من يقول الحب يذبل كالورود الكاتبه غزاله نجديه

فارس ومشعل بالغرفه
فارس : مشعل كيف نروح ونوف بلحالها ؟
مشعل : غريبه مو كلامك بالعاده ودك تفتك منها
فارس : لاحرام حطيت نفسي بمكانها لاطلعات ولا ربع والبيت هادي ملل
مشعل : ايوا بس عندها بنات خالاتي وفيصل
فارس : أي بس مايغني عننا
مشعل : ماتلاحظ انك شايف نفسك بقووه خلاص طيب اقعد وخلنا نروح
فارس :ههه لاوش اقعد الله يهداك انا ماصدقت اروح
مشعل : هههاي الله يرجك بس يللا يارجال نام وخلنا نقوم بدري
فارس : ههه
::::::::::::::::::::::
وفي البيت دخل فيصل للصاله شاف البيت هادي وفاضي مافيه غير نوف اللي كانت عند التلفزيون وماسكه الريموت ونايمه كان صوت التلفزيون مره عالي برغم ان البيت فااضي والكل رايح ينام في سريره فيصل شاف اخته بنظرات رقه وابتسم وشكل نوف كان مررة برئ لكن تظل حلوه وبريئه شالها لغرفتها وحطها على السرير ولحفها وسكر الأنوار والباب وراح لغرفته
((وش هاالهم اللي ببالي انا ليتني نسيتها من زمان وهي في بالي اه من هالحب كيف سيطر على تفكيري ))
..........................................
جا الصباح
قامت على اصوات اخوانها وامها وابوها يتكلمون كملت نومتها ولااهتمت بعد شوي قامت لأنها تذكرت اخوها فهد اللي بيروح اليوم لجده الله يافهد كيف بنفقدك غسلت وجهها وبسرعه راحت ورفعت شعرها ونزلت منه خصلتين وطالع شكلها يجنن .. نزلت وشافت من عند درابزين الدرج منظر امها تبكي وأخوها فهد يضمها ويهديها والعايله كلهم متجمعين
أم فيصل وصوتها كله صياح : فهد لاتطول بنشتاق لك حيل
فهد : افا عليك يمه وانا كيف بيهون علي كلها كم من اسبوع
ام فيصل وكان فهد يمسح دمعتها
خلاص يمه وهو يضمها بقووه الكل استغرب من حركته
ام فيصل مازالت تبكي
فهد : يمه خلاص انا الحين رجال شلون بتبكين
ام فيصل : انت رجال بس في هالوقت اشوفك ولدي الصغير
فهد مازال يضم امه والكل ساكت مو مسموع غير صوت شهقات ام فيصل وظلو فتره لمن تركت ولدها
سلم الولد على ابوه واخوانه ...... ويوم جت نوف بتسلم
نوف وهي تحب راس اخوها : بشتاق لك فهودي
فهد اخذ اخته وشالها وضمها بقوه لكن الكل استغرب هالحركه
بس العايله كانوا يعتبرون نوف كأنها اصغر وحده لأنها دلوعتهم واللي مساعد جسمها اللي كان صغير
فهد : واناا بعد بتوحشيني كثير يانفولتي
نوف :وهي تكلم أخوها من اذنه : عاد لاتنسى نبي هدايا
فهد هد اخته ومات من الضحك : ههه الله يرجك نفوله بس هذا اللي بغيتي ؟؟
نوف وهي مبتسمه : لاطبعا اذا لقيت اشيا ثانيه مانقول لأ
فهد وهو مبتسم ويقرص خد نوف ا ه منك وولا يهمك غالي والطلب رخيص
العايله مااكانوا يدرون هم ايش يقصدون بس حركات فهد مع نوف كانت مررة عاجبتهم وكانوا يضحكون وياهم
وطلع فهد واخوه مشاري شايل معاه الشناط وودعه عند المطار
ويوم كانت الأسره كلها متجمعين بالصاله
اللا ويدق جوال مشعل رفع مشعل التلفون وكان رقم خالد ولد عمهم
مشعل : هلا
خالد : هلا والله
مشعل : وصلتوا ؟
خالد : والله واصلين بس ضيعنا في رياضكم هذي كبيره وتضيع شكلنا على طريق الخرج
مشعل : ههه
خالد بعصبيه : ليه الضحك
مشعل بضحك : لالا خلاص الحين بنجيكم وبنوصلكم بيتنا
خالد : طيب بسررعه ترا فطسنا حرر
مشعل : هههاي اوكي جايين
خالد : اوكي باي
مشعل : باي
:::::::::::::::::::::::::::::::::::::::::::::::::: ::::
ابو فيصل : مشعل من تكلم
مشعل وهو مو قادر يمسك نفسه من الضحك :ههه
مشاري : مشعل !! وش صاير من اللي يكلمك
مشعل : ههه هذا خالد يقول انهم واصلين للرياض ومظيعين
فارس : ههه
ام فيصل : اجل روحو جيبوهم
مشاري : اكيد يللا مشينا
مشعل : بروح وياك
مشاري : بس وينهم الحين
مشعل : يقول انهم على طريق الخرج
فارس : ههه هذا هم اهل الشرقيه مايدبرون بالرياض شي
مشاري : طريق الخرج مره وحده !! ههه طيب بسرعه يللا
((وراح مشاري ومشعل وفارس لعيال عمانهم ومابقى غير ام فيصل وابو فيصل ونوف وفيصل كان بغرفته ))
نوف وهي تحب راس ابوها
ابو فيصل : وش عندك انتي بعد
نوف : ههه لابس بغيت منك طلب
ابو فيصل : اقعدي في حظني وتطلبي
نوف : تسلم بس ابي اطلع مع فيصل
ابو فيصل : بس ؟ اطلعي روحي قولي له وروحي للي تبين
نوف : بس اخااف يعيي
ابو فيصل : اذا مارضي انا راح اقول له
نوف : مشكور يااحلى ابو بالدنيا
وراح تركض لغرفة اخوها
((ياربييه بس وش الحاله هذي ...... لالا مايصير كذا يافيصل انت تعلق مصيرك بوحده ثانيه .. طيب ولو انخطبت او مابغتني انا ايش راح اسوي ؟.. لالامااخليها تروح علي وماانيب صاير باارد بالشكل هذا انا لازم اروح اعلم امي بالأول .. اه يالقهر وذا عيت بشوفها تروح قدام عيوني )) وقطع حبل افكاره فتحت الباب
(نوف دخلت على اخوها وتفاجأت بمنظره اللي كان جالس على المكتب وامامه كتاب وحاط ايده على راسه
نوف : احم .وطقت الباب
فيصل ماكان معها
نوف وهي تقرب لعند اخوها : فصول وش فيك ؟
فيصل : هاه نعم ..
نوف : لي ساعه وراك منتب حاس
فيصل : ايه كنت اذاكر ورانا اختبار
نوف باستغراب : فيصل !! .. شكلك متغير وش فيك ؟ تعبان ؟
فيصل : هاه لاتعبان ولاشي
نوف : طيب فيصل ام ودني للفيصليه تراني ملانه هنا
فيصل : الفيصليه !! طيب ورا مايوديك مشاري ومشعل
نوف : لا تعرف انهم بيجيبون عيال عماني وغير كذا اهم بيسافرون بكرا ماحد فاضي اللا انت ...... الله يخليك
فيصل وهو مبتسم : بس الفيصليه ؟
نوف وهي ترد الابتسامه الحلوه : بس الفيصليه وش قلت ؟
فيصل : خلاص بعد المغرب بأخذك لأنني وراي مشاوير اوكي
نوف : واو مشكور فصول خلاص بعد العشا اناجاهزه
مشكور يااحلى فيصل بالدنيا
فيصل : والكلام الزين مايجي اللا الحين ؟
نوف : ههه لاتحرجني
فيصل ببتسامه : ههه خلاص بس هاه تجهزين
نوف : اوكي
وطلعت من غرفة فيصل وهي تصفر و تغني وفرحانه المسكينه ماصدقت تطلع بس ولو كان ضاايق صدرها مررة على فيصل وجهه صاير اصفر وناحف ومو عادته يكون كذا انطوائي بالعاده يجلس في الصاله معنا لالا هو متغير من كم من يوم بس ما يبي يعلم وانا اكييد بسأله بالسياره مااعتقد كل هذا اختبار
وهي ساهيه بغرفتها والا بدا صوت الازعااج
اللي تسمعه وهي بالغرفه والازعاج من المدخل
مشاري : كلولولوليش هلا ومرحبا
مشعل ياحيا الله من جانا
واصوات تصفير وازعاج لأخر حد قالت في نفسها
اكيد ان عيال عماني جو
وشوي يفتح الباب بقووه لدرجة انها ارتاعت
نوف : بسم الله
فارس وهو يتنفس بسرعه لأنه جاي يركض : نوف سوي قهوه
نوف : طيب شوي شوي
فارس : ههه بس انتبهي ترا عيال عماني كلهم موجودين
نوف : ياربيه بدينا ننحبس
فارس : خ أي بدينا
نوف : فارس كثار
فارس : ام سطعشر واحد على مااظن
نوف : اوف طيب
وطلع من الغرفه اما نوف راحت للمطبخ
:::::::::::::::::::::::::::::::::::::::::::::::::: ::::::::::::::::
مشاري : لالا وفي محشش ذبح خويه يوم قال : ياحليله اذا قام من النوم بيشوف روحه ميت
والكل قام يضحك على تنكيته واصواتهم كانت عاليه مررة
ونوف كانت منشغله بالقهوه ويوم خلصت نادت مشعل يجي ياخذها
وكانت ماده الصينيه بس المشكله انو طلال ولد عمها ماكان يعرف انها بالمطبخ
ودخل وكان مررا مستعجل ويوم دخل الا وتنكب البيالات والفناجيل وتتكبب القهوه على الأرض المشكله انو نوف ماده الصينيه وطلال داخل بسرعه الا ان صقع طلال في نوف
نوف عجزت تستوعب الموقف وقفت بمكانها تطالعه بكل براءه وهو كان مررة متفشل ونوف نفس الشعور هي تطالعه متفاجأة
اما اهو كانت نظراته لها مختلفه قال في نفسه الله لله على بنت العم اووف ايش هالجمال وهالبرائه موقادر اشيل عيني من هالقمر جسم وشعر ولون وادب وبراءتها بس تكفي
اما نوف كانت تقول في نفسها ياربييه وش اسوي الحين ياالله على هالفشيله المشكله شافني بكلش ماايمديني اتغطى شافني
وبعدين انسحبت نوف اللي كانت اهي الباديه وطلعت من الباب الثاني اما طلال موقادر يستوعب ايش اللي صار وشكل نوف مازال قدامه
الا شوي ويدخل فارس
فارس : طلال
طلال ..................
فارس : طلال وصمخ
طلال ................كان بعالم ثاني يفكر بالملاك اللي شافه
فارس : وهو يضرب طلال من ظهره :: وش تسوي
طلال : هاه فارس !!
فارس : أي فارس
طلال : نعم ؟
فارس : وليه القهوه على الارض ؟ ووين نوف ؟
طلال هو بس قال نوف مر طيف نوف بباله : نعم نوف !! وش نوف انا جيت ولقيت الصينيه على الطاوله واخذتها وطاحت منني
فارس : طيب ونوف وينها
طلال : وش دراني
فارس : اوكي خلاص انا بروح لها
:::::::::::::::::::::::::::::::::::::::::::::::::: :::::::::::::
نوف كانت بغرفتها ماتدري وش تسوي متوتره ومتفشله وخايفه من اخوانها وكل شوي تتذكر اللي صار عسى مادرى احد من اخواني بس
الا ويدخل فارس على نوف
فارس : نوف وين القهوه ؟
نوف : .....كانت ساهيه .........
فارس : نوف وينهي ؟
نوف ..................
