من شفتها وقلبي وياها

1. ################


2. وسارن بسرعه الحصة ...


3. أسوم يلا فطوم شو اسوين هل الكثر ... فطوم يلا الحين بلبس عباتي .....


4. وطلعن برع المدرسة وكل وحدة ركبت سيارتها ......


5. فطوم : خلاص عيل اترياك اوكيه


6. سالم : اوكيه خلاص باي


7. 6 المغرب...

قريت هالقصه وحبيت انقلها لكم واتمنى انها تعجبكم و انها ماتكون مكرره >>جاتها عقده خ
(( من شفتها وقلبي وياها ))

################

فطوم في الصف 3 ثنوي وتسكن في مدينة العين وهيه أكبر أخوانها وعندها أختين و2 أخوان .. البنات سلامة في الصف 2 ابتدائي وشمة في الصف 6 ابتدائي وأخوانها سيف 3 اعدادي ومنصور أخر واحد وعمرة 4 سنين ...
فطوم في المدرسة (( في الفرصة )) يالسة ويا ربيعاتها وكله ضحك ونكت عاد فطوم يوم تضحك شو بسكتها وربيعتها اسوم تقولها فطوم عاد بسج البنات كله يطالعونا وإنت عاد وايد إمصختنها شو سالفتج الضحكة طاره ويهج ويا هالغمازة . ...... فطوم شو اسوم تغارين من غمازتيه وبعدين ؟؟؟؟ اليوم الاربعاء يعني بسير بوظبي عند كم خالي ... اسوم : أها وأقول أنا شو السالفه ... بس حبيبتي وراج الحين رياضيات والحصة الأخيرة فيزياء يعني الله يعينا عليج بطلعين إصيحين بتقولين مافهمت ؟؟؟؟؟
فطوم : لا حبيبتي الرياضيات بنمشي حالنا في الحصة ومس الفيزياء غايبة يعني فكه من شيفتها فهمتي الحين ليش فرحانه ...
موزة : وأنا أقول فطوم اليوم كله تقولي أنسير أنطالع مس الفيزياء عثرج طلعتي مب هينه ..... ويدق الجرس
فطوم : قومن بسرعة ورايه رياضيات والمس أتي تربع مافيني تنقصنا درجات وتهزبنا ....

وسارن بسرعه الحصة ...

ويدق الجرس ويت الحصة الأخيرة وصف كم فطوم محد عندهم وعاد فطوم فرحانه ...وطلعن يحوطن برع الصف وسارن عند اسوم ولقن عليها تاريخ : قالت الله يعينهم والله لوعه تاريخ الحصة الأخيرة ....وسارن يشترن ماي هيه وربيعاتها وشافت فطوم الإخصائية من بعيد فطوم الاخصائية بسرعه انفل ؟؟؟؟؟؟؟؟؟ وسارن الصف يسولفن ودق الجرس .... فطوم تحطي أغراضها في الشنطة

أسوم يلا فطوم شو اسوين هل الكثر ... فطوم يلا الحين بلبس عباتي .....

وطلعن برع المدرسة وكل وحدة ركبت سيارتها ......

في بيت كم فطوم سارت فطوم حجرتها تتلبس وتصلي ونزلت الصاله وشافت أمها وسلمت عليها ها أمايه أبويه مايا من بوظبي .. امها : لا والله مايا بي يوم الجمعة ..... فطوم : الله وناسه ....؟؟؟؟؟؟ أمها : عن الله تج يا الهرمة عيب هذا ابوج استحي على ويهج ... فطوم : فديته والله أبويه ... أمايا لا تفهميني غلط بس عشان أريد أسير صوب كم خالي وأريد أشوف الريم فديتها اشتقتلها ؟؟؟؟
تعالي فطوم انت منو بوديج بوظبي ؟؟؟ ليش امايا انت ما بتروحين بوظبي ؟؟؟؟؟
لا حبيبتي عندي عرس يوم الخميس عرس يرانا
فطوم : لا لا لا لا أماي ادخيلج سيري بوظبي عند أبويه شو تبين العرس ....
لا فديتج فضحه بالعرب أبوج بي يوم الجمعة بيلس عندنا أسبوع . ويقطع كلامها التلفون ... وتربع فطوم صوب التلفون .... الو ..مرحبا .... هلا والله بهصوت ؟؟؟؟
هلا والله بخالي فديته ...
سالم : لها والله براعية الصوت .. اشحالج
فطوم : تمام بس معصبة ؟؟؟؟
سالم :افا ليش منو مزعل الحلوين ؟؟؟
فطوم : أبا اسير بوظبي ...
سالم : شو مشتاقه حق ابوج ؟؟؟؟
فطوم : هيه والله مشتاقه حق ابويه بس اريد اسير عند خالي خليفة والريم بعد مشتاقتلها وايد....
سالم : اها وانا اقول ؟؟؟؟؟؟؟؟ انا عيل الحين بروح بوظبي ....
فطوم : الله أحلف ؟؟؟؟ دخيلك خالي ودني وياك
سالم : وين تبين وياي انا ساير عندي شغل بيلس اسبوع ....
فطوم : ودني عند خالي خليفة وبرجع ويا ابويه يوم الجمعة
سالم : خلاص عيل قولي حق امج ؟؟؟؟
فطوم : لا اما اموافقه عادي بس انت متى بتروح ؟؟؟
سالم : الحين الساعة 4 العصر

