من يقدر يعلمني

اهلين اختي الحنونه
الله يعينك على ما اصابك ،، واتوقع ان كتبتي مشكلتك بموضوع سابق قبل ايام
المهم ،،،
انتي تقولين من اول ماتزوجتي كذا ..؟؟ غريبه طيب ليه هو يعني من النوع اللي مغصوب على الزواج مثلا يكون زواج اقارب ولا وش فيه أحس أنه راعي بنات ولاهو قد مسئولية الزواج ..؟؟ او انه صغير بالعمر ولسى طايش او من النوع المستهتر بس تزوج ولاهو حاس ان فيه انسانه تحتاج تحس انو في شخص بحياتها يشاركها بكل شي ..انتي ماحاولتي معاه بالاسلوب تعرفين وش فيه بالضبط .. او بينتي له انه غلط اللي يسويه وممكن يأثر على حياتكم واستقرارها قبل مايجون الاطفال وتبلشين فيه طول عمرك ... الله يعيينك يا اختي ويفرج همك ويصبرك وان شاء الله يتغير للأحسن

اهلين اختي الحنونه الله يعينك ع المشكله
بس انا اقترح انك تتصلين ع البنت من ارقام ثانيه الين ماترد واذا ردت قولي لها انه زوجك وانك تحبينه وقوليلها خليك مكاني لو تزوجتي واكتشفتي ان زوجك يخونك وترى الدنيا دواره قولي لها هذا الكلام
وزوجك صارحيه انك عارفه عنه كل شي وانك ساكته لانك تحبينه واساليه وش الشي الي فيك مو راضي عنه (بس انتي مافيك شي لان لو فيك ما تزوجك بس قولي كذا) واذا قالك انه يحبها من اول قوليله ليش تزوجتني
معليش اختي هذا الي قدرت عليه ان شاء الله باقي الاخوات يفيدونك

مشكورين حبايبي بس زوجي عمره 34 مو صغير ..هو من النوع مو متعود على احد يهتم فيها مو قدر ينسى الماضي ويعيش الحضر يهو يحبي حتى مو قدر ينسى ماضيها ؟ وش اسوي

الرفع

الله يعينك على ها الأشكال ...ويهديه يارب ولا يبعده عنك بمشاكله ..
صدق الدنيا ذي ماأدري وش صاير فيها
الله يصبرك ويعينك في مصيبتك يارب ..

حسبي الله ونعم الوكيل ربي يعينك بس اهم شي صارحيه
لاتسكتي وربي يخرب بيتها اللي ماتستحي

المشكله لما اصرحها يسكت مايتكلام ..
ومشكورين

مدام انه يحبها ليه يربط نفسه فيك << معليش
بس والله شهر يقهر انتي مالك ذنب
مافي يدي شي غير ادعيلك

غاليت نصيحتي لك انك تعتبري زوجك هو المعركة والعدو هي البنت الي يكلمها وقرري انك بتكسبي هالمعركة مو حبا فيه بس نكاية فيها
يعني هي تعيش مبسوطة في قصص الحب والغرام بالحرام وانتي الحلال الي لازم تستمتعين بزوجك تقعدين مقهورة ومكسورة الخاطر ؟؟؟؟
لا غاليتي خليكي قوية وذكيه والي عندها عندك بس هي استخدمته صح وطيحت زوجك ومو عارف يقوم لهذه اللحظة فانتي بعد استخدمي اسلحتك الأنثوية واهزميها وخلي هو الي يتركها زهذا فيها
استعيني بالله عزوجل واكثري من الإستغفار ولا تقعدي حاطة يدك على خدك مسنتية الفرج ابدأي بتغير نفسك تعلمي فنون أسر الزوج اتعلمي أسرار الحياة الزوجية
فاجئيه بأن الي معه أحلي بكثير من الي على الجوال وأن الحلال طعمه أحلى بكثير من الحرام
حاولي بكل الطرق انك تجذبيه أعرفي وش يحب ووش يكره متى يكون زعلان ومتى يكون مبسوط لا تخلي شئ عنه ما تعرفيه علشان تقدري تستخدميه في معركتك
لا تجيبي طاري هالبنت ولا علاقته معها ابد ولا كأن الموضوع هامك بس اهتمي بأنك تربحي المعركة
ولا تيأسي غاليتي انتي الصح وهم الغلط فلا تتراجعي وتتركي للشيطان فرصة انه يخرب عليكي حياتك وزوجك ولعل الله يهديه على يدك وتعيشي معه في سعادة طول عمرك
اكثري من الإستغفار وقرأة سورة البقرة فمفعولهما عجيب
موفقه