ممكن مساعده يا بنات البحرين

alshoog_ana_1

10-06-2022 - 12:59 am

~*¤ô§ô¤*~*¤ô§ô¤*~ السلام عليكم
بنات ممكن طلب صغيرونFF99FF
ممكن تعطوني افكار جديده حق سفرة العجم؟
واذا في صور بكون لكم شاكره
ضروري اذا ماعليكم امر يعني
وتحياتي الى الحميع. ~*¤ô§ô¤*~*¤ô§ô¤*~

التعليقات (8)

ريم الفلق

10-06-2022 - 03:51 am

السلام عليكم
اختي تقدرين تستأجرين من مكان خاص بهادي الاشياء ..
وتكون سفرة كاملة من بكل شي الافكار الجديده انه يحطون اشياء مالت الفلنتاين مثل القلوب والشمع اللي في الماي أو المتناثر على السفرة
و القماش (السفرة ) الفوقية يحون عليها أو قماش احمر او ماروني
إن شا الله اقدر احصل ليش صور لسفرة العجم
ريم

نمووله

10-06-2022 - 04:52 am

ام
فيه محلات واايد يأجرون سفرات عجم روعه
و حتى فيه احجام و اشكال .. و فيه مع كوشة او بدون
فيه محل في سوق واقف اسمه ليالي فرح حق فساتين و مسارح و سفرات
و فيه محل متخصص في سفرات العجم ما اعرف اسمه بس في مدينة عيسى

وفاء السيد

10-06-2022 - 05:53 am

هلا حبيبتي alshoog_ana_1 ...
سوري على التأخير في الرد .. بس لأني عضوة جديدة ...
من وجهة نظري ان السفرة لما تسوينها بنفسك تطلع أحلى وأفخم ...
وهذي صورة لسفرتي ... وان شاء الله تعجبك

عروس الخليج

10-06-2022 - 07:55 am

السلام عليكم
اختي العزيزه alshoog_ana_1
وهذي سفر عجم كشخه علشانكِ اختي
اعرض لكم ومن خلال هذا الموضوع اخر ثلاث سفر عملتهم للموسم الجديد ( ربيع )
وهم من تصاميمي وانتاجاتي ولاول مره اعرضهم ( يعني بقراطيسهم )
حيث انني احدى مصممين سفر العجم ولي باع كبير في تأجير السفر وتصميمهم
ولكن ما عندي محل بس اشتغل في البيت
واذا حبيتم اي استفسار
اذا ما كان عند ادارة الموقع اي مانع من وضع اي ميلي ... واذا هناك مانع عادي
يقدرون يشلونه
aroosg@*******.com
تحياتي ... عروس الخليج

نمووله

10-06-2022 - 08:56 am

عروس الخليج و وفاء السيد
أبي اسألكم بكم تأجرون سفره العجم ؟؟
لان في زواجي حابه في ليله الحنه و الجلسه احط سفره عجم

عروس الخليج

10-06-2022 - 09:57 am

اختي الغالية نمووله
الله يطرح لك البركة ان شاء الله
وتتوفقين في حياتك
وتعيشين في سعادة ما تنقطع عليكِ مدى الحياة ... يا الله
اختي بالنسبة الى السفر عندي اكثر من نوع وكل نوع له اسعار مختلفة
وهناك بعض السفر الي راح تجهز في خلال الايام القادمة القليلة
وراح تكون كلش روعه لانها تمتاز بأفكار غريبه وجديده ومبتكره
وكلها من تصاميمي وافكاري الخاصة
على العموم انا راح اكلمك على الخاص
تحياتي ... عروس الخليج

وفاء السيد

10-06-2022 - 10:58 am

هلا حبيبتي ...
أنا ما أأجر سفر ... لكن اذا تبين ممكن أزورك وأسوي لك السفرة ...
وعلى ذوقك ... وبعد تناسب لون فستانك ...
لأن السفرة اللي شفتيها هذي انا مسويتها لعقدي ...
واذا تبين اي مساعدة انا حاضرة ... وممكن تكلميني على الخاص اذا حبيتي
والله يوفقك عمري

نمووله

10-06-2022 - 11:59 am

مشكورة اختي
بس زواجي مو حاليا .. تقريبا بعد 8 اشهر
بس من الحين ارتب و اخطط للاشياء اللي بسويها

لو سمحتو ممكن طلب بنات السعودية←
فساتين الاعراس عندي سؤال ارجو منك الدخول بليز→