فطوم : خلاص عيل اترياك اوكيه

سالم : اوكيه خلاص باي

تبند فطوم التلفون وتربع صوب أمها ...... امايا بروح بوظبي ويا خالي سالم ... باسم الله روعتيني سيري برايج بس منو برجعج .. فطوم لاعادي برجع ويا ابويا يوم الجمعة خلاص عيل قولي حق ابوج .. فطوم : اوكيه بقوله ...
شمة : لا ا والله حتى انا بروح وياج عند كم خالي .....
فطوم : وين تبين محد قدج هناك .....
شمه : عادي بيلس ويا الريم
فطوم : لا والله مانبي يهال ويانا .. يلسي ويا بنات عمي هنيه ابرك لج ...
شمة : صح والله ذكرتيني بسير الحديقة باجر ويا روضة بنت عمي وربيعاتنا يعني كنسلت ماابي اروح
فطوم: احسن فكه .... اقول اماياه تراني ببات عند كم خالي اوكيه ...... قولي حق ابوج مافيني على الصدعة .؟؟؟؟
فطوم خلص بسير ادق حق ابويه واخلي اغراضي مافيه وقت ...... وسارت فطوم فوق في حجرتها على أساس تخلي اغرضها وترمس ابوها .......

6 المغرب...

في بوظبي ... فطوم يالسة ويا الريم في الصالة يسولفن .. أقول فطوم ماكتبي خواطر ؟؟ فطوم : صح والله ذكرتيني كنت أباج تقرينهن بس نسيت الدفتر في العين مايبته .. خلاص يوم بتين العين براويج اللي كتبته اوكيه .. يدخل حمدان ( 3 إعدادي ) هاي كومان تاليفو .. الريم أهلين .... ايل سوبورت بيان .. ميرسي ..
فطوم : الناس يوم يدخلون يقولون السلام عليكم ... مب هاي ..
حمدان : اوه نسينا هنية فطوم وأقول أنا ليش بيتنا مظلم ...؟؟؟؟ فطوم : ههه قول انه منور بيتكم ... الريم : انت شو تبا الحين منا ؟؟؟
حمدان : لا قلت بس بشوف من وين هذا النور ياي ...
فطوم : ههه ...
حمدان : أقول الريم عندي لج مفاجئة كم بدفعين ؟؟؟
الريم : شو المفاجئة؟؟؟؟؟ وبعدين بدفع لك اللي تبي ...
حمدان : ام أول بقول شو اريد ... اريد عصير .... ولا جاي ولا ...اقول احسن عصير .. ولا ....
الريم : اوكيه يلا قول المفاجئة وفكنا .... حمدان : شو رايج إن يوم الجمعة الصبح بي منصور اخويه من فرنسا ..
تنقز الريم من الكرسي احلف .؟؟؟
حمدان : والله صج ؟؟؟
الريم : عيل بسوي لك أحلى عصير ؟؟؟؟يلا فطوم قومي وياي المطبخ ..
فطوم وهيه يالسة تصفح المجله مافيني سيري اروحج .. الريم : ويا ويهج صدق ماتستحين ؟؟؟
والريم وهيه طالعة من الصاله ... فطوم : ازاعج أقول الريم يبي لي بعد عصير ..
الريم : اوكيه ..
حمدان : أقول فطوم إنت أي صف ؟؟
فطوم : 3 ثنوي
حمدان : ههه تحسبتج في الروضة
فطوم : لا بعدني في بطن أمي
حمدان : تعرف تنكت بعد
فطوم : لا نحاول
حمدان : شو اخبار العين وأخبار سيف اخوج وليش مايا وياج
فطوم : ماادري قال بيلس ويا عيال عمي ..
حمدان : اها أقول سيري طالعي الريم تأخرت ..
فطوم : هذيه يت بنت حلال
حمدان : فديت اختي أنا ؟؟؟
الريم : يلا خلاص اجلب ويهك سوينا لك العصير
حمدان : مش منكن من اللي ايلس وياكن ....
الريم : مانبي يهال ويانا ؟؟؟؟؟
فطوم : او قفطه .....
