من جديد اعود اليكم لأتحدث مع ازواجكم استشارة اتمنى تفاعل

1. ايش تبون يفهم...اعطوني مقترحات للخدمة...

السلام عليكم ورحمة الله وبركاته..
كيفكم اخواتي الغاليات...
الحقيقة اني ارغب باستشارتكم في موضوع بالنسبة لي مهم جدا...
وايضا لكن انتن بامكانكن ايصال اصواتكن لأزواجكن...عن طريقي...
ستسأليني كيف...؟؟
طبعا ولله الحمد فتحت لي خدمة رسائل باشتراك شهري...مع الجوال..
واسم الخدمة خدمة اسرار..شعارها...نحو حياة مفعمة بالحب...(مثل خدمة المنجد(زادها)والقرني)
الهدف منها...طبعا بجانب الدخل المادي لم اغفل احتساب الأجر في ايصال المعلومة المفيدة التي ارجو من الله ان ينفع بها وان يرزقنا الإخلاص بالقول والعمل...
الخدمة فيها قناتين قناة خاصة للمرأة...وهذي ماعندي مشكلة..لأني فاهمة شنو بوصل للحريم والمادة تقريبا جاهزة ولله الحمد..
لكن بجد وجدت صعوبة كبيرة في جمع الرسائل اللي برسلها للرجل...
والحقيقة اني ما ابي ارسل رسائل عادية او مكررة..
كلنا عارفين وشافين بيوتنا كيف مطمورة بالرماد..وفي اي لحظة ممكن تنفجر...
انا بالخدمة هذي ابي الحرمة تفهم شنو يبي منها زوجها..كيف تفهمه..نقاط الإختلاف بينهم..وايضا راح اطلب من الرجال ارسال ارائهم في بعض الأمور تخص النساء وسأقوم بارسالها على جوال المرأة..
من هالمنطلق ابي أسألكم بنات...شنو تبون اقول للرجل...؟؟
اعطوني مراجع وكتب لأني ادخل جرير والعبيكان وافر فيها واشتري بس احس كلها متشابهة..

ايش تبون يفهم...اعطوني مقترحات للخدمة...

طبعا انا ماراح اقولكم الخدمة مادية بحته...ولايعيب رغبتي في الربح المادي..
لكن الشركة اللي تعاقدنا معها طلبت تكون الخدمة تفاعليه..يعني لو طلبت اراء المشتركين والمشتركات يردون على نفس الرقم والرسالة ب3 او 5 ريال..لكني رفضت ذلك..وقلت بحط رقم جوال يرسلون عليه...لأني يعلم الله اتمنى وادعي من كل قلبي ينفع ربي بهالخدمة....
بالله ابي ارائكم في القناتين...
ولكم مني كل الحب...
صدقوني الدنيا حلوة....
بس وين من يفهمها....