مكياج بسيط جدا

اوكي ...
انا عن نفسي بقوللج طريقتي...
حطي اول شي sun block عشان تحمين ويهج من التجاعيد المبكره
بعدين حطي خط كحل خفيف من تحت زاوية العين الخارجية لين النص...لاتكملين الخط على طول الجفن...
حطي فوق الجفن خط خفيف من الكحل لين نص الجفن بعد...وحكيه بالخفيف بالفرشاه عشان يحدد شكل العين.. بس لايكون وايد غامج... لازم يكون فاتح ومايبين يوم تكون عينج مفتوحه...
حطي مسكرا من ديور Dior Show .. وايد أوكي ...
إذا عندج هالات سوده حطي (( بعد الكحل والمسكرا )) شوي كونسيلر تحت عينج نفس لون بشرتج ..
أحسن كونسيلر استعملته لين اليوم، الكونسيلر الكريمي مال بوبي براون .. شوفي سايتهم www.bobbibrown.com
يبيعونه عند 4 You اللي فالستي ((بما انج قطريه )) وعندهم وحده اسمها دلال، ممتازه اتعرف لونج بالظبط وتعطيج كل شي على لونج ...
المهم... بعدين حطي جلوس شفاف او وردي .. شوفي لانكوم وديور عندهم شغلات روعه.... احلى شي حطي الشفاف اول شي، بعدين ظربات خفيفه جلوس ودري او الوردي اللي فيه شوي جليتر مثل لانكوم جوسي تيوب رقم 19 .. ايهبل جربيه...
انا اسوي جذي ... يطلع شكلج اوكي صباحي خفيف وناعم ومايسيح .... اتحسين نفسج نظيفه وكل من يسألج: انتي ليش ماحاطه شي؟؟؟ من بعيد مايبين انج حاطه... وايد خفيف حق الصبح .. أحلى شي
هاي اللي اسويه ... جربي وقولي لي النتيجه

أوه نسيت شي !!!
عن البودره ... شوفي الصبح حطي بودره خفيفه من كلينيك ... أحسن بودره جربتها.. وعندج بعد بوبي براون بودرتهم ماتسيح..
واذا عالالوان حق الشادو الصبح ... جربي الوردي الفاتح عالجفن المتحرك .
أو
ادمجي الكحل الاسود او البني مع الشادو البني الفاتح ... بس لاتغمجينه .. خليه سموكي حده.. يطلع وايد ناعم
ان شاالله تكون هاذي النصيحه اللي تبينها ويارب اكون افدتج

مثل ما قالت اختي 3e6er مكياج بسيط وحلو
تحياتي لج

3e6er
شكرا
دمتي جميله

ونا اشوف انه الفراشة ما قصرتك معاكي ولا خلت لنا مجال نحكي
مشكورة
سوسو

فديت قلبج كفيتي ووفيتي ياعمري ...

مايحتاج اقول شي غير كلام خيتو تسلمين