مليت من الطلعة وصرت افضل جلسة البيت

أم الريحانة

07-07-2022 - 12:49 am

السلام
كيفكم يا فراشات .. لا تخافون انا مو متهاوشه مع زوجي
بس مليت من الطلعة .. لان اذا قررنا نطلع نجلس نفكر وين بنروح وحتى لو ركبنا السيارة نظل نفكر ..
احيانا بس نفر فر بالسيارة ولا نروح مكان ..
يا ان الاماكن زحمة او مكرر او غيره ..
يللا يا بنات الشرقية وين تقترحوا علينا أماكن .؟ خليني اجمع لي ملف كامل للاماكن الحلوه ..
لا تبخلوا علينا ..
تحياتي

التعليقات (9)

طالبه الغفران

07-07-2022 - 03:37 am

تصدقين اختي انا اول ماتزوجت ورحت الشرقيه كانت هذي مشكلتي خصوصاً اني كنت في الطايف (الله كم اموت فيه) بس الحين الحمد لله تأقلمت على الوضع صارت كل طلعاتنا للمجمعات التجاريه وعندك الفن تايم والعزيزيه وعندك الكورنيش القعده فيه ترد الروح وفيه والله اماكن مرة حلوة

مرادي2005

07-07-2022 - 04:38 am

هاذا وانت في الشرقيه حلوه وفيها امان كثيره
والله مايحق لك تقولي كذا
واحلى شي البحر
اموت عليه

هيفاا

07-07-2022 - 05:39 am

والله صادقة .... دايما تحصل لي مع زوجي اذا حبينا نطلع
واحيانا من الحيرة نبطل الطلعة ....

ღ .هستوره .ღ

07-07-2022 - 06:40 am

احمدي ربك ساكنة بالشرقية ياسلالالالالالالالالالالالالالالالام
اجل لو كنت ِ ساكنة بعرعر وش بتسوين ؟

أم الريحانة

07-07-2022 - 07:41 am

طالبه الغفران
تصدقي يا عزيزتي انا ما مليت من الاماكن الي قلتيها بس الواحد يحب التغيير .. عشان تجدد المشاعر خ
المجمعات الواحد يمل منها زحمة والكورنيش صار زحمة ما عدا اوقات متاخرة من الليل او مبكرة من الصباح وفي هالوقت الناس نايمة ههه
تسلمي يا عمري طالبة غفران

أم الريحانة

07-07-2022 - 08:42 am

مرادي2005
وانا بعد اموت في البحر .. بس متى ياحظي .. لا برد مرتاحين ولا في الصيف

أم الريحانة

07-07-2022 - 09:43 am

هيفاا
بالفعل من الحيرة نبطل نطلع .. او نطلع في السيارة نعد لمبات الشارع ونرجع ههه

أم الريحانة

07-07-2022 - 10:44 am

هست نجد ورة
خلك على مجنونك لا يجيك الي اجن منه ..
بس احنا نبي نستفيد من المعلومات الي عند الاخوات عشان نعرف وين نروح

أم الريحانة

07-07-2022 - 11:45 am

يا فراشات نبي نعرف وين المطاعم الحلوه كافي شوب استراحات للحلى والعصير ..
أماكن تخلي الوحد هي وزوجها يرجعوا أيام الخطوبة بدون ازعاج الاولاد
يللا ورونا شطارتكم

حسن العشرة←
كلمات زوجية→