فارس : وش صاير اليوم لاانتي ولاطلال كللكم مصنمين اذا تكلمت
نوف : نعم ؟
فارس : وين القهوه للمره العاشره ؟؟؟؟؟؟
نوف بخوف : م مااددري
فارس : قبل شوي طلال يقول انها كانت على الطاوله واهو شايلها وطاحت
نوف حست براحه الحمدلله فارس مادرى عن اللي صار
نوف : أي كنت حاطتها
فارس : بس انكبت روحي سوي ثانيه
نوف : لامارح اروح اللي هناك كللهم عيال عماني اخاف احد يشوفني قل لماريا
فارس : طيب
وطلع من غرفتها وهو يتنهد : والله حاله
:::::::::::::::::::::::::::::::::::::::::::::::::: :
بينما كان الكل يستمع لنكت ومواقف مشاري واصوات ضحك ممليه المكان
طلال كان يقول في نفسه (اول مررا اشوف ملاك على هيئة بشر ماشاء لله جماال يفوق الوصف توني اعرف ان عندي بنت عم كذا صورتها دايم في بالي مشكله كيف ابنساها يوه لالا ياطلال استح على وجهك هذي بنت عمك لامايصير اقو كذا وش قاعد انا اقول الحين حلوه اقعد افكرفيها كذا لالا مايصلح )
مشاري : طلال وينك فيه ووين وصلت تفكر بقضية الشرق الأوسط
الكل كان يضحك على كلامه
فارس : ايه ماتشوفونه بالمطبخ خفت عليه على بالي فيه شي طول الوقت يفكر
خالد : طليل وينك فيه وعلمنا وين وصلت
طلال : هاه
احمد : صدق انه مضيع الدنيا
طلال : وش تقولون ؟
ماتوا من الضحك
مشاري : لاابد سلامتك بس ليتك تشوف شكلك قبل شوي
طلال : ههه
راشد : لازم تعلمنا في ايش تفكر
طلال : لا تعبان شوي راسي مصدع
فهد : خذلك بندول
طلال : أي توني ماخذ
والكل كان ينكت وناس يلعبون بلوت واللي عند البلايس تيشن
واللي يتبادلون مقاطع بلوتوث
:::::::::::::::::::::::::::::::::::::::::::::::::: ::
(يالله وانا متى بأنسى هالموقف ... بس لحظه انا مدري من اللي صقعت فيه مااعرف اشكال عيال عماني كللهم لكن نظراته كانت غرييبه عجزت اقراها مين هذا ؟ لازم اعرف )
طلال كان وسيم مرة كان لونه حنطي وشعره كثيف وطويل وعريض شوي ومرسم العوارض جذااب لكنه مؤدب وهادي شوي وثقيل مررة
دق جوال نوف على نغمة (ثلاث ايام ) اللي كانت حاطتها لفيصل اخوها
نوف : هلا
فيصل : هاه نمشي
نوف : اوكي الحين طالعه
وراحت تلبس العبايه وهي طايره من الفرح اخيرا بطلع مليت من القعده هنا ع الأقل انسى اللي حصل لي مع ولد عمي
ولبست عبايتها وتغطت لأنها بتنزل تحت ويمكن تلقى أي واحد منهم في طريقها وهي رايحه بتضطر تمر على الصاله اللي موجودين فيها كل العيال
(يووه ياربيه وانا لازم امر من عندهم واذكر بس يللا امر لالا اخاف اخواني يعصبون او اقول بس يللا وش فيها ماسويت غلط انا لازم امر عليهم)
ويوم كانت رايحه كان طلال جالس على الكنب وهو ملقيها ظهره كان متحممس وهو يسولف مع مشعل والباقي محد يدري عنها الكل منشغل بشي
وراحت نوف تمشي بهدوء وكانت محتشمه ولا لابسه كعب ولاشي
وهي نازله بكل هدوء الا ويدق جوالها وبصوت عالى ومع تاثير الصدى
ثلاث ايام مرن في حياتي غير .........الخ
الكل التفت عليها وكأنها تكلمهم
نوف تقول بنفسها وهي متوتره اوف من هالمواقف هذا اللي كنت خايفه منه ياربيه يافيصل مالقيت تتصل الا الحين
والجميع التفت لدرجة ان اخوانها ارتبكوا كثيير
هي حاولت تكون طبيعيه ومو متوترة ولامستحيه اما طلال اللي على طول ومن غير أي تفكير التفت عليها وجلس يطالعها بنظرات الاعجاب ويتذكر شكلها ومو مركز ع الازعاج اللي كان حوله ابد ولاخايف من مشعل اللي كان بجنبه ولفته طلال واستغرب نظراته لدرجة انه سكت ووقف السالفه اللي كان يقولها
((ياناس ايش الروعه هذي حتى بالعبايه طالعه قممر بس مدري كيف اخوانها يخلونها تطلع كذا لوها اختي كان مااطلعها من البيت ع الاقل تخاف من العين ان كانت ماتخاف من الشباب اللي برا ياكيف هالانسانه عاجبتني الله يستر عليها ...لالا انا وش قاعد اقول استح على وجهك ياطلال هذي بنت عمك تعرف يعني وشلون بنت عمي كيف اتكلم فنفسي عنها كذا ووش معنى طيفها هي بالذات اللي كل شوي يمر علي انا ماعمري جتني هالحاله الا من هالملاك ))
اما نوف طلعت عند فيصل بعد ماتلون وجهها بألوان الطيف كانت مررة مستحيه وطايح وجهها وودها ماطلبت تطلع أي مكان
وركبت السياره لعند فيصل

بعد ماطلعت وقفت افكار طلال والتفت على مشعل
طلال : ايوه مشعل ايش كننا نقول
مشعل بنظرات واحد مستغرب : الحين تقاطعني وتطالع على ورا وتقول كمل
طلال : هاه لالا بس معليش سامحني يلا كمل وش كننا نقول
مشعل : طلال فسر لي هالنظرات اللي قبل شوي
طلال بخوف : أي نظرات ؟
مشعل : كل الموجودين شافوها وبعدين صددوا اما انت لك ساعه حتى منت عارف ايش انا اقول
طلال : شافو مين ؟؟
مشعل بعصبيه : ميين ميين اللي مرت قبل شوي ماتشوف شكلك
ومن صوت مشعل اللي كان مررة عالي ومن شكل طلال التفتوا كللهم
مشاري : مشعل طلال وش صاير
محمد : ايه وشفيكم ؟
مشعل وهو يطالع طلال وكأنه يقول مارح افوتها لك :لالا ولاشي
مشاري :طيب يللا شباب خلونا نكمل البلوت
وهدت الاوظاع
طلال :مشعل انت وش تقصد ان كنت تقصد نيتي او اني حاط فبالي شي لا انسى انا احترمكم واحترم عمي وبنته لاتشك فيني وانا خويك
مشعل : مدري بس احس وضعنا كذا موعاجبني
طلال : ليه ؟ وأي وضع ؟
مشعل : ان نوف هنا بلحالها واحنا كللنا شباب يعني لو واحد منكم شافها بدون قصد ؟
عاد هو قال كذا زاد توتر طلال
طلال : لاتشيل هم كلها يوم وبكرا بنروح وسع الصدر بس وخلنا نلعب معهم ابهزمك بالبلوت
مشعل :ههه ماتقدر
طلال : انت جربني ههه
كانوا جالسين بهدوء ومشغلين البوم عباس ابراهيم على اغنية
خيرك لغيري
نوف تبي تقطع هالهدوء وتبدأ تسأل فيصل قصرت على المسجل
فيصل : وش فيك نوف الأغنيه موعاجبتك؟ تراها حلوه والله ؟
نوف :لالا الاغنية مافيها شي بس ابي اسئلك سؤال من فتره موبعيده
افكر فيه ومو قادره القى له حل ومايعرف يجاوبه غيرك ,,,,,, فيصل جاوبني بصرااحه
فيصل بستغراب من كلامها : اسئلي
نوف : توعدني تجاوب بصراحه
فيصل :احاول
نوف : فيصل
فيصل :ههه طيب بصراحه بس يللا قولي وش عندك
نوف :علمني ليه متغير ؟؟
فيصل باستغراب : متغير !! ماتغيرت
نوف : ان كنت ماتلاحظ انا ملاحظه وبعدين حالك كذا مضيق صدري مررة لونك وشكلك كلله منقلب مو انت فيصل اللي يسولف ويانا ولاانت اللي معطينا جو حلو بالبيت الحين صاير كنك فهد مررة هادي
فيصل ماوده يكون هذا كلامها :بس انتي تعرفين الجامعه صايرين دايم يضغطون علينا والحين فترة اختبارات
نوف : لييه وانت من دخلت الطب هذي اول مررة تختبر ؟ انا عارفتك زين فيصل علمني وش اللي مغيرك
فيصل : طيب امي ملاحظه ؟؟
نوف :امي تقول انك مريض ومو معلمنا تراها خايفه عليك مررة
فيصل : طيب مافيني شي و.....
قاطعته نوف وقالت :لاتقل مافيك شي مافيه احد يفهمك غيري يافيصل وش فيك ؟ ان ماعلمتني من بتعلم انا اختك الوحيده الحين
فيصل يقول في نفسه ايه والله انا رايح اعلم ماجد وتارك امي ونوف ............وهم اللي بيقدرون يتصرفون بموضوعي هذا ........غير ان اللي ببالي صديقة نوف
فيصل على طول ومن غير مقدمات: طيب انا ابي اتزوج
نوف بفرح واستغراب :وشو تتزوج!!!!!!!!!!................................... ... واو بصير عمه
الله الله يافصيل ماتوقعتك كذا......... ياحظي عندي اخو يبي يتزوج
فيصل :ههه الله يرجك نفوله وليه الفرح طيب كل الشباب كذا
نوف : يوه لاتستغرب لازم افرح بس مو تو الناس على الزواج
فيصل :لامو توالناس وانا ان ماتزوجت الحين مارح اتزوج بعدين
نوف :خلاص اجل بعلم امي اوكي ؟
فيصل :لالاخلي امي علي
نوف :بس علمها بدري لأنها مرة خايفه عليك...... تعال فيصل بس ليه مخبي علينا من اول ؟
فيصل :بس كذا ماكان ودي اعلم احد
نوف : فرحتني الله يبشرك بالخير
فيصل :ههه كل ذا عشان ابي اتزوج ؟
نوف :اكيد
نوف وهي تغمز :عاد ماقلت لنا وش مواصفات اللي تبيها
فيصل :لالا اللي ابيها في بالي ولا حتى تدورون
نوف باستغراب :في بالك !! يعني مخطط على وحده ؟ ومنهي ؟
فيصل : يووه يانوف من زماان وهي ببالي
نوف :والله !!
فيصل :ههه اكيد وش فيك انتي الحين من علمتك وانتي طول الوقت مستغربه ؟
نوف : ماتوقعت كذا ؟
فيصل : يعني وش توقعتي ؟
نوف :ظنيتك مريض ولاانت معلمنا
فيصل : ههه وانا بس امرض !!ههه... طيب يللا وصلنا
نوف اخيرا ارتاح ظميرها !! وانزلت مع فيصل للفيصليه
:::::::::::::::::::::::::::::::::::::::::::::::::: ::::::::::::::::
كانوا الأثنين جالسين ورا البيت المكان مظلم مرة واهم راكبين سيارة BMW كانت السياره توها جديده ومااستخدمت الا مره وحده مع الوالد بس والحين الأثنين يفكرون يركبونها
عبدالله : مدري تتوقع انهم مايقولون شي ؟
فارس :الأساس ابوي موراضي لي اسوق .. بس خلاص خلنا نروح بها مشوار قصير بس
عبدالله :مدري فارس خايف
فارس :قلت لك مارح يصير شي .. وش يعني انا اعرف اسوق بس ابوي موراضي لي لأنه مومقتنع انني رجال واعرف
عبدالله :عالأقل مو ال BM خلنا ناخذ أي سياره ثانيه
فارس: لا وان شاء لله تبيني أطلع بخرابيط هذي الكشخه .. يارجال بس خلنا نتوكل ونفحط بها......... وانت متى تجي عندنا في الرياض كل يوم ؟ هذي يمكن اخر مرره هالأجازه
عبدالله : مدري فارس طيب خلنا ننادي مشعل ويانا
فارس : ومشعل اللي بيرضى لي اسوق ولا افحط .. اصلا مشعل الحين نايم
عبدالله : طيب مشاري مااتوقع انه ينام الحين
فارس : ليش وانا مااعرف اسوق ؟........اقول انا ابروح اجيب المفتاح وانت اركب
وراح فارس يركض بأسرع ماعنده اما عبدالله
(ياربييه من هالداج على طول يبي يسوق مدري متوتر اخاف يصير شي ولا نصدم بالسياره بس هو يعرف يسوق واحنا نبي نوسع صدورنا .. اقول يللا بس نروح ونجي ولااحد بيدري )
وراح فارس لغرفة امه والأم من عادتها تحط المفاتيح تحت مخدتها عشان ماياخذها فارس لأنه مطيور واللي بباله بيسويه او تحط المفاتيح عند فهد او فيصل
دخل بكل هدوء ووقف عند التسريحه وبسرعه فتح العلب حقت ابوه يدور المفتاح
((يااربيه هذا وينه الحين لازم القى المفتاح ))
وكان ابو فيصل وأم فيصل نايمين
وتذكر ان امه دايم تحط المفتاح تحت المخده
((يوه مشكله .. أنا ماخذه ماخذه ))
ويدخل يده تحت المخده ويسحب المفتاح بطرف اصبعه اللا امه تحركت شوي اهو خلااص بيموت من الخوف
((اوف لو قامت الحين وش اقول لها ))
بس حاول يتمالك نفسه ويهدا الى أن رجعت الأم في غرقانها في النوم
((اوف الحمدالله بغيت أروح فيها ))
وطلع من الغرفه وهو طاير من الفرح ..
