ممكن تددخلون وتساعدوني ربي يسعدكم

أسرار التأمل

13-03-2022 - 04:16 am

السلام عليكم ورحمة الله وبركاته ..
..
..

مرحبا فراشات كيفكم ,,,
ربي يسعدكم ويعطيكم ماتتمنون .. ابيكم تساعدوني ..
انا بصراحه مهري 15 وما ادري كيف اقسمه احس انه قليل ,,
صحيح كل شي بركه وبتوفيق ربي لكن كل وحده تدخل تكتب لي نصيحه او طريقه تسهل لي
من وين اشتري ملابس البيت والقمصان العطور او محلات ماكياج ..
و و و والحاجات هذي اكيد عارفين الباقي ههه
بحيث تكون غير مكلفه واقدر اجيب كل شي ..
طبعا انا بالرياض وابي محلات واماكن فيها ..
ولكم مني دعوه من القلب ...
اختم المحتاره .. أسرار ....

التعليقات (9)

اهواك وحيرني هواك

13-03-2022 - 06:50 am

وليش هاذي المقدمه الطويله

آتعبـטּـيے وفاآـيے

13-03-2022 - 07:51 am

ماعندي خلفيه
ان شاء الله يساعدونك البنات
الله أكبر الله أكبر ولله الحمد والله أكبر

najjo

13-03-2022 - 08:53 am

حبيبتي المكياج من هوت لاين ومحمود سعيد
و معطرات الجسم مثل مجموعات الإستحمام في محلات معروفة بروائحها الجميلة مثل نكتار بودي شوب وزهور الريف
وطبعاً للملابس الداخلية نعومي أجمل الأطقم للعرايس الأرواب والملابس الداخلية والبجايم روعه
أما إذا بغيتي ملابس للبيت فقط من ستي ماكس
والمسك والبخور واالعودة من عبد الصمد القرشي أو حامل المسك
وهذي كلها توجد في الرياض ولها فروع في كل المملكة

أسرار التأمل

13-03-2022 - 09:54 am

اهواك وحيرني هواك
؟؟؟
؟؟؟؟

أسرار التأمل

13-03-2022 - 10:55 am

آتعب يے وفاآيے
ربي يسعدك ويرفع قدرك ويرزقك ماتتمنين ..

فدوه لعيون امي

13-03-2022 - 11:56 am

انا بقولك اسواق رخيصه والباقي عليك
الرياض مول
الاندلس
سيتي ماكس
الهرم للبجايم وملابس النوم
سوق طيبه
ام بس وممكن تاخذين لفه على كذا سوق وتاخذين اللي يعجبك
وبالتوفيق لك

جل‘ـكسسي

13-03-2022 - 12:57 pm

آب لعيون أهل آلري’آض

وفاء أنثى

13-03-2022 - 01:58 pm

ياقلبي حاولي تكتبين في ورقه الاشياء اللي تحتاجينها وحددي لكل شي مبلغ معين ماتتجاوزينه عشان تكفيك
ولو بتأخذي قمصان النوم والبجايم من نعومي ولاسنزا وهالماركات بصراحه مكلفه ماتوقع يكفيك المهر
وبالتوفيق غلاي

FrOoOoHa

13-03-2022 - 02:59 pm

الله يطرحلك البركه فيه
بس انتي تصدقي منه لو ب 5 ريال

بنات بريده تكفوون ساعدوني←
فتررة ملكتي قصيره وش رايكم→