من رضي فله الرضى ومن سخط فله السخط

السلام عليكم ياعرايس ..
شلونكم برمضان عساكم طيبين .. الله يشرفه قرب يروح مشى بسرعه الله يعودوه علينا بالصحه والعافيه
عجزت انام قلت ابكتب ..
طبعا كلنا هنا بالقسم كلنا نتمنى أننا نفرح ماننلام .. لكن يا بنات ليه نخلي فكرة الزواج ماخذه عقلنا ؟
والله العظيم أن الله أرحم فينا من أهالينا .. شايفين شلون قلب الأم رحوم , سبحان الله رحمة الله قريبه
وأوسع ..
ماندري وين الخيره فيه ,, أنا أقولكم كيف :
وحده اعرفها بنت عمها عمرها 24 ولدت قيصري ويوم ولدوها قطعوا جزء من الأمعاء والمثانه (خطأ طبي)
طبعا هالكلام قبل رمضان بكم اسبوع إلى يومكم هذا مريضه ماتقدر الله يكرمكم تخرج صارت تستفرغ
وللحين ماشافت طفلها (دعواتكم لها بالشفاء ) .
وحده انا شفتها بعيني والله تزوجت بعمر 25 وبعد ماولدوها خطأ طبي والله العظيم ماتتحرك ولا تتكلم بس
تشوف وتسمع صارلها على هالحال 8 سنين الله يعافيها يارب ..
يا بنات اللحين هذول لو يدرون ان كذا بيصيرلهم تتوقعون رضوا يتزوجون ؟
والله ماندري وين الخيره فيه ,, لانحرص على شي ممكن يكون شر لنا .
يا بنات دام كل وحده مننا بصحه وعافيه , فالحمدلله اكبر نعمه ,
وش يقولون اللي يتعالجون كيماوي ؟ صديقة صديقتي بعد زواجها على طول جاها سرطان الله يعافيها
ويرفع عنها , والله ماندري وش الخيره بالعكس احمدي ربك واشكريه ولاتنسين :
( ولئن شكرتم لأزيدنكم ) .
كل وحده تبي ربي يعطيها تلتزم بطريقة الشيخ المشيقح والله انصح فيها وبقوة .
دايم بعد كل صلاة كرري 100 مره (لاحول ولاقوة الا بالله) , (ربي إني لما انزلت إلي من خير فقير) ,
(لا اله الا انت سبحانك اني كنت من الظالمين) , (اللهم صلي على سيدنا محمد) ,
والأستغفار لاينزل من لسانك , ودايم خلي هالآيه ببالك :
( ولسوف يعطيك ربك فترضى ) << ما أعظمها من آيه سبحان الله .
اتركي أي ذنب وأي معصيه وجاهدي نفسك على تركها والله العظيم بتشوفين الراحه ,
فيه دعاء من بديت ادعي فيه حسيت براحه وهو :
( اللهم ان كان لي ذنب يحول بيني وبين اجابة دعائي ورزقي فأبعده عني وأبعدني عنه واغفر لي )
وسلمان العوده يقول اكثروا من قول ( يافتاح يالطيف ) ..
جربوا هذا البرنامج وصدقوني بتتغير نفسيتكم بتحسون بأنشراح في الصدر وبتشوفين كيف ربي
بيغير حالك للأفضل ,
وبالنهايه أدعوا ربي ان يرزقني وياكم وكل بنات المسلمين بالأزواج الصالحين الذاكرين الي نتوفق وياهم