وهو طالع للحوش من الباب الثاني الا ويقابله تركي اللي كان كبير بالجامعه وفارس كان يرركض بأسرع ماعنده وتركي كان يطالعه باستغراب عاد فارس ماكان منتبه وطاح عليه لدرجة انه حرك تركي من مكانه
تركي باستغراب : فارس !! وش قاعد تسوي ؟! وليه مانمت للحين ؟
فارس وهو مييت خوف ويخبي المفتاح ورا ظهره بس ابدع في التمثيل :هلا تركي لاوالله ماجاني النوم قلت ابطلع برا شوي
ليه ؟ كلهم نايمين ؟
تركي : ايه كللهم نايمين ويللا رح نام ولاتطول سهر بكرا بنروح بعد صلاة الظهر
فارس : أي بس بجلس شوي بررا
تركي : الا عبد الله وينه ؟؟
فارس : برا معي
تركي : طيب لاتطولون
فارس: لاايهمك
وراح فارس بأسرع ماعنده للباب
اما تركي ماكان متطمن اكيد ورا هالمطيورين شي تصريفات فارس هذي اكيد وراها شي
راح تركي وانسدح في فراشه وجلس يفكر بفارس الا من غرق في النوم كانت الساعه 11 والكل نايم والانوار مسكره البيت كان هادي مررة والأثنين بررا البيت
:::::::::::::::::::::::::::::::::::::::::::::::::: :::::::::::::::::::
فيصل ونوف
فيصل : يللا نوف ترا طولنا
نوف : بس شي واحد
فيصل : وين مابقى محل الا ودخلتيه
نوف : ابدخل للسواني
فيصل : وش تبين فيه ؟
نوف : لابس عندهم ساعه من زماان عاجبتني
فيصل : طيب بس أأخر محل ..... تراني تعبت
نوف: خلاص اخر محل
ودخلو للمحل
اللبناني كان جالس يوريهم الساعات ونوف كانت هي اللي تختار وهو يطلع فيصل ماكان عاجبه الوضع نظرات اللبناني هذي وقحه وهو لايمكن يجلس متكتف واخته اللي تكلم الرجال .. هذا غير ان الرجال بدا يتمادى
اللبناني : وشو رايك بهاذي ؟ هاي جايا لعنا من البارح لسا جديدي
نوف اخذت الساعه بتشوفها على ايدها
اللبناني : واو شومحلاها على ايدك
نوف : لالا موحلوه .. اقول بس عطني الساعه اللي قبل ابغى امشي الحين
اللبناني : بس هذي احلى كتير على ايديك وتوها جديدي
فيصل : يوه خلاص نوف
نوف : فيصل وش فيك ؟
فيصل : خلاص انتي اختاري وانا اباطلبها منه لاتكلمينه
نوف : لابس خلاص ابي الأولانيه ونطلع
فيصل : طيب ,... اقول عطنا هذي وخلاص
اللبناني : انتو تامروا امر حبايب البي
ويوم جا اللبناني بيحط الساعه بالكيس ويدخل معها ورقه صغيره وابتسم لنوف ماكان يبي يلفت بالورقه غير نوف
اما فيصل كان منتبه للورقه وابتسامة الرجال
اللبناني وهو يعطي نوف الكيس : يللا بالسلامه
نوف مدت ايدها عشان بتاخذها
فيصل : نوف لاتاخذينها
نوف : وليه ؟
فيصل : ابشوف شي لحظه
وفتح الكيس وطلع الورقه اللي كانت داخل علبة الساعه وجلس يقراها
كان كاتب فيها رقمه وأسمه ((أحمد ))
اما اللبناني كان خاايف مررة ومسوي نفسه مادري عن شي
فيصل كان يطالع العامل بنظرات غضب
فيصل : شف هذي الورقه بتروح للهيئه
اللبناني : لالا ماكان قصدنا نزعجكم
وكان اللبناني يسحب الورقه أما فيصل ماسكها
فيصل : انت ماحترمت اختي ولااحترمت وجودي جنبها والورقه هذي عند الهيئه تمد الرقم يالوقح وقدامي ع الأقل ان كانك ماخفت منني خاف من ربك
احمد : سامحني والله ماكان بقصدي اعطني الورقه
فيصل : لالاالورقه هذي انساها بتروح للهيئه ... نوف يللا مشينا
واخذ نوف ودخلوا للسياره
اما الرجال كان متوتر وخايف لان الرقم بيروح للهيئه ولأنه ازعج زباينه
:::::::::::::::::::::::::::::::::::::::::::::::::: :::::::::::::::::::::
عبدالله : وينك يارجال طولت
فارس : اوف مسكني تركي وبغيت أرووح فيها
عبدالله : اهم شي البيت كللهم نايمين ؟
فارس : ايه ايه تطمن
عبدالله : بس لحظه مب اخوك فيصل واختك طالعين اخاف يرجعون ولايشوفوننا
فارس : مالقيت الا فيصل .. كأنه بيجي ويدور علينا بيجي تعبان وبروح ينام ونوف اكيد ماراح تجي عشانكم موجودين .. يللا بس توكل
عبدالله : بسم الله
وشغلوا السياره وفتحو الباب مشو وشغلوا أغاني اجنبيه والمكان كان فاضي
عبدالله : فارس ياشيخ هد شويه تبينا نموت ؟
فارس : وش تموت الله يعافيك ! ياخي وسع صدرك تبيني أمشي ببطيئ وش شايفني فهد اللي دايم يعطينا محاظرات عن السرعه
عبد الله : طيب بس مو كذا هذا موت مو سرعه خفف شوي
فارس : يوه كانك بتقعد تعطي نصايح ترا بنهون
عبد الله ماكان متطمن ومو مستغرب من فارس لأن هذي حركاته
:::::::::::::::::::::::::::::::::::::::::::::::::: ::::::::::::::::::
وفي الطريق
نوف : فيصل الحين وش كان كاتب هذاك اللبناني ؟
فيصل : كاتب رقمه وأسمه
نوف : بتوديه للهيئه
فيصل : عاد انا فاظي له بس بقول له كذا
نوف : اها
ووصلوا البيت والجو مظلم والهدوء معمم البيت
فيصل وهو يفتح الباب بالمفتاح : نوف لاتفصخين العبايه لأن يمكن مايكونون نايمين
نوف : طيب
(( اوف عسى مااشوفه الحين بوجهي ثانيه ))
والحمد الله دخلت الغرفه من غير ماتشوف طلال اللي كان ناايم
وفيصل كان هلكان مررة دخل غرفته وناام
:::::::::::::::::::::::::::::::::::::::::::::::::: :::::::::
وصلوا لشاارع التحليه وبدت هواية فارس الولد المطيوور واللي ماهمه غير وناسته
وجلس يفحط بأقوى ماعنده المسكين ولد صغير ابو 15 سنه حرام يهوى الشي هذا والغريب انو مااحد من اخوانه يحب التفحيط
فارس : شفت كيف ولد عمك
عبدالله : فارس يكفي خلاص لنا نص ساعه خلاص
فارس وهو مبسووط وطاقته الوناسه : يوه منك تراك طفشتني ماتشوف الشباب كيف يصفقون لنا يارجال افرح
عبدالله : طيب انت الحين تميل بالسياره بشكل جنوني يمكن يودينا في داهيه
وفعلا كان منظر السياره مررة مروع كان يدور بالسياره ويلف بها والمشكله انها مو أي سياره
وبينما كانوا الأثنين هناك واصوات التشجيع ممليه المكان هذا غيراللي يصورون للبلوتوث وعبدالله خاايف ومايدري كيف يتصرف الأثنين صغار وفارس مو راضي يسمع
واللي امامهم كان عمود لمبة الشارع .........كان فارس يفحط بالقرب من ربعه عشان يصفقون له
ويوم بدأ حركته بادوراان المجنون حتى يصقع في العمود بقوه شديده وكان المكان المضروب تحديدا على كرسي عبد الله انقلبت السياره وتهشمت ومنظرها كان مخييف اللي يشوفه يقول ان اللي داخل راحوا فيها
تجمع الشباب كللهم على السياره بعضهم يعرفونهم والباقي ......لا البعض مهتم بتصويرها بالبلوتوث وربع فارس يحاولون يفتحون الأبواب
والباقي يتصلون بالأسعاف
:::::::::::::::::::::::::::::::::::::::::::::::::: :::::::::::::::
نوف كانت بغرفتها تكلم بالجوال مع بنت عمها
الجوهره : ووش شريتي بعد ؟؟
نوف : شفتي الساعه اللي اقول لك عنها ؟؟
الجوهره : أي وحده ؟
نوف : اللي اقول لك عاجبتني بالسواني
الجوهره : اها شريتيها ؟
نوف : ايه
الجوهره : يوه وانا اللي ناويه اخليها لك هديه
نوف : ههه ياحبي لك لالا الهديه خليها شي ثاني
الجوهره : يووه شكله كبر راسك مررة
نوف : عاد بنت عمك وامون
الجوهره : ههه طيب زي ايش شي ثاني ؟
نوف : مثلا ساعة رولكس مانقول لأ
الجوهره : بعد تتشرط
نوف : ههه الا ماعلمتيني وش سويتوا بالكورنيش ؟
الجوهره : فاتك اليوم رقمني 4
نوف : لاتقولين اخذتي الأرقام
الجوهره : أي والحين باتصل
نوف باستغراب : الجوهره وش تتصلين صاحيه ؟؟
الجوهره : أي صاحيه وبكلم حالي حال غيري
نوف : لا خليك احسن منهم ووشو له تكلمين شباب انتي مو الجوهره المحترمه العاقله ...... لو درى ابوك او تركي وش بيسون
الجوهره : ييوه وش عليهم منني
نوف : لالا الجوهره خلاص بلااستهبال وامسحي الأرقام من جوالك
الجوهره : اقول بس لاتعطيني محاظرات امي وخلينا نتصل انا اونتي
نوف : يوه الجوهره ازعل عليك كذا لاتكلمين احد
الجوهره : بكيفك دامك ماتبين بااي
نوف : باي بس لاتدقين وتضيعين سمعتك وثقة اهلك الجوهره نصحتك
الجوهره : اوف من هالهيئه بس
نوف : استغفر الله
الجوهره : يللا باي
نوف : باي
وسكرت وهي متفاجأه من كلام الجوهره لالا الجوهره بنت عمي كيف تضيع سمعتها بهاالشكل وبكل برود لامايصير وكانت حمقانه ومقهووره من كلامها وشوي وتبكي بس حاولت تنسى
وارسلت رساله للجوهره
^^ الجوهره نصيحه من اختك شيلي من راسك هالفكره وفكري بالمردود الجوهره نصيحه من اختك لاتكلمين احد ^^
الجوهره : اووف من هذي مسويه مطوعه هاليومين وماردت على رسالتها
الجوهره : الو
...........: هلاوغلا بالحس وبها الصوت
الجوهره : كيفك محمد ؟؟
محمد : انتي المملوحه اللي بالكورنيش
الجوهره : ههه أي انا
محمد : ياعيني ع الصوت روعه
الجوهره بدلع : لاتحرجني
محمد : بعد قلبي والله
الجوهره : حمودي
محمد : عيوونه
الجوهره : خذ هذا رقمي بس شف الحين مشغوله ادق عليك بعدين اوكي ؟
محمد : اوكي حياتي بااي يالغلا
الجوهره : باي
((اه واخيرا كلمت شاب وصرت زي ربعي وش فرقي عنهم .. الله ماتوقعت المغازل حلو ووممتع بهالشكل .. اخخ منك يانوف ليتك تفكرين مثلي عاد لو يشوفونها الشباب هنا وحتى بعباية الراس بيخقون عندها بدون شي بس لييتني بجمالها كان ماخليت احد مايعرفني ))
محمد : الو صالح
صالح : ياهلا كلمتك ؟
محمد : ايه شكل البنت بايعتها وخلنا نمسك عليها
صالح : الله يقطع سوالفك
محمد : ههه اقول خذ رقمها
واعطى صالح الرقم

الساعه 6 الصباح والكل كان نايم
نوف : قامت على دقت الجوال
((ياربيه من اللي فاضي يتصل الحين ))
ارد بس هذا رقم فارس غريبه وش يبي
اقول بس خله مارح ارد يبيني يجي عندي بكمل نومتي
وظلت نايمه الين الساعه 7
** 12 ** مكالمه فائته
نوف : اكيد هذا عنده شي ..... بس تفاجأت ان الصوت مو صوت فارس صوت غريب
نوف : الو
....... : الأخت نوف
نوف باستغراب : أي نوف من معاي ؟
...... : والله مدري وش اقول لك ام انا واحد من ربع فارس زين ؟
نوف : وطيب وين فارس ؟
...........: والله فارس مسوي حادث والحين بالمستشفى ومعاه شخص ثاني
نوف خاافت على اخوها وجلست على السرير وحطت ايدها على على قلبها
نوف بخوف : وشو حادث !!!!!!!!!!!!!
........: أي
نوف : والحين بأي مستشفى ؟
.......: مستشفى التخصصي
نوف : اوكي مشكور
وسكرت السماعه حتى من غير ماتسمع الرد وعلى طول بدت تبكي ................. وكانت تلبس غطاها بسرعه عشان ماتقدر تمر وعيال عمها موجودين
((يالله الحين وشلون اقول لهم مافي غير فيصل هو اللي نايم بغرفته ))
وراحت تركض لعند فيصل ولاطقت الباب ولاسوت شي
نوف بصراخ وانفعال : فيصل !! فيصل !! قووم
فيصل : نووف وش عندك بعد خليني انام
نوف وهي تبكي : فيصل قوم بسرعه
فيصل لاحظ وجه نوف اللي مليان دموع
فيصل : نوف ليه تبكين ووش عندك مقومتني سبع ؟
نوف : فيصل تو دق علي واحد من ربع فارس
وماقدرت تكمل من الصياح
فيصل : حس ان السالفه خطيره
فيصل : علميني ووش قال لك وليه داق عليك ؟ بسرعه تكلمي
نوف : قال ان فارس مسوي حادث
فيصل : حاادث
نوف : أي .. ويقول انه بالتخصصي
فيصل : لاحول ولاقوة الا بالله
وراح بسرعه قايم من فراشه عشان يلبس ثوبه ويغسل وجهه
فيصل وهو يلبس : وماقال لك شي عن حالته
نوف : لا وقال ان معاه احد ثاني مايدرون مين
فيصل : انا لله وانا اليه راجعون .. نوف لاتعلمين امي عن شي ولا ابوي وانا رايح الحين
نوف : ابي اروح وياك
فيصل : لالا وش تروحين انتي بس علمي مشاري وخليه يجي بس موشرط الحين
نوف : كلمني على طول اذا وصلت
فيصل : طيب
واسررع فيصل وهو ينزل من الدرج يركض ومستعجل وهو رايح للمستشفى
ويمشي بالسياره مرتبك ويرتجف
((لالا ان شاء الله بخير ان شاء الله مافيه شي .. ياربييه على هالمشكله فارس لييه حادث مره وحده كم مره قلت لك لاتسوق توك صغير ..))
