقات (9)

دمي ازرق

25-06-2022 - 01:05 pm

كلنا في الهواء سوا
انا مدحتها لي حرمة اخوي
وانا شعري نفس حالة شعرك
بانتار من يفيدنا

جــــ(نيوتن)ــــاذبية

25-06-2022 - 02:06 pm

ما أدري واذا عرفتي ساعدينا ..

shjwan

25-06-2022 - 03:07 pm

شا اطرة ياجوري موضوعك جاء بوقته انا بعد ابي اشتريه
وابي اعرف طريقته للاستعمال يعني قبل مانستخدمة اكيد في سيروم نحطه قبل الاسبراي وبعدين نستخدمة
اش انواع السيروم اللي المفروض نستخدمها وبس مشكوره ع الموضوع

الجنةحلمي

25-06-2022 - 04:08 pm

الة السيراميك اعرف بنات اتروها ويقولوا الافضل الي من يو مارك بس ماعرف ماركتها ايش..
واللي اعرفه انه لازم تستشورين شعرك قبل ستخدمينها...>>> فقلت وش الفايدة اجل...
هي يمكن الزين فيها انه تخلي الشعر مستقيم
ويمكن ماتناسب اللي شعورهم خشنة يبيله شغل..
عاد تبوون الصراحة انا ضدها ....لان حرارتها على الشعر قوية مرة ....واكيد بتضر الشعر
مووفقات يالغوالي..

ندى الأوراق

25-06-2022 - 05:09 pm

حبيباتي الة السرميك انا واخواتي شريناها واستخدمتها لشعري بصراحه مرة جنان
لدرجة اني رميت الاستشوار وماعدا استخدمه بالمرة
وطريقة مرة سهله ماتحتاج اي شئ وتستخدميها براحتك اذا كان مبلول بالمويه او شبة مبلول او ناشف بالمرة
وبالعكس ماهي مضرة للشعر
لان مادة السرميك تعمل على دخول المويه جوة الشعرة نفسها حتى لمى تحطين على شعرك كريم مغذي او بلسم وتستخدميها عادي
اما بالنسبة انك تستخدمي قبلها استشوار لا غلط اساسا مالها داعي اذا استخدمتي استشوار
يعني على طول تستخدميها
واذا تبون نصيحتي اتركوا عنكم الاستشوار والله انه دمار للشعر
والسرميك افضل منه بمليون مرة
دعواتكم لي بان الله يسخر اللي ببالي

moon-face

25-06-2022 - 06:10 pm

بالعكس السيراميك مره حلو
وافضل منتجات هي chi و ghd الامريكية لان افضل صالونات
بالعالم يستخدمونهم والخبراء
انا عن نفسي طلبت chi عن طريق موقع amazon
لاني بحثت كثير ومااقتنعت بالانواع الموجوده هنا
وعن السيريوم تقدرون تلاقونه بالصيدليه ينفع قبل وبعد
استخدام السيراميك

جوري طيبة

25-06-2022 - 07:11 pm

مشكورات يالغوالي عالافادة
الله يرزقكم ماتتمنون

DR.Nona

25-06-2022 - 08:12 pm

انا استخدم سيراميك امجوي مره روعه

^^ماشيه بدنيتي^^

25-06-2022 - 09:13 pm

انا شريت من شهر تقريبا ماركه امجوي .. ماغيرها امجوي
لون الجهاز اسود والسيراميك لونه احمر ... بالكرتونه تجي حقيبه ضد الحراره للسفر تقدرين تحطين الجهلز فيها ويجي مشطين واربع مساكات للشعر
الواح السيراميك عريضه وتجي مايله شوي .. وفيها مفتاح لضبط الحراره يعني شعرك مره خشن ومتين اختاري اقوى درجه واذا شعرك خفيف وناعم نوعا ما اختاري من درجات الوسط للخفيف علشان ماتضرين شعرك
بصراحه يابنات الي تجي الواحها مايله احلى من الي تجي متساويه لانها تعطي حجم لجذور الشعر ويصير كانه اكثف
واستخدمها وشعري نص مبلول ويطلع جنان ولا يتقصف ولا شي ... قريبتي تقول تستخدم الكريستال قبل بس انا والله ولا اشي اسبح وانتظر ينشف شوي واسويه
الجهاز شريته من محل اي ماكس للالكترونيات سعره حدود 173 تقريبا ... والله ناسيه بس اذكر انه رخيص مش غالي
وان شاء الله تستفيدون

الخل يغير الصبغة او لا←
لشعر حيوي ونضارة تكسبة ونعومة ولمعه وصفتي خاص للشعر المصبوغ والمعدموالتالف تلحق بسرع→