ممكن رأيكم بأفضل مكياج وبأقل الأسعار

اب

يا قلبي كلمة (بذمتها) خوفتنا من انا نرد عليك
نخاف اذا ما عجبك شي تدعين علينا..يعني اكيد كل وحده تجربتها تختلف حسب نوع بشرتها
بس انا عن نفسي انصحك بالنسبه لاساس ديور لا تشتريه الا اذا كان لونك ابيض على وردي ولا غير كذا بيقلب على رمادي وغالي بعد.
فيه ريفلون سعره جدا مناسب ونوعيته ممتازه..الاساس فيه الوان تناسب البشره الحنطيه وفيه للبشره الدهنيه والبشره الجافه.
والكحل القلم اللف الاوتوماتك سواده فاحم وثابت عن تجربه..و الكونسيلر تبع المجموعه الجديده اسمه فوتوريدي حلوو مثل القلم كريمي ويقلب بودره بعد ما تحطيه. والمانيكير عندهم روعه ورخيص.
وبالنسبه للارواج والبلشرات والشدوات تعتبر نيكس ممتازه واسعارها روعه، والماركتين هذي موجوده بسنتر بوينت وعند نيكس تلقين باليتات شدو صغيره بالوان حلوه..
بالنسبه للحواجب. بودرة بودي شوب للحواجب احسن من اي قلم لانها تبين طبيعيه. واذا تبينها غامقه مثل التاتو فيه من ميك اب فور ايفر.
وبالنسبه للبيس والبودره ميك اب فور ايفر احسن شي ،,البيس الشفاف اذا كانت بشرتك دهنيه او مختلطه.
وكل كلامي عن تجربه,و موفقه ان شاء الله...

حرير أسود
ياعمري
وليه أدعي عليكم وإنتو نيتكم انكم تساعدون
أنا قلت بالذمه لنو البعض بس يحب يعمل دعاية او تعمل نسخ ولصق وكذا
وحتى لو من تجاربكم ومانسبني يبقى راح أكون أنا المستفيده من التجربه وماراح أفكر أجرب ثاني نفس النوعيه =)
ووالله ماتشجعت وسجلت بالفراشه وكتبت الموضوع إلا لأني لقيت ناس ذوق لباهم
تحمست استشيركم لما الاقي ان في ناس تستفيد من تجاربكم
ربي يجزاك الجنة ع المساعده
مره استفدت خاصه الأساس كنت محتاره فيه عشان السعر
ولا أعرف أساس تمام غير ماكس فكتور بس حبيت أغيره لنو نوعاً ما ثقيل ع بشرتي
طيب يالغلا تتوقعي إنو الميزانية تكفي ؟؟
وإذا ماعليك امر ممكن الصور
ع فكرة أنا بجده
وين ممكن احصل مركز فيه كل الماركات
لنو الوقت ضيق ولسى الفستان والتيورات و
ربي ييسر للجميع