دخل المستشفى واللي كان ملياان شباب بعضهم من ربع فارس
دخل يركض وقابله اعز اصدقاء فارس ( سعود )
فيصل وهو يلهث : سعود وش صاير ووين فارس الحين
سعود : ............ والله مدري وش اقول لك
فيصل : اقول لك فارس وين ؟
سعود : امس الساعه 12 بالليل مسوي الحادث والحين ... بالعنايه المركزه
فيصل ترك سعود وراح بسرعه لمكان تجمع الشباب ووخرهم عن الباب وحاول يطالع من الزجاج اللي موجود على باب الغرفه كان موقفه محزن وشكله يضيق الصدر
ويجيه احدهم من وراه
...........: هونها وتهون
فيصل : بس ابي ادخل عليه مااقدر ؟؟
.........: لااهم مانعينا حتى نشوفه بس وش تصير له ؟
فيصل : انااخوه لحظه من اللي كان وياه ووينه
.........: والله للحين مانعرفه يعني مو من الربع
فيصل (((((اخاف انه واحد من عيال عماني وش هالمصيبه ياناس )
فيصل : طيب ممكن اشوفه
.......: اوكي انت روح للغرفه الثانيه واسئل الطيب يمكن يرضى لك
فيصل وهو مسرع : دكتور ممكن ادخل على المريض ووش اخبار حالته
د: أي تفضل
دخل وتمنى انه ماشاف اللي شافه الملامح مو واضحه والولد رايح في خبر كان هذا كأنه عبد الله ولد عمي ابراهيم .. لاحول ولا قوة الا بالله العلي العظيم..
وبدا يظهر على وجهه علامات الحزن وشوي وبتنزل الدمعه اللي كانت متجمعه في عيونه بس قدر يتمالك نفسه
د: عرفته ؟ لأنه للحين مجهول
فيصل بصوت يملأه الحزن : هذا ولد عمي
د: لاحول ولاقوة الا بالله .. خلاص يااخي هونها وتهون
فيصل : طيب وش اللي عنده :؟
د: يمكن كسر بالحوض
فيصل وهو حاط ايده على صدره : كسر بالحوض !!
د: لالا ان شاء الله بنقدر نعالجه بس انت لاتخاف
فيصل : طيب وملامحه شف كيف رايحه
د: اها هذا بعمليات التجميل و ان شاء الله قريبا يرجع مثل اول
((هذي فايدتنا من الحوادث .. فارس وعبدالله صغار مابعد يتجاوزون المراهقه حتى حرام تضيع اعمارهم كذا في تفحيط )
فيصل : د طيب والثاني اللي معاه؟
د: مدري والله مو انا المسؤؤول عنه
فيصل : اوكي شكرا
د: العفو
طلع جواله *5 * مكالمات فائته كلها من نوف
فيصل اتصل على نوف
فيصل : الوو
نوف : هلا فيصل طمنني
فيصل : نوف امي ماتعرف شي اوكي
نوف :مارح تعرف بس انت علمني تراني على اعصابي
فيصل : اللي معاه عبدالله ومعاه كسر بالحوض .. وفارس الحين بالعنايه ماحد معلمني وش فيه
نوف وهي تبكي : كسر بالحووض ؟!! والعنايه المركزه ؟! ياناس وش هالمصايب انا لله وانا اليه راجعون
فيصل : وعبدالله الحين ملامحه مو واضحه ابد
نوف : لاحول ولاقوة الا بالله .. كيف بنقول لأهله الحين ؟؟!.. وامي وش نقول لها ؟
فيصل : امي بعدين اذا شفنا فارس
نوف : طيب بس علمني وش اللي صار مع فارس زين ؟
فيصل : طيب باي
نوف : باي
::::::::::::::::::::::::::::::::::::::::::::::::::
:::::::::::::::::::::::::::::::::::::::::::::::::: ::::::::::::
فيصل كان جالس ع الكرسي وحاط ايده على راسه ماينلام الحين كلش على راسه متوتر ومايدري وش في اخوه وولد عمه كيف بيعلم اهله والمشكله مافي غيره يعلمهم
فيصل : سعود
سعود : هلا
فيصل : كلمني عن الحادث كيف صار
سعود : في البدايه دق علي اخوك وقال لي تعال نفحط بالتحليه
عاد انااصلا كنت ناوي اروح هناك ........وجانا بسيارة ال BM ......و
فيصل يقاطعه : بي ام ؟؟!! سيارتنا ؟؟
سعود : أي كان يقول انها حقت الوالد
فيصل خلاص ماقدر يمسك نفسه
فيصل وهو مرتاع : ووش صار للسياره الحين ..؟ هذي حقت ابوي وتوها جديده .... ا خخ منك يافارس الحين كيف بقول له
سعود : مشكله والله يساعدكم ... بس فارس ماكان مهتم ابد انها لأبوك ...... الله يهديه ويشفيه
فيصل : امين ..كمل لي عن الحادث
سعود : أي وبعدين بدأ فارس بحركاته المعروفه ....الحركات الجنونيه
والكل كان يصور ..... لكنه صقع بلمبة الشارع
فيصل : انا لله ..
سعود : وهذي صوره الحادث في الجوال
فيصل : كان مرره متوتر وهو يطالع المقطع اللي يبدأ بتفحييط مميت ... ويليه اصوات صراخ الشباب ....... وتجمعهم على السياره .. والمقطع الثاني كانت صورة وجه عبدالله المهشم واللي ماتبين ملامحه زين
فيصل سكر المقطع واعطى الجوال لسعود
فيصل : لاحوول ولاقوة الا بالله ..... ليه يافارس .. ليه كم مره حذرتك ...... الحين فارس لازم اعرف وش اللي صار عليه .
فيصل وسعود الوحيد ين اللي كانوا بالمستشفى والباقي كللهم راحوا لأن فارس مررة تأخر بالعنايه المركزه سلموا على فيصل وراحوا لبيوتهم
وشوي .... ويجي مشاري للمستشفى ... لأن نوف علمته بالخبر زي ماقال لها .فيصل ... مشاري كان جاي مستعجل مررة
مشاري : فيصل هاه وش اللي صاير بشر عن فارس
فيصل بحزن : فارس بالعنايه وعبدالله تقدر تدخل عليه بالغرفه
راح مشاري مسرع لغرفة عبدالله
سعود : فيصل الله بيجبر مصيبتكم ....... يللا انا استأذنك ..بس طلبتك ان عرفت شي عن فارس .. هذا رقمي .....
فيصل : طيب
سعود : مع السلامه
فيصل : مع السلامه
جا مشاري لعند فيصل ........
مشاري : عبدالله والله مايستاهل
فيصل : الحين كيف بنعلمهم ؟؟ واهل عبدالله .. وش السواة يامشاري ؟؟
مشاري : والله مابيدي شي الحين
وفجأه طلع الدكتور المسؤول عن حالة فارس من العنايه
فيصل ومشاري على طول لعند الدكتور
فيصل : هاه يادكتور وش حالته
مشاري : اقدر اشوفه الحين
د: أي تفضل
فيصل : علمني وش فيه ؟؟
د: والله مدري وش اقول لك ..... بس احنا الحين نحاول نسيطر على الحاله
فيصل : مافهمتك .. فارس وش فيه
د: اهو الحادث كان مو جهته تقريبا ... بس احتمال .................................................. ............................................ِشل ل نصفي ..............................
((قال شلل ... وكانت زي الطعنه على فيصل ... ليه ليه يضيع شاب في احلى عمره ....... نتيجه لأهمال من الأهل .. ))
فيصل : شلل !!! على حسب خبرتي انه مايحرك رجلينه الثنتين
د: أي ... حاولنا نسيطر على الحاله بس للأسف ... وتطاير بعض الزجاج على صدره بس الحمدلله ............ قدرنا عليه بس بعض الجروح على صدره
فيصل بدون مايستوعب كلام الدكتور دخل على اخوه اللي كان في غير وعيه ......... كان مبنج ولايحس بشي حوله ....... فيصل على طول توجه لعند فارس وهو يطالعه بنظرة شفقه .. والدمعه كانت متحجره في عيونه ...... مشاري راح لعند فيصل .... وحط ايده على ظهره ولفه ....
مشاري باستغراب : فيصل !! تبكي ؟؟ وليه كلها جروح وان شاء الله مع الوقت تروح
فيصل ..غمض عينه حتى نزلت دمعته على خده ..
مشاري : فيصل ايش قال لك الدكتور ؟؟ علمني
فيصل : مشاري اخونا عنده ..... شلل نصفي
مشاري باستغراب : مشلول ؟؟!!
فيصل : يعني مايحرك الرجلين
مشاري : انا لله ..طيب مافي امل من علاجه ؟؟
فيصل وهو يجلس على الكرسي : لامافي امل حاولوا بس هذي النتيجه اللي لازم نستسلم لها
مشاري : لا ... طيب ولا برا ؟؟
فيصل : لا ولا برا ماينفع شي .... مشاري اخونا بيصير مقعد ... والثاني كسر بالحوض ... والسبب اهمال
مشاري : لاحول ولاقوة الا بالله العلي العظيم ..
فيصل : والحل الحين كيف بنعلم امي ؟؟!
مشاري : شف انا من راايي نخلي عبدالله يعلمون اهله اخوانه ...... وامي نقول لنوف .. بس ماتقول شلل وبيصير مقعد لا نقول انه مريض وبس
فيصل بنفعال : بس امي لازم بتعرف
مشاري : هذا مبدأيا والخبر بالتدريج
دخل الدكتور على الاثنين فجأه
د: لو سمحتوا المريض محتاج لراحه
فيصل : اوكي يللا لازم نروح
مشاري : مشينا
والقوا نظره اخيره على فارس .. ذاك الولد المطيوور والصغير .. وصاحب التصرفات المراهقه .... مبنج على سرير بيقوم من بعده بحاله ثاانيه ................... الحين بتغير حياته من هاللحظه .. وبيصير انسان مقعد
كانوا راكبين السياره والهدوء والحزن يعم المكان ,.... ويفكرون كيف بيعلمون اهلهم ...
فيصل : مشاري ..
مشاري : نعم ؟!!
فيصل : عارف الحادث بأي سياره ..
مشاري : اتوقع انها لواحد من ربع فارس
فيصل : البي ام حق ابوي
مشاري : البي ام !!!... اووف ايش هالمشكله والسياره وش صار فيها بعد ؟
فيصل : السياره راحت والعيال راحوا كله اهمالنا ..
مشاري : طيب والحين كيف نخبرهم
فيصل بصراخ : مدري والله مدري انا مثلك متورط
مشاري : طيب هدي خلاص لايصير فيك شي انت بعد
:::::::::::::::::::::::::::::::::::::::::::::::::: ::::::::::::::::
كانت جالسه بتوتر وحزن وخوف لامشاري ........ ولافيصل يردون ... يالهى
ويقطع تفكيرها صدى صوت فتح باب الشارع
...راحت مستعجله لنافذة الغرفه .. وشافت الاثنين يدخلون
وبعد شوي دخل عليها مشاري وفيصل وجلسوا الأثنين على الكراسي الموجوده ...... في غرفتها
نوف : فييصل مشاري ... علموني وش اللي صاير
مشاري : نوف انتي تعلمين امي خلاص ؟!
نوف : عن ايش وفارس وش فيه الحين ؟؟
فيصل : انا طالع نسيت سعود يبيني اتصل عليه ... استاذنكم
نوف : مشاري !! وش صاير
مشاري : فارس عنده شلل نصفي يعني مايحرك رجوله
نوف حطت ايدها على فمها : لا وش لون يعني مشلول
مشاري : مشلول
نوف طبعا مافي اسهل من دموعها .. وماتقدر تسوي شي ... غير
الدموع اللي نزلت على خدها ........واحمر لون جهها
نوف وهي تبكي : لالا مايصير .. لا فارس مافيه شي
مشاري حط ايده على كتف نوف : نوف لاتبكين هذا اللي الله كاتبه
نوف لازالت تبكي بحرقه : لالا بس مووفارس ...انشل انا .. ولا ينشل فارس .... حرام توه مابعد يشوف الدنيا........ فارس مايصير يعيش شبابه على كرسي
مشاري : نوف في ناس حالاتهم اصعب من كذا للي صار صحيح مو شوي بس هذا اللي ربك كتبه
نوف بصوت مازال يبكي : طيب وامي الحين كيف اقول لها ؟؟!
مشاري : الله يعين امي على الخبر
الثلاثه ماعرفوا ينامون من هول الخبر ... اللي كان مثل الصاعقه عليهم
الساعه 10 كانوا بالصاله .... وشوي ودخلت عليهم ام فيصل وأبو فيصل ... ابو فيصل كان بيروح للمزرعه حقته اللي في الدرعيه ....من عادته يروح ومايرجع الا وقت العصر .... اما ام فيصل جلست مع عيالها
ام فيصل : صباح الخير
مشاري وفيصل : صباح النور
جلست مستغربه هدوءهم لأن من العاده .. مشاري يجنن نوف ونوف تصارخ ... وفيصل يسكتهم ... يعني زي كل الأخوان
اما الحين الكل يطالع باالثاني بظرات ... مليانه حزن وحيره ...
ام فيصل : ياعيال وش بلاكم كن عندكم عزا ؟؟
نوف : سلامتك يمه بس طفش
ام فيصل : طيب مو عادتكم ساكتين ... ومشاري فاقدين تنكيته
مشاري وفيصل ... كانوا يحاولون يلمحون لنوف أنها تقول لأمها ...لأن هذا الوقت المناسب
مشاري وهو يهمس لنوف : قوليلها
نوف : ام يمه
ام فيصل : هلا
نوف راحت لعند امها بدت تبكي ...
ام فيصل : نوف بسم الله عليك وش فيك ؟؟ تعبانه ؟؟
نوف : ليتني تعبانه
فيصل ومشاري حسسوا بارتباك ..
