من تساعدني بعد الله الاشعة الصبغيه

اختي انا جربتها بس في البحرين احسها عادي شوي بس اتألم
الله يرزقك بالذرية الصالحة

حبيبتي ماعندي فكرة والله بس حبيت ادخل وادعي انه ربنا يصبرك عالمها ويرزقك الحمل

انا جربتها والحمدلله ربي سهلها وجدا سهله لا تشيلين هم الم زي الم الدورة وبالنسبة للمستشفى ما عندي خبر
انا سويتها بعيادة خاصة الله يسهل امرك ويرزقك بالحمل المعافى عاجلا غير اللهم امين

حبيبتي سالت حريم مسويتها وحدة تقول مثل موية حارة مصبوبة داخل وحدة تقول كان كل المستشفى يسمعون صوتي من صراخ مسوينها مستشفى العسكري ثانية مستشفى حكومي بس مو بالرياض منطقة اخرى اللة يرزقنا انشاءاللة

انا سويتها في مستشفى اليمامه وكنت خايفه مره لكن الحمد لله
هي فيها الم بسيط مثل الم الدوره
في البدايه يدخلو جهاز يفتح الرحم ويبقى مفتوح
بعدين ياخذو كميه من سائل ويحطوها في انبوبه تشبه الابرة بس كبيرة
ويحقنوها داخل الرحم وتحسي السائل يدخل الى بطنك يعني مثل الم الدوره بس لمدة ثواني
اهم شي لاتخافي ولاتتوتري
والله يسهل عليك
ويرزقك يارب

ترا ها عادية ياختي لا موية حارة ولا شي
انا سويتها بالاستشاريون
جدا كانت سهلة والحمدلله
إذا انتي ما تبين تحسي بألم خوذي حبتين بندول بس نصيحةلا تخذين ولا شي
خليك طبيعية
اهم شي تاخذين نفس عميق بالانف وتطلعينه من الفم بصورة مستمرة الالم زي ما قالو الاخوات زي الدورة بالضبط
وانتي استغفري طول الوقت واذكري ربي واتذكري ذكريات حلوة وحاولي تنسين و لا تاخذ و لا خمس دقايق
وهي عشان يشوفون وضع الرحم ؟هل هومائل او مقلوب الله يكفيك الشر
وعشان قنوات فاولب هل هي منسدة او لا؟؟؟وإذا فيها انسداد تفتحه الصبغة اللي مدخلينها فيك بإذن ربي
والله يفرح قلبك بخبر حملك
وترا كثير سووها وماشالله عقبها مباشرة حملوا
اتمنى اني افتدك وإذا ي سؤال انا حاضرة ياقمر

أنا سويتها فيها الم بسيط مثل الم الدوره
الله يسهل امرك ويرزقك بالحمل

اختي خيالة العرب:بعض الحريم يقولون فيه ابرة بنج هل هذا ضروري يعني اطلب من الكتورة بنج؟؟
ياليت يبقى تواصلك معي!!

حبيبتي انا سويتها بدون بنج وكان فيه وجع شوي وفيه حريم خذوها ببنج ولا حسو بشي