اول شي مشكوره عالدعوه الحلوه ولك بالمثل يارب.
وانا بالرياض يا قلبي. بس اتوقع بجده بتلقين محل وجوه باي مجمع عندكم. وريفلون ونيكس موجودين ب سنتر بوينت.
ليتك قلتي وش نوع بشرتك عشان اعرف وش انواع المكياج الي احطها. بس على كل حال بحاول احطلك الانواع الي اعرفها وانتي شوفي الي يناسبك.
اول شي البيس من ميك اب فور ايفر. اسمه اول مات. للبشره الدهنيه والمختلطه
ثاني شي اساس ريفلون فوتوريدي. انا بشرتي مختلطه ومناسبني..تغطيته خفيفه وفيها لمعه شيمر خفييف..احيانا اذا ما ابي اللمعه احط شوي بودره تطفيها. انا غالبا ما احط بودره غير في المناطق الي ممكن تدهن بالوجه مثل الجبهه و الانف اذا كان الاساس خفيف بس الاساس الثقيل ما احط عليه بودره ولا يصير قنااع.
وهذي صورة اساس ريفلون فتو ريدي.
وهذي درجاته
والنوع الثاني من ريفلون خالي من الزيوت للبشره الجافه
والكونسيلر
وقلم الكحل هذا شكله. بس اختاري اللون الاسود او البني الغامق برضو حلو
وهذا الايلاينر برضو من ريفلون استخدامه جداا سهل وثابت. بس ارسمي قبله بقلم الكحل عشان يسهلك الرسم ويثبت اكثر
وفيه بلاشر جديد من ريفلون منيرال يعني معادن ومفيد للبشره ناويه اجربه ان شاء الله.
وهذي المانيكيرات
اما بالنسبه للبودره من ميك اب فور ايفر. لونها ابيض بالعلبه بس هي شفافه وتنفع للبشره الدهنيه والجافه. تخفي اللمعه وتعطي ملمس مخملي . تحطيها ااخر شي بعد البلشر. لان ملمسها المخملي ما يخلي البلشر يثبت اذا حطيتها قبل
والحين شدوات نيكس
والبيس حق الشدو برضوو حلو او ممكن الكونسيلر العادي قبل الشدو يؤدي الغرض
وهذي باليتات الشدو الصغيره
وانصحك اذا انتي مو خبره بالميك اب..استخدمي الالوان البنيه والبيجيات سهله بالحط وتعطي شكل حلو للعين
وهذي البلشرات حقتهم
وهذي انواع الارواج والقلوسات
ونصيحه اخيره. لا تشترين مكياج كثير. لان بعد ما تستخدمين الي جبتيه وقتها بتعرفين وش الي يناسبك و وش الي تحتاجيه. يعني لا تكثرين الوان شدو باليتين صغار يكفون. ونسيت اقولك بالنسبه للاضاءه اي شدو ابيض او لؤلؤي من اي ماركه بيأدي الغرض ان شاء الله. واتوقع اذا التزمتي بالضروريات الي كتبناها بتكفيك الميزانيه ان شاء الله..

السلام عليكم ورحمة الله وبركاته :الف مبروك ياعروسه
اول شي انصحك ماتكثرين من شراء الميك اب اكتفي زي ماقلتي بالضروريات ويالتيت تكون مره وحده علشان ما تروح فلوسك على الفاضي لان اذا نزلتي السوق اكثر من مره تخلصين فلوسك وانتي ماشتريتي شي ما اطول عليك \
الاساس والبودره احس على نوع بشرتك يعني ماراح احد يفيدك كثير في هذا الامر بالنسبه لي جربت اكثر من ماركه مثل :نيفيا تعجبني مره نوع ريال ستي يخلي وجهك كانو طبيعي ورخيص وتلاقيه في كل المحلات
بودي شوب حلو يناسب على ناس وناس لا
سماش بوكس في وجوه حلو مره بس غالي
فور ايفر حلو بس غالي
لانكوم : يعني مومره وغالي
= الشادو : شوكو آيز من مكياجي الوان روعه البني وتدرجاته وراح تدمنين عليه مثلي
= علبة مكياج من مكياجي اسمها كرنفال روعه حجمها صغير وفيها شادو وارواج وبلاشر وقلم حواجب واضاءه للجسم
انصحك تشترينها ماراح تستغنين عنها
تاتو الحواجب اللي زي قلم السبوره حلو بس سمعت انه خطير على البشره
الارواج انا اخذ من المحلات العاديه واخذ برضو من مكياجي ومن سنتر بوينت شوفي اللون اللي يعجبك والسعر اللي يناسبك
الكحل جيسكا الصغير بخمسه ريال حلو مره وفيه كبير ب 25 ضد المويه
وريفلون من سنتر بوينت اسود وفيه منه الوان كثيره
المسكرا ماكس فاكتور وميبي لين

بالتووفيق يارب

ريميل يعجبني

حبيبتي بنصحك تروح تشتري مكياجك من مركز الكورنيش الدور الخامس
ارخص من اللي في السوق بكثير
انا اشتريت روج برجوا من عندهم ب47 ولقيته عند سنتربيوينت ب76
ولا تخافين تراها اصليه
وخذيها من محل لوتس اشوفه ارخص محل
ولا تكثرين مكياج لانه ممكن ماتستفيدين منه وينتهي مدته وانتي مااستخدمتيهم
ربي يوفقك