ام فيصل : نوف علميني اشفيك لاتبكين كذا
نوف : يممه .. فارس !!
ام فيصل : وش فيه فارس ؟
نوف : امس رايح مع عبدالله للتحليه
ام فيصل : وطيب
نوف : وسوو حاادث
ام فيصل :سوو حادث !! ووينهم الحين ؟؟
نوف : بالمستشفى
فيصل ومشاري .. راحوا لعند ام فيصل وحاولوا يهدونها
ام فيصل بخوف : يمه وليدي !! طيب وش فيه وورا مايجيبونه ؟ وعبدالله وينه ؟
فيصل : يمه لالا مافيهم الا الخير .. فارس بس عنده جروح في صدره من الحادث والمستشفى مو راضين يطلعونه
ام فيصل : واكيد فيه شي ثاني مايجلسونه الا وفيه شي ..وانا ابي اشوفه الحيين تودوني
فيصل : ان شالله يمه الحين تروحين
ام فيصل : مشاري شكلك يقول كلام ثاني
مشاري : لايمه
ام فيصل : علموني والمستشفى بياخذون ولدي عشان جروح ... علموني ولدي وش فيه
فيصل : يمه فارس معاه شلل نصفي
ام فيصل : وش شلل نصفي مااعرف كلامكم أنا
نوف: يمه يعني مايحرك رجوله الثنتين ...... يعني مقعد طول عمره
ام فيصل سكتت شوي وبعدين .....بدت تبكي بصوت يقطع القلب .... هذا ظناها فارس ..اخر العنقود ..... وتتمنى يومها قبل يومه .... وبالنسبه لها طعنة السكين .. ولاانها تسمع بخبر زي هذا .. فارس اللي على كثر طلباته وصياعته ... كانت تشوفه صغير مهما كبر
ام فيصل وهي تبكي : فيصل تروح الحين تودينني عند فارس خلووني اشوفه
مشاري : نوف يللا بنروح روحي جيبي عباية امي
نوف ان شاء الله

واركبوا السياره كانت ام فيصل تبكي على ولدها ... والمكان يملأه الحزن ... ونوف كانت مشتاقه لأخوها وودها تشوفه
وصلوا للمستشفى
واسئلوا عن الغرفه ودخلوا
ام فيصل على طول راحت لودها وبدت تبكي ... ونوف نفس الشي
نوف حطت راس اخوها على حظنها ... وبدت تحرك شعره الكثيف والناعم ..... وام فيصل بعد ماهدت وهدءها عيالها .. اخذت مصحف وبدت تقرا عليه .. وفارس كان شكله ضعيف مثل الطفل الصغير
دخل عليهم الدكتور يتابع حالة فارس
مشاري : د متى يخلص مفعول البنج ؟؟
د : الساعه 9 كان واعي ..... يمكن بعد شوي يصحى
فيصل : وشلونه الحين ؟
د: لا الحمدلله حالته تتحسن اكثر
فيصل : الحمدلله
اما ام فيصل طمنها كلام الدكتور
فيصل راح للطبيب المسؤول عن عبدالله
د ... سالم
فيصل : د سالم
د : هلا
فيصل : وش بتسوون مع عبدالله بالنسبه للكسر ؟
د: لالاعمليه بسيطه نجبر له الحوض ........ لكن المشكله انه بيظل يعرج على طول
فيصل : طيب العمليه لابد منها ؟
د:أي طبعا ماراح يقدر يعيش بدون ماانجبره
فيصل : طيب كم نسبة نجاح العمليه ؟
د: 95 % ان شاء الله
فيصل : طيب سووها له
د: أي ان شالله اليوم بعد الظهر بنسويها
فيصل : اوكي ... شكرا
د: العفو
:::::::::::::::::::::::::::::::::::::::::::::::::: ::::::::::::::::::
وبعد شويه ويقوم فارس ... من النوم ... فتح عينه على اخته اللي كانت حاظنته
فارس ماكان يدري ان معاه شلل....... يحسبها جروح وغيبوبه وانتهى الموضوع
فارس بتعب : يمه نوف انتو هنا ؟
ام فيصل : عندك يايمه
مشاري : سلامتك فرووس
فارس : الله يسلمك ...........علموني وش اللي صار امس ؟
مشاري : مدري من اللي طالع بسيارة ابوي .........
فارس بخوف : هاه .........
بدأ فارس يتذكر اللي صار بالحادث ....... وتذكر عبدالله وكلامه ....... كان يفكر وساهي ... وفنفس الوقت مررة خايف .......
فارس : ووين عبدالله ؟؟
نوف : عبدالله بلغرفه الثانيه
فارس بخوف : وشفيه ؟ خلوني اروح له
مشاري : لامافيه غير العافيه ...مثلك
فارس : يعني عبدالله هنا ؟
نوف : أي
فارس وهو يحاول يجلس : ابي اروح له
وشوي الا حط ايده خلف ظهره وبدا يتألم .... لأن العمليه كانت بالظهر
فارس وهو حاط ايده على ظهره : اه .يا ظهري.
كان مغمض عينه بقووه .. وحاط ايده ورا ظهره من شدة الألم ...... ومازال يحاول يجلس ...
... ام فيصل بعد ماشافت منظر ولدها اللي كان مررة ينرحم .......نزلت دمعتها اللي تحاول تخبيها
فارس : يمه .. ماني قادر أجلس .... اه ظهري مره يوجعني
نوف حاولت انها تسدحه ..
نوف : لا فارس لاتجلس مو زين لك
فارس : ليه طيب ؟
ام فيصل : خلاص ياولدي مافيك شي بس مو زين تجلس
فارس : يمه
ام فيصل بشفقه : عيون امك
فارس بنظرات كانها نظرة طفل بري ... والأسئله تدور براسه
:: يممه ماني قادر احرك رجلي ابد
ام فيصل : كلها فتره وبتطيب ان شاء الله
فارس : صدري يوجعني ...
ام فيصل : بسم الله عليك
فارس : مشاري .. طلبتك خلني اروح لعبدالله ... ابي اشوفه ... تكفى . مشاري طلبتك .... لاتردني
مشاري صحيح انه يرحم فارس ... وشكل فارس مررة يكسر الخاطر ... بس لازم يتادب على اللي سواه ... الحين ولا بعدين .. لأننا دلعناه وهذي النتيجه ... لازم اتصرف والعواطف ماهي حل
مشاري : أي صح انت لازم تشوفه
نوف شافت مشاري بنظرات عتب ... يعني ليه تخليه يروح .. اهو الحين مو ناقص
مشاري كان مقتنع باللي يسويه ... اما ام فيصل ماتملك غير الدموع ...وكل ما التفتت على ولدها نزلت دموعها .. فماحبت انها تتدخل .. وفارس لازم بيعرف السالفه
مشاري اتصل على احد الممرضات عشان تاخذه بكرسي
ودخلوا على عبدالله بالغرفه
فارس شاف وجه عبدالله اللي كان مغطى بالشاش .... ومبنج ولايتحرك ولا يتكلم .... ولأجهزه ممليه جسمه ...
فارس : عبدالله !!
فارس : عبدالله كلمني
مشاري : لالا اهو الحين تحت تأثير البنج
فارس بحزن : وش فيه ؟؟ طيب ؟
مشاري : فارس ... عبدالله معاه كسر بالحوض .... وتشوه !!
فارس وذقنه كان يرتجف : وشو كسسر ؟
فارس ماقدر يمسك نفسه حط راسه على صدر عبدالله .... وبدا يبكي ... يبكي بصوت الندم ... تمنى انه يموت الف مرره .. ولا انه يتسبب بألم أو مرض ... وعلى مين ؟! ولد عمه عبدالله ؟؟ .... اللي كان ينصحه وخايف عليه طول الطريق ... وهو يتطنز فيه ... ومسوي روحه فاهم ... والحين اللي أكلها عبد الله .. .. مااصعب مصيبتك يافارس ..
مشاري : فارس !! خلاص !!
فارس : مشاري أنا السبب .. أنا
مشاري بدأ يهتم شوي وجلس بجنب فارس ..:: انت السبب !! وشلون ؟ انتم مع بعض طالعين
فارس : لالا اصلا عبدالله ماكان وده نفحط .. كان طول الطريق ... ينصحني بس انا .. انا الحقير ,,.. انا التافه ... انا اللي كنت اتطنز كني كفو
مشاري : الحين مكان الحادث بالضبط كان مكانه ... واهو حالته اصعب منك ... حرام عليك يافارس تسويها بولد عمك ... وش تنفع دموعك الحين
فجاه دخل عليهم فيصل بعد ماسمع كل الكلام اللي دار بينهم
دخل وفي عينه عتااب على مشاري ... لأنه عارف ان مشاري يبي ... يزيد حدة ألم فارس .. بس وفارس اللي فيه كافيه
فيصل : مشاري يكفي خلاص !!
مشاري بنفعال : يستاهل .. احسن خله يتادب ... وليه يطلع يسوق بسيارة ابوي .. ووش ذنب عبدالله يروح فيها ؟؟..
فيصل: خلاص اهو بعد ..
(فيصل كان وده يقول انه منشل بس .... سكت بعد ماشاف نظرة فارس ... اللي مليانه تعجب ودموع ... وندم ... وحزن ... وبدا يلمح لمشاري
فيصل : مشاري خلاص افهمها
مشاري نزل راسه
فارس : علموني وش فيه ؟!! وانا اشفيني ؟؟!! ان كان فيني شي تراني أستاهل .... وياليتني مت كان احسن ...
فيصل في نفسه ((فارس لازم يعرف حالته ))
فيصل : قرب لعند فارس وحط ايده على كتفه وكلمه بهدووء.:: فارس هذا اللي كاتبه لك ربك ... رجولك منشله .... فارس ان شاء الله اجر انت ياحظك الحين مأجور ... وبعدين شف عبدالله وش اللي صار له ... بعد شوي بيدخل لغرفة العمليات .. وانت احمد ربك
فارس ماقدر يمسك دمعته .. مو على نفسه ..... لا على صديق عمره عبدالله ... وبعد فتره جت الممرضه والأطباء عشان يروح عبدالله لغرفة العمليات ..
فارس : د بتاخذونه
د: أي العمليه الحين
فارس حب راس عبدالله ودعا له بالسلامه
فيصل اخذ اخوه لغرفته .. .. بالكرسي .. فارس جلس يفكر شوي مع نفسه ... يفكر بأشياء كثيره .. يفكر بحاله وحال ولد عمه .. وكيف بتتغير حياتهم .. من هاللحظه وبدا يدعي لعبدالله بالسلامه ... ويقطع حبل أفكاره مشاري
مشاري : فارس ,, سامحني
فارس : لاأنا استاهل
مشاري : يلاا ترا مابقى شي وتطلع من المستشفى .. افرح فرووس وسع الصدر
فارس ابتسم بسمة تفاؤل : ان شاء الله
ام فيصل : فارس ارتاح على السرير الجلسه كذا مو زينه لك
فارس : ان شاء الله
ام فيصل :مشاري ساعده يجلس على السرير
مشاري : طيب
:::::::::::::::::::::::::::::::::::::::::::::::::: ::::::::::::::::::::
فيصل (( الحين بروح للبيت عيال عماني لازم بيدرون ..... واهل عبدالله بعد .... مايصير الولد يطلع من العمليه اهله مادروا ... ويتصل على اخو عبدالله ... راشد .. ))
فيصل : الوو
راشد : هلافيصل
فيصل : هلا والله ... كلكم قايمين
راشد : أي والحين بنروح للمسجد .... وانتو وينكم مااشوفك لاانت ولامشاري ولا فارس .... حتى عبدالله مو موجود .... ؟؟؟؟؟
فيصل : راشد انا عشان كذا داق عليك ..
راشد : وش السالفه
فيصل : الساالفه ياراشد ... ان اخوك وفارس .... مسوين حادث امس بالليل
راشد : حادث !
فيصل : أي والحين اخوك يسسون له عمليه ... وفارس انشل
عبدالله عنده تشوه
راشد : لاحول ولاقوة الا بالله العلي العظيم .. خلاص انا ابجي عندكم بس بأي مستشفى؟
فيصل : في التخصصي .
راشد : خلاص ابجي أنا والشباب .... بس فيصل عبدالله دخلوه الحين .؟
فيصل : أي توه داخل
راشد : يللا جايكم
فيصل : اوكي باي
راشد : باي
:::::::::::::::::::::::::::::::::::::::::::::::::: :::::::::::::::::::
جالسه على السرير .... والبيت كللهم يتغدون .... تتنتظر وقت مكالمة محمد
((ياربي متى بيتصل الحيين .... ياحبه يحرق اعصابي ... ))
دق الجوال
ياحياة ألبي وكل مناي معاك عمري ماقلت الآه
رفعت الجوال بلهفه
****************** حياة القلب &***
الجوهره وهي تنعم صوتها : هلا
محمد : هلا وغلا ... قوه جيجي
الجوهره : قوه ... حمودي
محمد : كيفك حياتي .؟
الجوهر : تمام
محمد : وشفيك ؟ صوتك متغير ؟
الجوهره : حمودي انا زعلانه عليك
محمد : افا ليه ؟
الجوهره : الحين انا مواصله انتظر مكالمتك اللي مواعدني فيها .. وينك ... وليه مادقيت بدري....خوفتني عليك
محمد : معليش سامحيني .. جيجي بس كنت مع الوالد مشغول شوي
الجوهره : اجل ليه تواعدني ؟
محمد : سامحيني .. كلش ولازعلك ياحياتي
الجوهره وهي تضحك : وشو
محمد : ايش ؟؟ وشفيك ؟
الجوهره : حياتك ؟
محمد : وعمري ,... وقلبي ... وحياتي .. وكلش ياجيجي
الجوهره : الله .. الله امدانا ؟
محمد : امدانا شفتي شلون ؟
الجوهره : انا مدري كيف تحبون بها السرعه
محمد : ليه ؟ يعني تكرهيني؟
الجوهره : لالا مااكرهك بس مو حياتي وعمري
محمد : افاا كذا جيجي يعني في احد ببالك ؟؟
الجوهره : لاوالله ان كان فيه مافي غير حموودي
محمد: ااقدر اعتبر نفسي حبيبك ؟
الجوهره : حبيبي ونص
محمد : ياحبي لك والله
الجوهره: تسلم يالغالي
وظلو الأثنين الخادع والمخدوع ...... ظلوا على وكل واحد يلعب مع الثاني ...... والمخدوعه الجوهره ماتدري وش بيصير بعدها
بس كانت تتمنى تسمع هالكلام المعسول ... الا ان صارت من عشااق محمد اللي يكلم كلل بنات الخبر ... اما محمد يحاول يلعب عليها بكل مايقدر
::::::::::::::::::::::::::::::::::::::::::::::::::
جا راشد وعيال عمانهم كللهم للمستشفى ..... ووجلسوا على الكراسي ....... ينتظرون بس حركة الباب ...... اللي يخرج منها الدكتور .... وراشد اخو عبدالله الكل يهديه من جهه ....
