ملابس زوجي

والله انا مثلك بس هو رافض يخليني اغسلها بالبيت بالذات الثياب الجديده
ان شاء الله البنات يفيدونك

اول شي الثياب تتغسل الوحدها ماتحطي معاها شي بالغساله
ثانيا تحطين مويه وصابون بس كثري صابون وفري الغساله واذا قفلت فريها مره ثانيه وكبي المويه وعبي مويه جديده وحطي شوي صابون نص المقدارالاول اللي حطيتيه وحطي الثياب وفريها مرتين نفس الشي بعدين كبي المويه وحطي مويه بس وحطي الملابس وفري لين تحسين ان الصابون راح منها
هذي طريقتي في غسيل الملابس ماشاء الله اللي يشوف ملابس زوجي يفكرها جديده وهي لها سنين
ملاحظه: الكلوركس يعدم الملابس ويخليها صفراء
واذا كان لون نفس الثوب اصفر يعني مايل لصفار لا تحطين نيله
واذا كان الثوب ابيض يعني لامع وودك تغسلينها بالنيله حطي النيله مع الصابون والماء(في الغسله الثانيه مو الاولى) وخليها تختلط شوي وغسلي الملابس فيها تطلع خيال
اذا بالثوب بقعه او حبر او اي شي لا تحطين عليه ماء ولا صابون ولا شي اخذي الطرف اللي فيه بقعه واخذي الكلوركس مباشره من العلبه على البقعه صبي شوي بس وروحي وخليه نص ساعه وارجعي شوفيه يختفي لا تقولين بيعدم القماش كذا مباشره مايعدمه الا مع الصابون
وبس هذي تجاربي مع الغسيل
ودمتم بخير

استخدمي صابون اريال للثياب بدون كلوركس يخليها تلق
هذي طريقتي في غسل ثياب زوجي وماشاء الله كأنها جديدة

في اريال مع عبير داوني وتايد بعبير داوني

استخدمي اريل

ان شاء الله الخوات فادوك ياقلبي

شوف بقولك طريقتي هي متعبة شوي بس لها نتيجة روعة حتى أهل زوجي يقولون أن ملابسه تغيرت بعد الزواج
الملابس البيضاء مع بعض في الغسالة وتحطين تايد وماء وتفرين الغسالة مرتين
تكبين الماء وتحطين كلوركس وتايد وماء وتفرين الغسالة مرتين
تكبين الماء وتحطين تايد واريال وماء وتفرينه مرتين وتخلينهم مدة ساعة اوأكثر بالغسالة
وبعدين تكبين الماء وتغسلينهم بالماء والكمفورت وشوفي النتيجة بس أهم شي ماتكون الملابس كثيرة لانه ماتنظف اذا صارت كثيرة
ترى أنا وأمي مشهورات بالغسيل ههه

شكرا يا أم فارس والله يعيننا جميعا..
عسولة ونص كل اللي قلتي عليه أسويه وما قد استخدمت لها كلوركس أبد وهي الحمدلله ما تكون وسخة
مرة وانا ما استخدم الا اريال بلمسة داوني ومعجبني مرة في كل الملابس بس انا مشكلتي في ثياب زوجي بس..
عاشقة الغروب وهدى وفراشتين ونورسيان مشكورات انا فعلا ما استخدم الا اريال بلمسة داوني.
عرائس الطيف
طريقتك فعلا متعبة شوي لكن انا الحين اشتريت غسالة اتوماتيكية وهي ممتازة في كل شي لكن ما
جربتها للبيضاء الا مرة وحدة ونفس المشكلة صراحة تعبت..
يا اخوات اللي عندها حل تساعدني تكفون..
أنا اعرف طريقة الغسيل الصحيحة واغسل ملابسه لحالها وانظفها زين من الصابون وبعدها احط شوي
داوني مع الشطف الأخير ولا استخدم الكلوركس ومع ذلك تصفر الملابس والنيل ما اعجبني يبقع.. وش
اسوي؟؟؟؟؟

طريقتك صحيحه
يمكن ثياب زوجك اقماشهن من الي يصفر
جربي النيل مع الصابون