من واقع تجربتي

صار لي سنة تقريباً ادور على قصة جديدة وجذابة ولقيت لي قصة خيال بس مشكلتها قصيرة جداً
قلت مافي مشكله عشانها راح اغامر بشعري الطويل وكنت مترددة باسم المشغل حتى يوم القص المشؤؤم مدري وش اقردني واخترت دار الجمال رحت واخذت معي صورة فيها ست اوجه للقصه
يعني واضحه جداً هذا مع تدخلاتي (الغير مسموعه) من قبل الكوفيرة
بس اه يالقهر تجي الكوفيرة وتقص لي قصة مابين الشاقي والفراوله طلعت قديمة وتقليدية جداً
هذا غير انها لعبت بالغرة خلتها فوق الحواجب كني بثالث ابتدائي مع اني نبهتها اني ابغاها طويله زي الصورة والطامة يوم جيت للبيت اكتشفت جهه اطول من جهه ،،مشكلتي ماني جريئه عشان اهاوش بس قعدت اصيح يومين لأن شعري الطويل راح وقصتي اللي عاجبتني ماحصلتها وشعري ماقدر اعدل فيه بشي لأنه قصير مره ؟ بس حبيت افيدكم ببعض النقاط اللي استفدتها من هالتجربه:

• المغربيات غالباً غير دقيقات بالقص زي الفلبينيات وغالباً يعتمدن على خبرات قديمة ما تطورت ولا تغامرين عندهن اذا كانت القصه قصيرة جداً يعني مافيه اي مجال للتعديل( بس دوري زيوت تطول الشعر زيي )
• الكوفيرة المفروض توقف عند كل شي وتشاورك ايش تبغين موب تسفهك (يامال الصقه)
• مشغل دار الجمال مميز فقط بالصبغ وتجنبوا القص عنده

والله يعوضني خير وابشركم لازلت متفائله بالحياة