بس راشد كان قلبه قوي وصابر وثابت ........... وشوي وطلع ال د :سالم
فيصل وراشد اول من راح لعنده
فيصل : هاه دكتور وش اخبار العمليه
د : أي لالا الحمدلله كل شي تمام .... وان شالله يطلع بالسلامه
راشد : الحمدلله
فيصل : الله فرجها
وبشروا الكل ... وفرحوا كثير على سلامة عبدالله .... اللي كان تحت تأثير البنج ........ الكل تحول من حزن الى فرح ... وبدوا يبشرون بعض بنجاح العمليه .... واكثرهم كان سعاده فارس وراشد
......... بس في شخص واحد ماكان معاهم ...... ولاكنه عايش معهم ... مايدري وش اللي يدور حوله ..... بس طول الوقت يفكر بأشياء ثانيه بعييده عنهم ........ كان جالس في زاويه بالمستشفى .... ماسك جواله وقاعد يقلب يمين ويسار ........ كان يقرارسايل ...... بس مايفهم وش معناها ...... كان يرسل بلوتوث ...... بس مايدري وش اللي قاعد يرسل ....... والسبب ان باله وفكره كان مشغول بعييد عنهم .... مشغوول بشي ثاني ........ كان في شخص بدأ يتملك أحساسه وفكره ........ اللي هو طلال ..... بدا يحس انه مو طبيعي ..... بدأ يحس بشعور غريب كل ماجا طاري ... بنت عمه نوف ......
((ياناس مدري وش فيني ......انا اول مررة اجرب هالشعورالغريب ........معقوله هذا اللي يسمونه الحب....... مدري يمكن هذا الحب .......اللي كان بالنسبه لي طريق مجهول ....... ويثير فضولي .......والحين هل من الممكن اني اعيشه ..؟؟...... لالا طلال مايصير وش تحب عاد .........انا وجه حب ؟.. وبعدين مين بننت عمي ؟.... لالا مو كلام هذا يمكن شفتها واعجبتك .........واستنكرت اللي صار ........بس مو يعني حب مره وحده .......بس ليه هي بالذات تشغل تفكيري ليه ..........ليه ماتغيب عن بالي ابد ..... ليه نوف بالذات .........بس عن جد تلمست في ذيك القمر براائه ..........ورقه وجمال ماعمري شفت زيه ........الله يعينك ياطلال ))
راشد اتصل على اهله بالشرقيه ........وعلمهم عن عبدالله ...وبشرهم ان العمليه خلصت ........ وحتى التجميل انتهوا منها ورجع شكل عبدالله لكن .... مو مرره مثل أول .... يعني مختلف شوي ..
الأهل طبعا عرفوا الخبر على طول جاو لعندهم .... بس عبدالله وراشد كانت عايلتهم من ابوهم ابراهيم واخوهم حمد..... وراشد وعبدالله بس
امهم متوفيه من يوم كانوا صغار ... ابو راشد جا مسرع من الشرقيه عشان يتطمن على ولده ........
ومرت الأيام يوم واللي بعده الى ان جاالوقت اللي يطلع عبدالله من المستشفى ........اما فارس كان طالع من فتره ...
ابو راشد وفارس كانوا رايحين للمستشفى لعبدالله ... وكانت اول مره يكلم فارس بعد الحادث ... اما بو راشد كان يوميا يشوف ولده .... والحين كان رايح يخلص اجراءات عبدالله
فارس وهو منزل راسه ماله وجه يكلم عبدالله : عبدالله الحمدلله على سلامتك
عبدالله : الله يسلمك فارس ...
فارس : وش اخبارك الحين ؟
عبدالله : والله الحمدلله .... وان شلونك الحين ؟
فارس : لاوالله الحمدلله
وظلوا فتره سااكتين الكلام أو الأعتذار كثيير في عين فارس ..... بس ماوده يضيق صدر عبدالله .... لكن عبدالله هو اللي بدا وفتح الموضوع
عبدالله : فارس علمني الحين وش صار على السياره ؟؟
فارس بخوف : هاه السياره .... السياره خلاص راحت ..
عبدالله : وشو وش تقول انت ؟؟ وشلون راحت ؟؟ ماتتصلح ؟؟
فارس : لالا ياعبدالله مافي امل .... وتصليحها اعلى من سعرها .... ابوي قال نشتري غيرها احسن
عبدالله : يالله وش المصيبه ..... طيب عمي قال لك شي ؟؟
فارس : طبعا تعرف حركاتهم ..... اول ثلاث ايام زعل وماكلمني .... وبعدين كل شي طبيعي ... عاد انا اعتذرت له
..... عبدالله سامحني على اللي صار
عبدالله : على ايش اسامحك ؟
فارس : أنا السبب باللي صار لك
عبدالله : لاوش دعوه .... اصلا انا كان ودي افحط وياك
فارس : لابس انت كنت تنصحني وأنا العنيد ..
عبدالله : عاد صار اللي صار وبعدين ماعلينا
فارس : وش اخبارك الحين بعد العمليه ؟
عبدالله : اييه احسن بس متى ابطلع ترا مليت
فارس : يمكن اليوم سامعهم يقولون
عبدالله : طيب ووش صار على جده ؟
فارس : أجلوها الين ماتقوم بالسلامه
::::::::::::::::::::::::::::::::::::::::::
كانوا الشباب متجمعين بالبيت ,,,,,.... وسمعوا بخبر خروج عبدالله اللي كان اليوم ......... اما فارس أخوانه نقلوا غرفته لتحت .... عشان مايقدر على الدرج ...
كان الكل بيروح لجده ..... وأهم شي عندهم أن عبدالله يروح ........ عشان ينسى اللي صار معاه ....... صحيح ان مشيته صعبه ... بس لازم يروح عن نفسه .... وينسى المستشفى ....
عبدالله كان بيطلع المغرب ... اما فارس طلع من المستشفى الظهر.... ودخل وهو يحرك عجلات الكرسي ..... وكل من يشوفه يحاول يمشي الكرسي ....لكن هو كان يرفض .... مايبي الناس ترحمه ..... ووده يتعود على حياته الجديده ..... راح لغرفته اللي تحت .... وغير ملابسه ... وجلس يطل من النافذه اللي تطل على الحديقه ...... كانوا العيال كللهم طالعين في الحديقه ........
فارس كان يشوف منظر عيال عمه اللي كانوا يلعبون كره .....الكوره هواية فارس واللي تحطمت بعنف وجشع بسبب .... طياشة ساعه وحده ....... الحين هالساعه فقط هي اللي غيرت حياتي كلها ........ولا لو اني الحين زيهم كان العب وياهم واغلبهم زي العاده ......وكان الحين بروح وياهم لجده .... بس شكل مالي غير هالكرسي ...
جلس يفكر بصمت وهو يطالع منظرهم ... وشوي وقام يبكي على حاله .....هذي اول مره يبكي عشان نفسه ...او لأنه مقعد ....لأنه كان دايم يحاول يثبت لهم انه ممشي اموره واللي صار عادي مررة ....لكن الحين جادوره يتأسى على حاله .... حتى جلس يبكي بحرقه
كانت نوف بتنزل للمطبخ بتجيب لأم فيصل علاجها .......وهي رايحه .. سمعت صوت فارس .. وحطت أذنها على باب الغرفه ....وبدت تسمع ....
(الحين هذا صوت فا رس ... ادخل ..ولا لالا خل اخليه ماظنيت انه يبي أحد يشوفه وهو بهاالحال .. او اقول خلني ادخل احسن ))
فتحت الباب بهدوء ..ودخلت
نوف : فارس وش فيك ؟
فارس : لامافيني شي
نوف : طيب ليه ماتروح تلعب معاهم ؟
فارس : وش رايك يعني ؟؟!! كيف اطلع معهم ؟؟
نوف : طيب اطلع مو شرط تلعب ..
فارس :........
نوف : فارس ... ان ظليت كذا بها الحاله مارح .... تمشي ابد بحياتك ........ راح تصيير ضعيف ... وانت يافارس مو هذاك اللي يستسلم على طول .......لاتخلي المرض أقوى منك ... ياما ناس صار لهم اكثر من اللي صار لك .. وصاروا احسن نااس ...وبالعكس أفيدمننا اللي الله اعطانا صحه مااستفدنا منها ......وبعدين انت ترا مافيك شي ...
فارس : .طيب خلاص خليني .. ابي اجلس بلحالي
نوف : انا مارح اخليك .. كذا واطلع مابي الين ماتقتنع وتسكت
فارس : طيب وسكتنا خلااص نوف
نوف قربت عند اخوها ... وحطت ايدها على كتفه
نوف: فارس انا عرفتك قوي خلك قوي مثل ماعرفتك
فارس : قوي !!؟
نوف : أي واظنك قدها
فارس ابتسم : اكييد
نوف : يللا وبلاحركات بزران وروح اطلع معاهم
فارس : لامابي.....
نوف : طيب عشاني ... مالي خاطر عندك
فارس : ههه طييب بس ساعديني اجلس على الكرسي
نوف :اوكي يللا
فارس : او اقول نوف ........
نوف: هلا
فارس : ابي انام تعبان مررة
نوف : خلاص ارتاح
فارس: ساعديني انسدح
نوف: اوكي
كان في شخص يسمع لكلامهم من خلف الباب .... ولكن قلبه يقول له .... اجلس واسمع وش هم يقولون ....اما عقله يقول لاياطلال وبلالقافه لوجا احد وشافك بيقول عنك ملقوف ...ولا اذا طلعت نوف لأنها الحين تحسبني معاهم برا ... والقلب يقول له اجلس وااسمع انت لازم تسمع وش تقول ......معشوقتك ,....... معشوقتي ؟!!
لالايمكن انا مااعشق ابد ولاعمري باعشق ... وبينما كان القلب والعقل في صراع ....كان المستفيد هو الأذن اللي كانت تسمع ذاك الصوت الناعم وهو يناقش صوت فارس المراهق . والحاد
((ااه عليها حتى صوتها ,... ياقلبي على النعومه ... والرقه ...ياليتني اليوم أصير فارس ........ واتمعن في هذاك الصوت الرقيق ))
وفعلا صوتها كان مررة نااعم .... لكن مو بنعومه مصطنعه .. لا كانت نعومتها فعلا واضحه من صوتها ....... مو مقصوده .......
طلعت نوف من الغرفه ... وكانت مررة حزنانه ... فطلعت بسررعه ولاانتبهت لطلال اللي كان موقف بجنبها .... كان شكلها طالع مررة كيوت
مع انها كانت لابسه ملابس بيت وعاديه مررة ... كانت لابسه بنطلون جينز ... وبلوزه موف ماسكه على جسمها المخصر ... وشعرها البني .. كانت رافعته على فوق .. ومنزله خصلتين .. وشكلها يااخذ العقل ..
طلعت وتوجهت بسرعه ... للدرج ... ولاشافت حولينها شي ابد ..... بس كل همها انها توصل لغرفتها وبس ..... اما اللي شافها عرفت تطير عقله زين .... وتم يطالعها الين ماكملت الدرج ........ولاعاد شافها ,,,,,,,
((ياقلبي عالجسم والشعر .... هذي حتى بالبيت ملاك ))
ولكن كان أحمد ولد عمهم اللي كبر طلال .......شاف كل اللي صار ... وباين على نوف انها ما نتبهت لطلال ...........احمد شاف طلال وهو يتسمع لنوف وفارس ... وشافه وهو يطالعها .....وكيف كانت معجبته بشكل مو طبيعي
احمد : طلال
طلال:هاه احمد ... اييه نعم
احمد : وش قاعد تسوي هنا .؟؟
طلال: لابس كنت بنادي فارس يجي معانا ..
احمد وباين عليه انه يكذب كلام طلال : تنادي فارس هاه ؟!
طلال :ايه كلنا طالعين الا هو ..
احمد : لحظه ,,..
وفتح أحمد الباب على فارس ....شاف فارس نايم ... سكر الباب والتفت على طلال
احمد : طلال!!! فارس نايم ....وشلون بتناديه
طلال : اها نايم ....اووه ماكنت ادري خلاص خلنا نطلع
احمد :: ياشيخ استح على وجهك
طلال: وشو؟؟ وليه ؟؟ وش انا مسوي ؟؟
احمد : طلال .....ترا اللي صار قبل شوي كلله شفته
طلال ارتبك وطاح وجهه ....... طبعا من المخجل ان احمد يشوف هالمنظر .. نظرة طلال لنوف
احمد : طلال ... البنت مبين عليها ماتدري بك .... وحظرتك المفروض ماجيت تسوي معروف وتنادي فارس ...لأنني اظن فارس يدل البيت
طلال: وانا بعد مادري انها موجوده ..