حمدان : شوفو منو يرمس إلا ثالث ثنوي حضراتكن ...
ويلس يغلس عليهن ....
فطوم : أقول الريم أنسير فوق أريد أجيك على ايميلي دخيلج ..
الريم : حمدان وين الاب توب
حمدان : في الصاله الفوقية بتلقينه ...
سارن فوق وشلن الاب توب وسارن حجرة الريم ..
فجت الريم ايميلها أول ... فطوم : منو ها اللي عندج اون لاين ...
الريم : هذا منصور اخويه دااش
فطوم : اقول شو رايج انسوي له مقلب حلو
الريم : انت ماتيوزين عن مقالبج .. المهم شو بتسوين ..
فطوم : بضيفه عندي على ايميلي ونيلس انغلس عليه ..
الريم : خلاص يلا ....
وضافن منصور على ايميل فطوم ...
فطوم : مرحبا
منصور : مراحب والله .... منو وياي
فطوم : ام القمر
منصور : ههه تحسبت الشمس
فطوم : خلاص الشمس ولا يهمك
منصور : منو يلا عاد بلا غلاسه
فطوم : قلت لك القمر ماعيبك ....
منصور : المهم منو
فطوم : اقول منصور اشحالك
منصور : بعد تعرفون اسمي ..بخير وسهاله
فطوم : اكيد لازم نعرف اسمك ؟؟؟؟
منصور : انزين ماتعرفنا منو ويانا
فطوم : ام
منصور : تراني بسفرج ببلوك ...
الريم : فطوم عاد قول له حرام كله ولا منصور
فطوم : سيري لا خليني اشوي اغلس به
فطوم : قالوا انك بترجع يوم الجمعة صح
منصور : بعد ..... انت اكيد واحد من الربع صح
فطوم : لا والله مش من الربع
منصور : الحين : شو بتقول اسمك ولا
فطوم : يوم بتي بوظبي بقول لك .... اسمح لي الحين بطلع
منصور : لا لا لا لا لا .... أول منو
فطوم : أنا القمر
منصور : لا والله
فطوم : صدق والله بتعرف يوم الجمعة صدقني
منصور : خلاص نتريا يوم الجمعة شو ورانا نحن ..
في فرنسا ............. يوم الخميس الصبح
منصور يرمس ربيعه سعيد ها سعيد رتبت اغراضك في الشنطة ...
سعي : حق مستعيل بعدنا الصبح والطيارة إلا في الليل ..
منصور : والله اني مشتاق حق بوظبي وأهلها ...
سعيد : صدق والله حتى اشتقت حق العين وأهليه
منصور يلا سعيد قوم وياي انرتب اغرضنا ماشي وقت ؟؟؟
في بوظبي .... فطوم نازله من فوق .. شافت خالها خليفة مرحبا والله بخالي اشحالك
خليفة : هلا بشيخة البنات بخير يعلج الخير اشحالج انت
فطوم : تمام والله
خليفة : ها فطوم متى بتروحن العين؟؟؟؟
فطوم : شو خالي هذي طرده
خليفة : افا والله افا بس أسأل ؟؟؟
فطوم : اها يوم الجمعة العصر
خليفة : وين الريم عيل عنج
فطوم : ماادري قالت بتسير اطالع التلفزيون اكيد يالسه تحت
خليفة : اها .... عيل برايج انا بسير اريح شوي ...
فطوم : برايك خالي الله وياك
فطوم : سارت صوب الريم وتفرها بالمخده
هاي ....
الريم باسم الله فزيتي قلبي ؟؟؟
فطوم : اشفيج معتفس ويهج
الريم : الفلم خرب مزاجي
فطوم : والله ماعندج سالفه .... قومي انسير الحديقة اشوي نتمشى
سارن الحديقة وشافن حمدان يالس يلعب بالكورة
فطوم : الريم شو رايج نلعب كورة طايرة
الريم : خلاص اوكيه
ويلسن يلعبن ويا حمدان كورة طايرة
ويأذن المغرب
الريم : فطوم يلا انسير انصلي ....
