مكياج يابنات الريض

ام عيون

15-05-2022 - 02:36 am

بنات الرياض تكفون والله مابقي على زواج اخوي الى اسبوع :مالقيت احد يجي يسوي لي كمياج في البيت.بس ابي شغل مضبوط مرةرةتكفون يابنات الرياض.ولا وشلون شغل المعالي ومن الي يسوي كويس .ولا عطوني تكفون اسماء مشاغل واسماء الي يسون فيه.والله يجزاة الجنه ويفتح لها ابواب رحمته ويفرج كربتها الي بتساعدني

التعليقات (9)

مجروحة مشاعر

15-05-2022 - 06:08 am

اذا انتي ساكنه في الرياض
فيه وحده سعوديه شغلها
مره حلو ومضبوط
اذا تبغين رقمها ارسلي على الخاص
واعطيك رقمها .....بالتوفيق........

مجروحة مشاعر

15-05-2022 - 07:09 am

اذا حابه ترسلين مسج اوكي
انا بانتظارك

سدووومه

15-05-2022 - 08:10 am

ما انصحك بمشغل المعالي لانو مو الى ذيك الدرجه
قطرة ندى اعتقد احلى منه
وفيه فاشن اللي في العليا
وفي الملتقى اللي بالملز
وعندي وحدة تجي للبيت شغلها حلو ونعوم ويعجبك

miss-najd

15-05-2022 - 09:11 am

حبيبتي اذ تبين احسن وحده فيه اكثر من اسم وكلهم شغلهم ممتاز بس يسون مكياج من غير شعر بس كل وحده احلى من الثانيه انا شخيا ما اسوي الا عندهم .. وكل وحده تشتغل لحسابها الخاص وتسوي لي ميك اب ب500 ريال واذا بتحطن رموش ب 200 ريال زياده...
وهم .. باسمه .. او .. زور.. او.. روبي ..
انا شخصيا انصحك بروبي وعلى فكره كلهم لبنانيات.. وعندي ارقامهم اذا حبيتي احط لك ارقامهم ..

"الصغيرونة"

15-05-2022 - 10:12 am

ياهلا فيك ياام عيون
وراح احط لك رابط وان شاء الله راح تستفيدين
بس لاتنسين دعوة من القلب لاختك
http://www.alfrasha.com/showthread.php?t=34792
http://www.alfrasha.com/showthread.php?t=36184

دبيه ام خدود ورديه

15-05-2022 - 11:13 am

روحي مشغل ميسان مره روعه معالي مو حلو ابد
وميسان هذا بالتحليه جنب الريف اللبناني وستيديو ريما

شوق نجد

15-05-2022 - 12:14 pm

السلام عليكم ورحمة الله وبركاته
غاليتى اقسم بالله العظيم انى ما اقول غير الحق واقسم بالله انها لن تطولنى اى مصلحه
فيه مشغل روعه بجد بمعنى كلمه روعه فى المكياج والتسريحات
والرسم على الوجه وربي مكياجها خيالى واسعارها جدا رخصيه
وانصحك تروحى بس تشوفى الشغل وتشوفين الصور اللى مسويتها لعاملات المشغل ولكم عروسه قريبتها مصورتهم
والله انه جنان وبتدعين لى وانا زواجى بعد 10 ايام باذن الله وحجزت عندها تخيلى تصلح العروس ب800
والكياج المتميز جدا ب300 وترسملك على وجهك تتوه رسمة يد والوان نفس الوان فستانك
وعندها حركات والله العظيم انها خياليه ورهيبه مره
طبعا تسوى مكياج عادى بس اليوم شفته فى بنت اختى يهبل احسه مكياج كامل بلمعه ويسمى مكياج خليجى
بس روحى وشوفى شغلها والله بتدعين لى وتسوى لك بروفا اذا انت عروسه عين شكل وعين شكل وتشوف اللى يناسبك
وصاحبة المشغل هى الكوافيره ومختصه فقط فى المك اب يعنى وحده تحطلك الاساس و واخر شئ هى اللى تسوى لك مكياج العيون
بس مكياج خيالى
على فكره والله انا نصحت وحده من قريباتى انها تروح لهذا المشغل بس كانت متردده
لانها متعامله مع كم مشغل مشهور ومنه مشغل المعالى ودندشه والوسام
وقبل امس راحت للمشغل طبعا كنت انا فى نفس الزواج وشفت مكياجها ياخذ العقل
ومن شافتنى خمتنى وقامت تبوس فينى وتقول والله مانى مصدقه شكلى لدرجة انها صورت نفسها كم صوره
وكانت راسمه على خدها تتوه مبتدئ من الجبين ونازل على الخد بنفس الوان الفستان
وبشوف عينى الكل مسكها وسئلها وين مسويه مكياجها
طبعا بتستغربون وتقولون و ش ها المشغل واكيد بتتوقعون انه فى مكان راقي
بس والله الكل يجيه ويستاهل العنوه واسعارهم بجد اقل من العاديه والله انهم يستاهلون اكثر
والمشغل يقع فى العزيزيه جنوب الرياض واسمه مشغل فايزه
واى استفسار انا حاضره والله على ما اقول شهيد
وامانه يابنات اللى تروح لها تعلمنا ومتاكده انها بتدعيلى بجد اسعارهم رخيصه وشغلهم فن فى فن
وراح انزل صوره لمكياج طبقته على قريبتى اللى شفتها بالزواج
وامانه اللى تروح لها تعلم باقى الفرشات عن شغلها
ويارب اكون قدرت افيدك يالغاليه
والسلام عليكم اختكم شوق نجد

ريانة العود 2005

15-05-2022 - 01:15 pm

الله يجزيك خير
وما قصرتي000 وانا بقول لخواتي عليه 00 وان شاء الله يجربونه واردلك خبر00000000000

دلـgعته

15-05-2022 - 02:16 pm

اهلين اختي شوق نجد بصراحه حمستيني على المشغل هذا بالرغم متعامله مع ناس معينين لكن تعرفين احيانا تصير ظروف ما تلاقين اللي تبينها فاضيه
فلو تكرمتي فضلاً لا امراً انك ترسلين لي رقم المشغل

بنات قطر ادخلوا←
تعالوا شوفوا مرام قبل وبعد→