من الثانوية لل كلية والمجموع قرب عال مية اختيار التخصص

زحمة الدراسة .. هم الاختبارات .. النسبة .. القدرات .. تحصيلي ..
خلوني بهمّي الحين !! ولا خلصت اخترت تخصص !!
معقولة ؟ بيوم وليلة يتحدد مصيرك ؟
ولا احط رغبات واللي يقبلوني فيه بركة .. وكل ما كان " أصعب " كل ما كان " برستيج " !
غلط غلط غلط !
عشان كذا يكثر التحويل ..
ويكثر العمل بتخصص غير اللي اندرس .. !
طيب ما أعرف وش أحب ؟ ما أعرف ميولي !!
الميول ما راح تطلع فطرة .. فيه خطوات واستراتيجيات لاختيار التخصص ..
كتبت هذا الموضوع عشان اساعدكم وارتب افكاركم
امشوا معي وان شالله تستفيدون
أهمية اختيار التخصص المناسب
أول شي التخصص مو بس مجال عمل في المستقبل ، التخصص شكل وطريقة حياة !
عمركم لا تدورون على السهل في الدراسة .. مافي شي سهل !!
دوروا على اللي تلقون نفسكم فيه عشان تستمرّون وتبدعون ،
التخصص دراسته ما تنحصر ب 4 سنوات
والا بتكون شخص جاهل .. لأن العلم ما يوقف .. اختار التخصص اللي تحبه عشان تكمل فيه وتاخذه مجال حياتك
القرار مهم بس مو صعب ! .. كل اللي يبغاله تأني وتفكير جدّي و اتباع بعض الإستراتيجيات
وصدقوني أحلا لحظة لما يطلع القبول بالقسم اللي تتمنونه
فجأة بتنسون كل الكرف والتعب اللي تعبتوه
أتمنى من كل قلبي كلكم يارب تنقبلون باللي تبونه وان ما حصل ف إعرفوا إنها خيرة
استراتيجية اختيار التخصص المناسب
حضرت دورة في ثالث ثنوي .. كانت عن اختيار التخصص المناسب
يقولكم التخصص المناسب لازم يتوافق مع الميمات الخمسة
اللي هي :
مهارة – مقدرة – مرغوب – متاح – مردود
التخصص المناسب لازم يجمع المهارة فيه والقدرة على دراسته
ويكون متاح من خلال نسبة الثانوية العامة
ويكون مرغوب في سوق العمل و مردوده يكون كويس .
تحديد الميول
عشان تحددون انتوا تميلون ل إيش من الأقسام .. اتبعوا طريقتي
كنت افتح مواقع الجامعات .. وافتح تخصص تخصص
واشوف خطته الدراسية .. حبيت المواد ؟ حسيت هذا اللي ودي فيه ؟
انتقل لمرحلة جمع المعلومات :
اسوي سيرتش عن هذا التخصص .. واقرا عنه .. طبيعته / مجال العمل فيه / الخ .
احاول اسأل ناس متخصصين فيه .. آخذ آراء مختلفة وأستشير أصحاب الخبرة ..
لحد ما جمعت كم تخصص حسيت انهم ميولي ورغبتي ،
التقييم والمقارنة
بعد كذا تجيبون ورقة وقلم ..
واكتبوا هذي التخصصات " وعادي لو كانت كثيرة ! "
وقيموها حسب الميمات الخمسة
بعطيكم مثال وإمشوا معاي /
على فرض أنا أحب من التخصصات .. صيدلة – نظم معلومات – ترجمة
نمسكهم واحد واحد ونطبق عليهم الشروط ب نسبة من 10
الصيدلة أنا أحبه .. إذا امتلكت المهارة .. نقول 8 من 10
نروح لثاني شرط اللي هو القدرة .. هل أنا أقدر على دراسة الصيدلة ولا لا ؟ بمعنى هل أنا ناجحة في الكيميا وفالمواد اللي يحتاجها القسم ؟
لا والله أعطي نفسي 5 من 10
ثالث شرط .. هل هو مرغوب بسوق العمل ؟ ام بيئة العمل فيه ما تناسبني كثير 6 من 10
رابع شرط .. هل هو متاح من ناحية نسبتي أو لأ ؟ ايه متاح 10 من 10
وأخيراً .. هل مردوده المادي والمعنوي والإجتماعي مناسب ؟ 9 من 10
ونجمع اللي طلعوا لنا .. ونطبقه على باقي التخصصات
ونقارن .. كل ما زادت النقاط كل ما كان هذا التخصص هو الأنسب لك .
هنا موقع جميل وشامل اسمه التوجيه الجامعي
تجولوا فيه .. وبتلقون مواقع الجامعات و كل شي ، وبعد فيه اختبارات تساعدك على تحديد ميولك
هنا وزارة التعليم العالي
الموضوع بسيط و وليد اللحظة
دعواتكم
ممآرآق لي