يوم الجمعة 6 الصبح
الريم : فطوم قومي بسج خلصتي الرقاد
فطوم : دخيلج خليني اكمل بس دقيقة
الريم : شو بتسوي لج هذي الدقيقة
فطوم : بشوف فيها فارس احلامي
الري : ههه عاد اللي يقول فارس الاحلام ياي يربع ..... يلا عاد بي منصور الحين
فطوم : خلاص بقوم وسارت تتغسل وتلبست ...
ونزلن الصالة وشافت خالها وحرمته وحمدان وهند ( 3 ابتدائي ) يالسين وسلمت عليهم ويلسن ...
الريم : أقول ابويه منو بستقبل منصور في المطار ...
خليفه ( بو منصور ) : عمج سالم بستقبله
الريم : والله عمي سالم ... عيل بسير ادق تلفون حق عمي بشوف وينهم تأخروا ..
وسارت ادق حق عمها سالم ...
الريم : الو
سالم : هلا
الريم :أهلين عمي ها اخباركم
سالم : تمام والله
الريم : وينكم الحين
سالم : عند الباب
الريم : والله عيل باي
تربع الريم صوب كم امها ... أمايا عمي سالم ومنصور عند الباب ..
أتسير امها تفتح الباب : هلا والله بوليدي ويسلم منصور على أمه وأبوه وأخوانه ويقعدون في الصاله .... يسولفون عن فرنسا واخبار منصور ...
خليفة : اترخص عيل انا بسير العزبة اسمحلي وليدي منصور
منصور : افا عادي ابويه انا بعد بسير اريح اشوي ..
حمدان : ابويه بسير وياك العزبة
خليفة : يلا عيل تعال وياي ... شو هند مابتروحين ويانا .. العزبة
هند : اذا فيه دراجات بروح وياكم
خليفة : تعالي ويانا شي دراجات هناك
الريم : الله عيل انا بعد بسير وياكم
خليفة : وين تبين ويانا يالله بستر عدال عزبتا عرب فضيحة شو بقولون عنا .ها
الريم : اوف خلاص بقعد ويا منصور اسولف
منصور : لا مافيني بسير اريح اشوي
الريم : لا حرام ايلس ويانا اشوي ...
منصور : اوكيه
سالم : خلاص برايكم حتى انا بترخص منكم بسير ورايه شغل
فطوم : الله وياك خالي
منصور : هلا والله بنت عمتيه اشحالج فطوم ...
فطوم : تمام والله اشحالك انت
منصور : بخير ربي يعافيج
الريم اطالع فطوم وتغمز لها وتضحك
منصور : شو السالفه شو بلاكن
الريم : اقول فطوم ولا
فطوم : لا لا لا لا لا لا لا
منصور : يلا عاد قولن شو وراكن
فطوم : خلاص بقول امري لله ... أقول منصور محد غلس بك على المسنجر
منصور : ام هيه لا يكون انتي الحين القمر
فطوم : احم احم طبعا ماتشوف بوظبي منوره
منصور : لا والله منوره بوجودي طبعا
فطوم : ههه تحلم
منصور : باسم الله على القمر ... سيلانيه وتشبه عمرها بالقمر
فطوم :لا والله فديتني
منصور: سيري لا ... بسير ارقد ابرك لي من مجابل السيلانية وسار فوق يريح
الريم : كله منج حوشتي اخويه ماخليتيني اسولف وياه
فطوم معصبه ويلست اتصيح
الريم : اشفيج ليش اصيحين
فطوم : لا والله انا الحين سيلانية .... كله منج مقومتني من الصبح عشانه
الريم : عادي خذيها بروح رياضية
فطوم : تمسح دموعها وويها استوى احمر ....
والله صدق ليش اصيح غبية
الريم : تضحك عليها
يلا قومي انسير المطبخ ناكل شيء
فطوم : إطالع الدريشة الله الجو روعه