احمد : لاياشيخ !! اقلها تصد شوي ولاتشوفها كذا ....وبعدين لو انها انتبهت لك ,,,,,كان خافت من نظراتك ....وقسم بالله انك ماتستحي
طلال : وانا متى يمديني اصد وبعدين ..مالك دخل
احمد : انت اصلا من يوم جينا لهنا وانت متغير ... مو طلال الأول .. لاتحسبني مانتبهت لك يوم نزلت .. نوف عشان تطلع مع فيصل .. . شايف نظرتك .. وانا عارف مشعل ليه عصب عليك ذاك اليوم ..... وكيف انت صرفته ... لواني مكان مشعل كان صفقتك
,.... طلال علمني انت وش حاط ببالك
طلال حس انه مذنب .......بس ماينلام .... ولازم يعترف .......وهالشي من زمان بقلبه ..... ووده يعرف ليه تغير تفكيره وصار معلق بنوف ؟.... : احمد ... انت تحب الصراحه صح ؟..!!
احمد : أي احب الصراحه
طلال : وش رايك تخليني صريح معاك ... ولااخبي عنك شي ..
احمد : اوكي .. وانت من متى تخبي عنني
طلال: انا مرا شفت نوف كلها وشفت نظراتها .. شفتها وهي ماكانت تدري ... وانا مدري ... ومن بعدها انقلبت ... طول الوقت وطيفها يدور معاي .... مدري ليه نوف اهي اللي داايم ببالي ... وان مرت قدامي ... او احد قال بس نوف .. انا خلاصص ابدا اذكر ذيك النظرات البريئه ... ويمر علي طيفها ...مدري وش لون اوصف لك هالشعور الغريب
احمد : احلى ياطلييل اجل حاطها على البال ؟!!
طلال: وش على البال الله يهداك ......عاد هو بكيفي هي اللي فرضت علي
احمد : الله يقطع سوالفك ..
طلال: والله مدري مدري كيف أتغلب عليها وانساها
احمد وهو يغمز : يعني صرنا نعشق
طلال: يللا وبلا سوالف المراهقين هذي
احمد : خلاص اطلبها من عمي .....هاه وش رايك مو كذا احلى ؟
طلال: والله ودي بس انا وين والزواج وين
احمد : ع الأقل احجزها
طلال : وان ردتني
احمد : مدري بس تسوي شي ....ههه وان ردتك عاد انساها والا ترا افقع خشتك
طلال : ههه
احمد : الله ياخذ ابليسك طليل اثرك منت سهل
طلال : لاتخليني اندم اللي علمتك
احمد : لالا وش دعوه نمززح
طلال: يللا خل نروح عند الشباب اصرف
احمد : ايه مستحي ..انت ووجهك
طلال: انطمم احسن لك
احمد :خ

جالسه ومعها الجوال كانت منسدحه على سريرها .......ومتغطيه عشان ماتبين .........كانت تكلم وحده من ربعها
الجوهره : اقول لك كلمته
ساره : والله ؟!!
الجوهره : اييه ...يختي وناسه
ساره : عاد لازم يكون مملوح
الجوهره : يوه قمر .. هذا مدري كيف مخلوق
ساره : الله ياخذ ابليسك ... بس وش اسمه وكيف شكله
الجوهره : محمد ... وطويل وحاط عوارض وعنده شنب خفيف .. وواسمر .. ومليان شوي
ساره : لايكون ولد عمتي تراه نفس المواصفات ... ويقول انه مرقم وحده بالكورنيش
الجوهره : أمانه
ساره : والله
الجوهره : طيب ولد عمتك مملوح ؟؟!!
ساره : مابقى بنت ماخقت عليه
الجوهره : طيب عندك صوره له ؟
ساره : ايه
الجوهره : تكفين ارسليها بالوسائط
ساره : لالا مايصلح
الجوهره : بس ابي اعرف هو نفسه ولا لأ
ساره : بس ماتنتشر اوكي
الجوهره : ولايهمك
ساره : طيب ابرسلها .. بس وان صار نفسه .؟؟
الجوهره : ههه بجي بيتكم بس عشان اشوفه .. وطبعا انتي بتزوجيننا صصح.؟؟
ساره : اموت بالمتفائلين
الجوهره : اصلا هوو يقول انه بيملكني بس الين مااكبر ........بملك ان شالله في ثالث ثانوي ... واخذ هالقمر
ساره : جوجو ...انتي خبلا؟! تلقينه ينصب عليك
الجوهره : لالامايلعب ...باين انه جاد ....وبعدين زواج عرفي هذا وشفيها ؟!!
ساره : اقول بلا عرفي وبلاخرابيط ....هذا وجهي ان كان يفكر ياخذك
الجوهره : انتي لو انك شفتيه كيف مبلم وهو يطالعني ..كان تهونين
ياشيخه تحظري ..الحين احنا بالقرن الواحد والعشرين .... مانتزوج الا كذا ... زواج عرفي تحظري
ساره : الله يشفيك بس
الجوهره : والله انتي اللي الله يشفيك ......بس المهم ارسلي لي الصوره
ساره : اوكي
الجوهره : يللا باي
ساره : بايات
وسكرت ساره ..... وبعدها بدت احلام الجوهره بانها تصير ......نسيبة ساره وتاخذ اللي خدعها محمد ...
((الله يامحمد ... اسعد لحظات حياتي بعيشها بجنبك ... اه متى تجي اللحظه اللي تخطبني فيها ... ))
كانوا فيصل ونوف وام فيصل بالصاله .. اللي فوق .. كانوا يطالعون برنامج في قناة دبي .... نوف راحت لغرفتها كانت بتجلس على الأنترنت ... وتكلم لمى صديقتها بالماسنجر ... اما فيصل وام فيصل سكروا التلفزيون ...وجلسوا مع بعض
فيصل : يمه ..
ام فيصل : هلا\
فيصل: يمه ابي اكلمك بموضوع
ام فيصل : وشو ؟
فيصل: داري انه مو وقته
ام فيصل : وان ماعلمتني من بتعلم ؟.. يللا بس لاتخلي شي في بالك
فيصل: يمه انا ابي اتزوج
ام فيصل : هذي الساعه المباركه .. ولدي فيصل يبي يتزوج بس مو توك صغير ياولدي
فيصل: لامو صغير ... وان مازوجتوني الحين ... انا مارح اتزوج ابد
ام فيصل : الله وش دعوه .. اصلا البنات كلهم يبونك وانت ماعليك قصور ما شاء الله
فيصل: تسلمين لي يمه
ام فيصل: خلاص بس انت علمنا وش مواصفات اللي تبيها ... وانا ونوف مارح نقصر وبندور لك
فيصل: لالايمه انا حاط فبالي وحده وابي اخذها
ام فيصل باهتمام واستغراب : حاط فبالك !! ومين ؟
فيصل: ايه .... ريما بنت خالتي حصه
ام فيصل : ريما . والنعم بريما .. بس توها السنه الجايه اول جامعه ... وأهلها ماظن يوافقون يزوجونها بدري
فيصل: لالا انا مصمم .. مااظنهم بيردوني .. وانا ابخطبها واشوف
ام فيصل : خلاص تبيني اكلم امها ؟
فيصل : ايه يمه الله يعافيك
ام فيصل : خلاص اشوف انا وياهم
فيصل وهو يحب راس امه : الله لايخليني منك يايمه
ام فيصل: ولايحرمني منكم
فيصل كان قاعد يتكلم عن الزواج .. وكيف بيسويه .... ههه المسكين كان مررة متحمس ... وكأنهم سألوالبنت واهلها .. وام فيصل كانت فرحانه لولدها ...
((الله يافيصل أجل كبرت ... وان شالله بشوف عيالك ... ))
نوف انتبهت لفيصل وهو يتكلم عن زواجه لكنها ماسمعت الا كلامه عن الزواج يعني ماتدري انه حاط فباله ريما .... استغربت .. وراحت لعندهم مستعجله ... ودخلت الصاله وكانها ماسمعت شي
ام فيصل : شفتي يانوف... اخوك يبي يتزوج
نوف: ههه داريه من اول
ام فيصل: وش دراك ؟!!
نوف: اجل اخوي ومايعلمني ؟ هههاي
فيصل: الله ياخذ ابليسك الشرهه مو عليك الشرهه على اللي يعلمك
نوف: ههه شفت عاد اني فظيحه
ام فيصل : خلاص انا اشوف بالموضوع
فيصل: يللا انا طالع تامرون على شي؟
ام فيصل : ابد سلامتك
نوف : ههه يمه اخونا حركات بصير عمه ههه
ام فيصل: اي والله ان ولدي كبر .
نوف: انا ماقلت لك ماعنده سالفه ومافيه شي وانتي تقولين تعبان
ام فيصل: انا ادري عنه!! خوفني عليه .. ماغير ماياكل ومتغير
نوف: ههه وطلع يبي يتزوج ..
ام فيصل: ياعمري فصيل اجل مخبي عني الين .. ماطلع فارس من المستشفى
نوف: أي اكيد .. بس احم احم ...أنا قايل لي قبلك خ
ام فيصل: الله ياخذ ابليسك .. وياحبك تقهريني ..
نوف: ههه عاد بنتك تقهر صح ؟
ام فيصل وهي ترفع العصا عشان تطق نوف: نوف ووجع
نوف: ههه لالا خلاص كلش ولاطقت الوالده ههه
ام فيصل: الا نوف وين فارس
نوف : فارس تو يقول انه بينام بغرفته
ام فيصل: طيب متى يروحون عيال عمانك لجده
نوف: مدري اليوم قال لي ميشو انهم بيروحون بعد مايرجع عبدالله يعني اليوم
ام فيصل: اييه يروحون ويردون بالسلامه
نوف: يمه
ام فيصل: نعم
نوف: فارس بروح وياهم ؟!!
ام فيصل: ايه بيروح . وش ناقصه خليه يوسع صدره .. وليه مايروح ؟
نوف: لابس صعبه روحته
ام فيصل: لاصعبه ولاشي .... بس خليه يستانس ان... عاد شكله هالأيام يضيق الصدر ......مدري وش فيهم عيالي
نوف: ايه ماياكل ابد تعرفين عاد توه منشل ..
ام فيصل: اييه الله يساعده
نوف: يوه يمه
ام فيصل: نعم روعتيني
نوف وهي تركض لغرفتها: نسيت لمو على الماسنجر
ام فيصل: وشو ؟؟!! وش نسيتي؟
نوف: ههه لالا ولا شي
ام فيصل: بسم الله وش فيهم ذولي؟
:::::::::::::::::::::::::::::::::::::::::::::::::: ::::::::::::::::::::
ريما ... اللي ملكت قلب فيصل كانت تحب فيصل نفس الشي بس... ماتدري ان فيصل حاطها بباله ... لكنها كانت تحبه وتبديه على كل عيال خالاتها .........كانت شخصيته تعجبها .. كثير وتتمنى تاخذه ....ريما كانت عايشه فبيت كلله مليان بنات وماكان عندهم عيال ابد ....... ابوهم كبير بالسن ... وامهم نفس الشي ... ماكانوا تجار كثير .. ...عايلة بوفيصل كانوا اغني منهم ... لكن ماعليهم
ريما كان لونها برونز ... وطويله وشعرها مجعد .. ونحيفه .. كانت مملوحه لكن فيصل أجمل منها .......بس هي ماعليها فلاويه والقعده معها ماتنمل .. كانت تفضل نوف على كل بنات خلاتها وتحبها كثير وتحب عيال خالتها (الجوهره ) ودايم تجي بيتهم .. بس جياتها قلت عشان عيال خالاتها كثار وماتقدر تروح
:::::::::::::::::::::::::::::::::::::::::::::::::: ::::::::::::::::
جا موعد خروج عبدالله من المستشفى ..... وراح ابوراشد وراشد ومحمد ...... بيطلعونه ..... الكل كان فرحان له ...... والعيال متفقين يحاولون ينسونه ...... ويخلونه عادي ولا كأن صار شي
ابراهيم (بوراشد) : يللا عبدالله مشينا
عبدالله : يللا
محمد مسك يده عشان يساعده يقوم من السرير .... وراشد رايح يكمل اجراءات المستشفى ..... وركبوا السياره
راشد ومحمد : الحمدلله على سلامتك
عبدالله : الله يسلمكم
راشد : ياللا عبييد روحة الغربيه اليوم .....افرح
عبدالله بفرح : والله !!
راشد : اكيد .... وليه مستغرب ؟
عبدالله : على بالي كنسلتوها
راشد : لا ليه
عبدالله : بعدالحادث
راشد: الحين احنا أصرينا بعد الحادث
عبدالله : فرحتني
راشد: ههه
ووصلوا للبيت ونزل عبدالله من السياره .. ......كان يعرج طبعا لاايمكن يمشي طبيعي ....... يمشي ببطئ ويعرج .... وبقى له لزقه وحده على خده يعني جرح واحد .......... بعد عمليات التجميل........
الكل فرحان لعبدالله ودخلوا للصاله ...... ورجعت حالة مشاري وخفت دمه مع التنكيت .......خلاص الأزمه عدت ......
