ممكن حد خبيرة في الحقن يدخل هنا

بحراسكندرية

12-09-2022 - 04:03 pm

السلام عليكم ... اخواتى انا عندى مشكلة في انعدام الحيوانات المنوية عند جوزى تابع مع هذا الربط
http://alfrasha.maktoob.com/showthread.php?t=719948
اخواتى انا روحت كشفت عند دكتور حقن راح كاتب لجوزى اقراص فيتامين ا&ه ( VITAMIN A& E ) لمده ثلاث شهور وكاتب لى اقراص اموفاج ( AMOPHAGE )ايضا لمده ثلاث اشهر مع العلم انى جوزى عنده انعدام في الحيوانات المنوية وبعد ثلاث اشهر لو في حيوانات في السائل بدون فتح الخصية حيتم عمل العملية ... تكليف العملية 5 الف جنية ... ايضا روحت عند دكتور تانى افاد بانه حيتم اخذ منشطات للزوجة فقط لمده شهر وبعد الشهر حيعمل عملية لجوزى حيفتح عشان ياخد الحيوانات المنوية من الخصية تكليف العملية 9 الف جنية فما رايكم في الكلام دة ..مين فيهم الاحسن ....؟

التعليقات (6)

رانية المصرية

12-09-2022 - 06:43 pm

اختي
اذا مستعجله روحي للاخير
بس نصيحه مش مهم مين فيهم الاثنين بيئدوا نفس الغرض
الاهم تروحي لمركز مشهور و له سمعه طيبه هم هيعرفوا شغلهم كويس جدا مش هيكون في لخبطة في طريقه العلاج لان انعدام الحيونات المنويه لازم له خزعه من الخصيه مش لازم انتظار 3 شهور علاج
و كده كده جوزك لازم ياخد فيتامينات علشان يحسن نوعيه الخزعه اللي من الخصيه
حتي لو الدكتور مكتبش له عليها اديها له انتي و اكليه سمك كتير و خضار كتير و فاكهه و مكسرات كتير جدا جدا لحد يوم العمليه و ربنا يوفقك

salwa.hady

12-09-2022 - 07:44 pm

انعدام الحيوانات المنوية فى السائل المنوي مشكلة يعانى منها 13 % من الرجال
فى حالة ثبوت ذلك فان الحل الامثل بعد الكشف الموضعى والتاكد من الحبل الناقل للحيوانات المنوية وسلامة الهرمونات هو التدخل الجراحة اما البسيط FNA وهو شفط حيوانات منوية من الخصية مباشرة فى حالة عدم وجود الحبل الناقل او به عيوب خلقية او التدخل الجراحى المتقدم TESE وفى كل الاحوال يكون عن طريق الحقن المجهرى مع مراعاة ان تقدم سن الزوجة عامل مهم من عوامل نجاح عملية الحقن المجهرى
كما يجب مراعاة عدم اجراء اى عمليات ذكورة الا فى المستشفيات المتخصصة حتى لا تحدث مضاعفات وكذلك تكون هذه المستشفيات مجهزة بميكروسكوب جراحى وليس نظارة جراحية
فى مصر .. اكبر مستشفى متخصص فى عقم الرجال هى مستشفى ادم الولى بنت عمتى كان زوجها يعانى من ذلك وهى فى شهرها الخامس الان ولديهم تقنيات عالية ولاصق الاجنة واختيار نوع الجنين
عنوان المستشفى هو : 20 ش عدن من شهاب الجيزة
اما فى السعودية ... مستشفى سمير عباس لكن ما اعرف العنوان
ارجو ان اكون قد افدتكم وما ابتغى الا وجه الله وربنا يرزقكم الزرية الصالحة

أصغر ملاك

12-09-2022 - 08:45 pm

من خلال فترة علاجنا أختي
اقدر أقولك بأن إذا كان الزوج عنده نقص في الحيوانات المنوية يتم أخذ عينة منه بصورة عادية
لكن إذا كان إنعدام للحيوانات المنوية لابد من عملية
تفتيش على الحيوانات المنوية في الخصية ...يعني لابد من العملية ...
والفيتامينات حتى لو زادت في عدد الحيوانات المنوية ما راح تكون كافية ...إلا إذا كان نقص بسيط راح يتعدل ...
وإن شاء الله البنات يفيدونك أكثر

رانية المصرية

12-09-2022 - 09:46 pm

صحيح يا سلوي عندك حق
مفروض بحر تروح مركز كبير مش اي مركز و خلاص
و بعدين كده كده تكلفه يبقي بقي تكلف صح في مركز صح و يارب يوفقها و يارب نحمل كلنا اللهم امين

رانية المصرية

12-09-2022 - 10:47 pm

اصغر ملاك مبروك الحمل يا قلبي الله يتمم لك علي خير اللهم امين و يرزقنا اجمعين

رانية المصرية

12-09-2022 - 11:48 pm

http://alfrasha.maktoob.com/showthread.php?t=520158
خشي هنا يا بحر

ياليت تساعدوني في حل هذي المشكله←
سؤال عن الاشعه الصبغيه→