ملف حركات خاصة باللحظات الزوجية الخاصة

joena25

19-09-2022 - 10:19 am

مرحبا لكل الفراشات كيفكم
اليوم ابغى اطرح عليكم موضوع وابغى تجاوب كبير منكم لانه يهم كل الزوجات الرومنسيات
كل وحدة تقول لو حبت تفاجيئ زوجها بليلة غير من مساج او غيره يعني حركات دلع
او عندها مناسبة خاصة مثلا خلصت الاربعين او اي شي تاني كل وحدة تطرح الي عندها وحتى لو كان من خيالها لان ممكن غيرها يستفيد
وكدة نكون عاونا بعضنا على ابقاء روح التجديد في الحياة الزوجية وكسر الروتين خاصة اننا في موسم اجازات وفي ناس ماتقدر تسافر فهم جدا يحتاجو الى التجديد
ويللا كل وحدة تطلع مواهبها

التعليقات (9)

joena25

19-09-2022 - 12:45 pm

معقولة ولا رد واحد فين الزوجات الرومنسيات

joena25

19-09-2022 - 01:46 pm

للأسف 179 قراءة ولا رد واحد
ارجو من المشرفات حدف الموضوع

بنت......بنوت

19-09-2022 - 02:47 pm

انا اعرف وحده سوت لزوجها حركه من كثر ما حبها بكى مدري ليش
بس المهم اللي سوته انها اليوم الموافق ليوم زواجها لبست فستان العرس
وعلقت اوراق على كل جدار وراسمه فيه سهوم تدل هي باي غرفه وهذا الين
وصلتو للغرفه اللي هي فيها
زوجها مره حب الفكره

عذاري الكويت

19-09-2022 - 03:48 pm

في يوم من الايام كنا طالعين نتمشى ...
وتكلمنا عن يوم العرس ...
وكان زوجي يسترجع تفاصيل ليلة العرس ..وخجلي منه لاننا متزوجين بطريقة تقليدية جدا ..يعني ما شافني ولا شفته غير ليلة العرس ...
حسيته وهو يسترجع هذيك اللحظات بحنين ..وحب ...
وحتى اللحظات اللي ارتبكت فيها بشدة وما كنت اتكلم من الخجل ولا اطالع حتى بعينه ؟.....
فقررت اسوي له حركة اجننه فيها ...
بعدها بكم يوم رجع متأخر من الديوانيه ..
وانا كنت مرتبة غرفة النوم مثل ما كانت يوم العرس ..
ولبست قميص النوم الستان الابيض اللي لبسته يوم العرس ...
وحطيت مكياج يشبه مكياج العرس وحتى العطر وبودرة الجسم نفس الشي ...
طبعا لما دخل الغرفة كنت جالسة على السرير ومنزلة راسي للارض
سلّم علي ..مارديت ..
اش فيج يابنية ..؟؟
ماكو كلام ...
قرّب وقعد يمّي ...يرفع راسي وانا انزله ..
يكلمني ..وانا ابعد جسمي عنه شوي شوي ...
لين تعقّد ...
وشوي شوي ..بدأ يعيد نفس الكلام اللي كنا نسولف فيه ...ونفس السوالف اللي بليلة العرس ...
مع انه ارتبك من الوضع بالبداية وفكّر ان فيني شي ...
بس حسيته بقمة السعادة وقال لي بلسانه انه حاس نفسه معرس جديد ...
وكأنه ليلة العرس انعادت بحذافيرها ...
.....
وبصراحه انا كنت راضية جدا عن نفسي لأني فاجأته واسعدته ...
وسلامتكم ..
وتعيشون ...
واسفة عالتطويل ...

قريمي

19-09-2022 - 04:49 pm

انا بذكرى زواجي طفيت اللمبات وولعت شموع من السيب الى الغرفه معاها اوراق الورد منثرتها ونثرتها على السرير والشموع حولينا وطاوله جانبيه عليها قماش ساتان احمر وعليها كيكه بصوره زواجنا وهديه ولبست فستان الزواج وصبغت وغيرت شكلي بس اهم شي خليته ماينسى هذي الليله يقول احسن من يوم الزواج

nicerose

19-09-2022 - 05:50 pm

انا دايما احب اسوي حركات بس الحين من بعد البيبي كل شي نسرقه وكل شي بهدوء وبالخش عشان الاستاذ لا يحس بشي بس اذا حبينا نغير اودي الولد عند امي المسكينه ونطلع مع بعض وساعات اخليه ينام مع امي مره وحده والبس ملابس نوم حلوه واتزين وزوجي يفرح اذا جا من العمل ولقاني متزينه له
مو ضروري الحركات تكون اخر الليل حلوه لما تصحي زوجك يوم الخميس الصباح وتفطرو فطور رومانسي

joena25

19-09-2022 - 06:51 pm

صراحة تسلمو وافكاركم روعة
وصحيح ترى روعة فطور يوم الخميس بدري يعني ع الساعة 9 تقومو وتفطرو وتقعدو شوي بعدين روحو نامو لانكم اكيد كنتم سهرانين

سونة النسنوسة

19-09-2022 - 07:52 pm

افكاركم حلو الله يعطيكم العافيه ومنكم نستفيد

بنت زايد

19-09-2022 - 08:53 pm

و الله اما ويا nicerose كل شيء تغير بعد ما يا البيبي حرمنا من الرومنسية و اكتملت يوم يبنا الشغاله.. الله يصبره بو زايد علي

تفضلي وستمتعي بفن الاحتضان←
أخطاء يقع بها بعض الأزواج وليس كلهم→