ملت من زوجي وكثر كلامه روحي عند اهلك

والله يا عمري اني حاسة فيك بس أنا أقول ليه ما ترسلين له رسالة جوال و تقولين له كل اللي في نفسك و شوفي لو ما رد عليك .. حاولي تدخلين ابوك في الموضوع ويناقشه بهدوء ...
طيب حبيبتي انتي عندك اطفال ؟

حبيبتي انا زوجي كان نفس الكلام كل ماتحصل مشكله يقولي روحي بيت اهلك وكنت اروح لكن مو هو الي يوديني كنت ادق على ابوي ويجي ياخذني ولمن ابي ارجع يقول الي وداك يرجعك والحين تعلمت اني ماعاد اروح اقول اذا تبيني اروح انت وديني لكن والله مع الدعا ءوالاستغفار ولمن يكون راضي علي اقول له لاعاد تقولي روحي بيت اهلك والله بطل يقولها ادعي ان الله يفك سجنه عاجلا غير اجلا

الله يكون في عونك ويهدي زوجك
بس انت خفي من قوله ابي اروح مع اهلي او عندي اهلي

حبيبتي انت زعلتيه بلاول لانك رحتي بدون رضاه ارسلي له رساله حلوه تعبر عن حبك وعدم استغناءك عنه وشوفي اذا ما رد دقي عليه وتدلعي قولي كذا اتغلى عليك وماتعبرني وانت اذكى من انك تخربين بيتك بسبب تافه المفروض ماطلعتي من الاول لين يرضى لاتزعلي من اختك لاتروحين لين تراضينه بالتلفون زين

آلله يعين
بس بجد خيتو طنشيه شوي يعني خليك ثقل لا تكلمينه ولا ترسلين ولا شي
وخليك عند اهلك ,, مرده بيفقدك وبيحس بشي ناقصه وهو الي يجيك
يمكن ماتقدرين بس حاولي
وان قالها مره ثانيه لا تروحين اجلسي بالصاله وهو بالمجلس وخليك عاتي ماكان بالبيت احد
وهو بيقول وش فيك كذآ ,, عاد هنا قولي الي بخاطرك
وبعدين حآولي تملكين قلبه ولا تعصبين وهيك وخذي الي يقوله بمزح واضحكي وقولي من جدك تبيني اروح
من بينام معك اليوم بتكون لحالك وهيك ,, يعني تدلعي عليه , ولا تزعلين بسرعه ان قالها خذيها بضحك بس مو دايم تيب
وربي يسخره لك

الله يهدي زوجك ويسخر قلبه لك يارب العالمين

الله يعينك
انتي تعرفين زوجك مع وين تدخلين له !!
فهمتي قصدي
يعني شوفي نقطة ضعفه
وشوفي اللي يفرحه ويحبه وسويه
واذا من النوع العنيد الله يعينك حاولي تسايرينه وتفهمينه ان بعض كلامه يضايقك
واذا عندك عيال
العيال العيال اصبري وصابري

ايوه بس انا لما جيت عند اهلي فهمتهم اني بنام عندكم زوجي طالع للمزرعة وبيجي بكرا والحين مدري وش اسوي زوجي مادق علي ولاشي مدري وش بقول لهلي وانا مابيهم يحسون ومادري اخلي اخوي يوديني البيتي ولا لا
تكفون قلولي وش اسوي وهو دايم طبعه كذا ولما نتراضى يقولي افهمي هذا بيتك واذا زعل قال روحي لهلك
علمن اننا متزوجين لنا سنتين وعندي بنت

اختي تبين نصيحتي لا تروحين لين يجي يدورك
وإذا رجعتي للبيت قولي له أن هالأسلوب غلط
وعيب يقول الكلام هذا في حقك وانك ما غلطتي
يوم تبين تروحي لأهلك قولي إذا ما تبيني أروح
قل ما بيك تروحي بس ما يجرحك بهالكلام
والله يسخره لك يارب.