من تعرف تتصرف مع الرجل المماطل

صباح الخير والسرور لاحلى فراشات
بصراحه عندي مشكله صغيرونه مبهذلتي
يعني صبرت صبرت صبرت بس الى متى
خلاص طفشت
مشكلتي بإختصار تسويف زوجي
زوجي يحبني واحبه الحمدالله ومتفاهمين
لكن لما اطلب منه شي لازم يماطل فيه
يقول طيب ماعندي مانع بس ما اشوف شي
مع العلم ان ماديتنا تمام وماهو بخيل او مايحب يصرف بس مادري وش اسوي معه
بقولكم امثله
من زمان طلبت منه غساله توماتيك بس قال اللي عندي وين احطه !!
قلت كلهن ابغاهن بس ما اقتنع
وقبل فتره طلبتها منه وقلت الغساله اللي عندي بنزلها تحت عند اهلك اذا جو زياره يستخدمونها <<لانهم بديره ثانيه ,,
قال اوكي ماعنده مانع وعجبته الفكره لكن كل ماذكرته قال موب اليوم وانا اطفش بسرعه وما احن وارن عليه
والى الان مانزلها ولا شريت جديده
الشي الثاني
بنتي عمره 10شهور الله يحفظها
وودي بدالوب خاص فيها لان ملابسها مع ملابسي وحوسه شوي مهما رتبت
وماعنده مانع ويوعدني باليوم الفلاني
واذا ذكرته قال خلاص ولا اشوف منه شي
اقوله اروح انا مع اهلي اشتري يرفض
ثمن يوم من الايام قلت وش مشكلتك قال مافيه مكان للدالووب
طيب ليش ماقلتي من زمان هالكلام
قمت ضبطت مكانه عشان مايكون له عذر بس الين ساعتك يمكن سالفه الدلوب من 5 شهور وانا طالبته وللحين يسوف ويماطل الله يهديه
وغيره وغيره وغيره
او اروح اشتري الحاجه اللي ابيها ثمن بآخر لحظه يقول خن نشوف مكان ثاني وتروح الايام وتروح حاجتي معها
وآآآخر شي صار
اللي هي مشكلتي حاليا
قلتله ابي اسوي تقويم لاسناني وماعنده مانع برضو
ولي تقريبا طالبه هالشي 10 شهور او اكثر والله
قبل اسبوعين خلصت من اسناني مسويه حشوات وكذا
واليوم قلت خلاص بكرا نروح عشان التقويم
قام رفض
قال رمضان مايصلح
قلت ليش
قلت مدري وشلون مايصلح
مواعيد زفت
قلت مره وحده وموعدي الثاني بعد شهر او اقل
مع انو مو راعي طلعات وإلتزامات ماعنده حاجه غير دوامه
قلتله اذا ماسويته الحين مرح اسويه انا ما احب احن وازن كل ما بغينا نسوي شي واجلناه خلاص مانسويه
وسكت وطلعت برا
طلع بعدي بنص ساعه راح المطبخ بدون مايكلمني
ولا قالي تصبحي على خير ولا شي <<متعودين قبل النوم تصبح على بعض
يعني عرف اني زعلت منه
شوروا علي وش اسوي معه
ازعل عليه !!
كيف اقنعه !!
بصراحه مليت
واللي ماعندها حل ترفع الموضوع بدعوه
كثرت حكي وقرق بس شسوي مقهوره مع ان الدنيا ماتسوى بس الشكوى لله