الريم : مهب بس .... انسير نتمشى شوي في الحديقة طفرت من البيت ..
كل وحدة شله كوبها وسارن الحديقة ويلسن على العشب يسولفن ... فطوم : اقول الريم عندي خاطره شو رايج اقولها لج
الريم : يلا قولي عشان ارد عليها ... فطوم : اوكيه
فطوم : ماهو من اطباعي التجريح .... لكن خلي يمشي ويجرح في قليبي ... تعبت من كثر مااشكي من حبي ... تعبت مايحسون بلوعه اقليبي...
الريم : يامرحبا يا بو قلب جريح .... لا تشيل هم غاليك .. الكل له همه .. لاكن وش يفيد الكلام دام قلبهم مايحس .... اترك .... همك ولا تشيل هم غاليك ......
وينزل مطر...
فطوم : الله روعه ...
الريم : فطوم قومي انسير داخل لا نتخيس في الماي
فطوم : لا خلينا شوي اذا زاد بندش داخل ..
الريم : اوكيه ...
ويلسن تحت الشجرة يسولفون ويشوفن المطر كيف ينزل ... وشافن المطر يزيد .. وسارن داخل عشان مايتخيسن ... ويلسن يطالعن الجو من الدريشة
فطوم : او أريد أطلع الجو جنان برع
الريم : خلينا نتريا المطر يخلص وبنقول حق امايه اتودينا العزبة ...
فطوم : صدق والله بتقولين حق امج
الريم : اذا طاعت امايه ..
وينزل منصور من فوق .... ها شو اسون عند الدريشه
فطوم مالفت صوب منصور
الريم : نتريا المطر يخلص عشان نبي انروح العزبة عند كم ابويه ...
منصور : صدق والله اريد اسير العزبة عاد الجو مايتعوض ...
الريم : الله وناسة بنسير وياك عشان امايه اطيع تخلينا انسير .... شو رايج فطوم
فطوم : خلاص ماابي اروح كنسلت
الريم : لا حرام لا تخربين علينا
منصور : احسن فكه ؟؟؟؟
الريم : عيل انا مابسير مادام انج مابتروحين ... مااقدر اودرج بروحج في البيت
فطوم : لا الريم سيري عادي انت في خاطرج اتسيرين العزبة ... أنا بيلس اتريا أبويه عشان ارد العين
الريم : انزين بعده وقت الحين بعدها الساعه 2 ..
فطوم : خلاص بس عشان خاطرج ...
منصور : أوني عاد ... زعلانه ..... اقول الريم سيري يبي لي شيء اشربه
الريم : اوكيه
فطوم : الريم شليني وياج
منصور : افا يلسي وياي اشوي
فطوم : ماابا ...تراني سيلانيه
الريم : فطوم يلسي برجع بسرعه مابتأخر
سارت الريم صوب المطبخ تيب حق منصور شيء يشربه.....
منصور : اقول فطوم ... زعلانه
فطوم ساكته مارمست
منصور : والله مب قصدي وعاد مايستاهل شيء ازعلين عليه .... خلاص ارضي بتردين العين وانت زعلانه ...
فطوم : لا عادي ..... مب زعلانه
منصور : اقول منو قاص عليج وقال انج قمر
فطوم : ههه ابويه قالي اني قمر
منصور : ههه حليلج قاص عليج
فطوم : لا والله .....
منصور : شو رايج اقول لج نكته عشان اضحكين ؟؟؟؟؟
فطوم : ام اوكيه قول
منصور :سيارة ماطاعت تشتغل ليش ؟؟؟؟؟
فطوم : ليش ؟؟؟؟
منصور : تريد تكمل دراستها ؟؟؟
فطوم : ههه
منصور يطالع فطوم يوم تضحك ... ويقول في خاطره صدق والله انج قمر ... اجنن فيها غمازه بعد ...................
وهذا اول جزء وان شاء الله يعجبكم