:::::::::::::::::::::::::::::::::::::::::::::::::: ::::::::::::::::
فيصل كان طالع مع صديق عمره ماجد ..... كانوا جالسين بالسياره
ماجد : اقول فيصل
فيصل : نعم
ماجد : وش صار في موضوع زواجك ؟ علمت اهلك ؟
فيصل: اللا ابشرك قلت لهم
ماجد : ماشالله ... زين واخيرا طلعت لهم .. هاه صار شي ولا لأ؟
فيصل: لا الين الحين ... بس امي بتكلم خالتي
ماجد : اخس اجل بتصير معرس ... وتتزوج قبلي
فيصل: وش دعوه كنهم وافقوا الحين
ماجد وهو يبتسم: اييه مملوح ودكتور وابوه تاجر .... وش يبون البنات غير كذا ؟!
فيصل: اقول عاد عن الخرابيط
ماجد : ياعيني ع المنحرج
فيصل: طيب ياماجد .... الغلطان اللي يعلمك
ماجد : ههه عاد علمتني وصار اللي صار.....طيب متى بتحط زواجك ؟!
فيصل: ياخي تو الناس لسسا الموضوع احتمال يتأخر
ماجد : بس مااوصيك في خويك اعزمني ...
فيصل: يممه من هالدب ... ان ماعزمتك اعزم مين
ماجد : احم ههه
فيصل: ههه
:::::::::::::::::::::::::::::::::::::::::::::::::: ::::
دخل البيت مع ابوه واخوه ومحمد ... اخيرا طلع من بعد عمليتين ... وكان يمشي بتعب ويعرج ... دخل البيت ... والكل سلم عليه ... كانوا بيمشون لجده الساعه 9
فارس كان بالصاله يتفرج عليهم وهم خلاص طالعين ...
مشاري: فارس يللا مشينا
فارس : ومن قال اني بروح ؟!!
مشاري: وشوو؟؟
فارس : ايه مارح اروح بجلس بالرياض
مشاري: فارس بلا سخافه يللا بنركب السياره الحين
فارس : اركبوا طيب وانا جاي بودعكم مو اركب معكم
مشاري : فاارس انت وش اللي غير رايك .... اول كنت اكثر واحد مصر على الروحه
فارس : بس كذا مزاج
مشاري: انا عارف ليه ... بس يللا امش وياي
فارس : قلت لك ماابي
مشاري: يعني بتجلس هنا بلحالك ؟؟!
فارس: عندي نوف وفيصل ... وفهد مابقى شي ويرجع
مشاري: فارس قل لي انت ليه متغير ؟؟ من بعد الحادث؟
فارس : ماتغيرت
مشاري: اقول العبها على غيري وعلمني وش اللي صاير
فارس بانفعال : وانت وش تشوف قدامك علمني ؟!! مو نشوف واحد منشل ... انا خلاص حدي اجلس بالبيت ... مو انا اللي اسافر
مشاري: يوه فارس اللي يسمعك يقول .. معوق .. اقول امش بس
فارس : قلت لك مابي .. خلاص رح وخلني هنا خلاص!!
مشاري: احول
وطلع مشاري وعلم امه بكل اللي صار وقال ان فارس مايبي يروح .. ام فيصل راحت تقنعه ومانفع ... ولاحتى عيال عمه ماعرفوا كيف يقنعونه .. وهو مصر انه بيجلس
مشعل : فارس صدقني بتندم رح احسن لك
فارس : بندم اذا رحت خلووني اريح لي
مشاري: براحتك ... يللا شباب مشينا
وطلعوا من عند فارس .. اللي كان مصر على قراره ... اما العيال راحوا وفي وكان اللي يسوق طلال ..
:,:,:,:,:,:,:,:,:,:,:,:,,:,:,:,:,:,:,:,:,:,:,:,:,: ,:,:,:,:,:,:,:,:,:,:,:,:,:,:
(ابو تركي) عم نوف وابو الجوهره كان جالس مع بناته في الصاله
الجوهره : يبه بطلبك طلب
ابو تركي : وشو بعد ؟
الجوهره: بس لاتردني !
ابوتركي: على حسب ..
الجوهره : يوه
ابوتركي : وش عندك ؟
الجوهره : ام ... ابي اروح بيت سارا صديقتي
ابو تركي : لالالالا مافي بنات يروحون عند ربعهم
الجوهره : يبه تكفى بتجمع كل بنات عماتها ... خلني اروح مليت لاسفر ولاشي
ابو تركي : مايصلح خليها تجيك هنا بالبيت
الجوهره : لا وش تجيني ... مع بنات عماتها كللهم تجي.؟! مايصلح
يبه تكفى
ابو تركي : قلت لك لايعني لا
الجوهره : ابوي الله يخليك ..... تكفى كلها ساعتين
ابوتركي : ..............
الجوهره : الله يعافييك
ابو تركي : ...........
الجوهره : هاه وش قلت ..
ابو تركي : متى طيب؟!
الجوهره: عزيمتها بكرا
ابو تركي : بس نص ساعه
الجوهره: لاوش نص ساعه وش أقعد اسوي؟
ابو تركي : ااه منكم بس يالبنات
الجوهره : ههه قصدك انك رضيت ؟
بوتركي: بس تروح لميا اختك معاك
الجوهره : لا وش لميا
بوتركي : خلاص اجل مافي روحه
الجوهره : طيب خلاص لميا معاي
بو تركي : وش تسون هناك ؟
الجوهره : رقص وجمعه يعني وناسه ........
لميا : ابوي بروح معها
بوتركي : ايه لازم تروحين مع اختك
لميا : خ بروح حره
الجوهره : اهم شي اني بروح وبس
الجوهره : مشكور ابوي يااحلى ابو
وراحت طايره لغرفتها راحت تكلم سارا ....... وتقول لها ان ابوها راضي بس مع لميا
الجوهره: الو
سارا : هلاجوجو
الجوهره : ابشرك ابوي وافق
سارا: جدوالله
الجوهره : ايه بس
سارا: بس ايش
الجوهره : يقول لميا لازم تجي معاي
سارا: طيب بكيفها حياها الله
الجوهره : لا مابيها
سارا: الا تعالي متى بتجون ؟
الجوهره : مدري قلت له بكرا
سارا: بس ترا بكرا بيجينا خالي
الجوهره : يوه الحين ان قلت لأبوي بيعيي
سارا: وشو له تقولين .... ماعليك منه ... اهو في المجلس وانتي في غرفتي
الجوهره : خلاص ماراح اقول
سارا: يللا انتظركم بكرا
الجوهره : يللا باي
سارا: باي
نوف وام فيصل كانوا يتقهوون في الصاله ومعاهم فارس .... كان البيت فاضي فارس يطالع مباراة ونوف وام فيصل يسولفون
نوف : يمه بكرا ابي اروح لبيت خالتي حصه .... مشتاقه لريما
ام فيصل: لايابنتي وش يوديك
نوف: يوه يمه طفشت هنا البيت طفش
ام فيصل: بس مين يوديك ؟
نوف: فارس او أي احد
ام فيصل: بس هم فاضين بكرا ؟
نوف: مدري باتصل واسألها
ام فيصل: بكيفك روحي
دخل عليهم فيصل
فيصل: السلام عليكم
نوف : وعليكم السلام
فيصل وهو يطالع فارس باستغراب: فارس مارحت وياهم
فارس: لامابي
فيصل: وليه ؟!!
فارس : بس كذا عاجبتني الرياض
فيصل: والله انك بعد
فارس بعصبيه : خلاص فكوني ترا مليت
فيصل: خلاص بسم الله ماقلنا شي ... وش تشوف أي مباراة ؟
فارس : الهلال والقادسيه 1 _ 0
فيصل : ييمه صار شي جديد ؟
ام فيصل: لاانتظر تو الناس
فيصل: لايايمه انا مسستعجل وابيه في هالاجازه
نوف: الله !! بدري مررة ليه ؟
فيصل: يمه ماجد يقول لي ان بعضنا بيودننا ناخذ دورات في بريطانيا يمكن لمدة شهرين ....... فأبي اروح وانا متزوج
ام فيصل : خلاص ان شاء الله اكلمهم بكرا
فيصل وهو راقي للدرج بيروح لغرفته : ايه بس يمه لاتطولين
ام فيصل: ان شاء الله
:::::::::::::::::::::::::::::::::::::::::::::::::: :::::::::::::::::::::
كانوا جالسين في السياره صراخ ورقص وتصفيق وازعااج ... وطلال بدا يحس بدووخه راسه قام يدوور والطريق طوييل وهو خلاص تعب كثير
مشاري : طلال وش فيك بسم الله لونك طالع اصفر
طلال: تعباان يامشاري تعباان
أحمد : تعبان من ايش التفكيير ؟؟؟
طلال: الله ياخذ ابليسك .., الطريق يتعب وانتو مزعجين تعالوا خذوا مكاني
مشاري : خلاص طيب عطني انا بدالك
طلال: لالا كثر خيرك لا أخاف تودينا في داهيه
مشاري : ههه ليه ؟
طلال : مرجوج الله يرجك
مشاري : خ احسن تحمل
محمد : خلاص خلاص انا بسوق
طلال: أي الله يريحك
رجع طلال لورا والباقي كملوا تصفيق وازعااج ولا كأنهم ناس رايحين لمكه وجده بيوصلون الساعه 5 الفجر ..
طلال حط راسه وعلى طول طقها بنوومه ..

جات الساعه 12 بالليل الكل كان ناايم ... الا اهو الوحيد جالس بغرفته (((اخيرا .. واخيرا بيتحقق حلم ايام المراهقه الى الحين .. يتحقق بكرا .. الله بس لو توافق ونتزوج ياسلام بس ... متى تجي ذيك اللحظه وانا الا متى انتظر ... مليت من الانتظار .. ))
:::::::::::::::::::::::::::::::::::::::::::::::::: :::::::::::::::::::::
الكل نايم بالسياره ..:.:.
ماعدا احمد ومحمد عيال العم
محمد : احمد دايخ فيني النووم
احمد : وش قصدك استلم وحتى انا ابي انام
محمد : أي ياليت
احمد :لاوالله معليش اخاف انام ونسوي حادث ههه
محمد " طيب سولف وخلني .. اصحصح
احمد : محمد ........ ماتلاحظ شي غريب على طلال ؟
محمد : لا زي ايش
احمد : الا متغير من بعد ماجينا للرياض تغيرت فيه اشيا كثيره لاحظه زين
محمد : الا تغير .. مو طلال اللي اول كان يسولف واجتماعي .. لاالحين صاير يحب يجلس مع نفسه واربع وعشرين ساعه مفهي ومايدري وش الدنيا فييه
احمد : طيب ليه تتوقع
محمد : مدري والله .. طلال مااعرفه زين ..
احمد : تتوقع انه حاط احد بباله
محمد : وشلون يعني يحب احد ؟!
احمد : ايه
محمد : مب بعيده ممكن ليش لا
احمد : وش رايك نسأله
محمد : لالا يمكنه مايبي
احمد : عارف انه مخطط على وحده بباله ؟
محمد : وشو ؟؟ وحده بباله ؟؟؟ بذمتك
احمد : أي اكيد
محمد : وش دراك
احمد : اهو قايل لي بعظمة لسانه
محمد : احلى كشخه اجل .. منهي ومن متى وهالمشاعر الحلوه تطلع ؟
احمد : من يوم جينا للرياض .. يفكر بنوف بنت عمي خالد
محمد : نوف ؟!!!
احمد : أي ويقول انه شافها بعد والحين حاطها بباله ويفكر ياخذها
محمد : بس نوف صغيره وطلال نفس الشي
احمد : انا ادري بس مسكين مو مرتاح ابد .. طول الوقت في باله
محمد : ايه ماينلام
احمد : وليه ؟
محمد : ذيك المره سمعت امي تمدح في نوف مدح
احمد : أي بس تتوقع ابوها بيوافق لطلاال ؟
محمد : أي ليه مايوافق .. مايلقى احسن من طلال
احمد : وش رايك نوقف معاه .. انا ودي اننه يبدا هالخطوه
محمد : أي يستاهل طلال بس ليه مايأجلها للسنه الجايه .. حرام البنت توها
احمد : ههه محمد
محمد : هلا .. وليه تضحك ؟
احمد : انا وياك نتكلم وكأنه صار شي الحين ههه
محمد : اي و الله ههه
:::::::::::::::::::::::::::::::::::::::::::::::::: ::::::::::::::::::
الجوهره كانت جالسه تكلم محمد خويها بالجوال
محمد : هلا والله حياتي
الجوهره : ياهلا بقلبي
محمد : اشتقت لك ياروحي
الجوهره : وانا بعد
محمد : جوجو ..
الجوهره : الله بس ياحلو كلمه جوجو على لسانك
محمد : مو لأنه لساني عشانه اسمك طلع حلو
الجوهره : تسلم بعد روحي
محمد : في واحد من ربعي كلمته عنك
الجوهره : كلمته ؟!! ووش قلت له ؟!!
محمد : قلت له اني احبك موت
الجوهره : وانا امووت فيك
محمد : بس صديقي يبي يتعرف عليك
الجوهره : لاالا مااتفقنا .. وش هالكلام
محمد : طيب وش فيها انا ابي اعلمهم عن الملاك اللي اكلمه
الجوهره : وش اسمه ؟
محمد : صالح ... الجوهره تكفين عشاني قولي تم
الجوهره : ههه
محمد : طلبتك لاترديني
الجوهره : اوكي بس عشانك
محمد : تسلمين يالغلا خذي الرقم
الجوهره : اوكي
محمد ((اخيرا طحتي في الفخ )) : جوجو
الجوهره : نعم
محمد : بس لاتصدقين وتحبينه ههه تراني ماارضى
الجوهره : لا ا يمكن احب او افكر بأحد غير حمودي
محمد : تسلمين ياروح حمودي والله
الجوهره : ههه خلاص احرجتني
محمد : هذي الحقيقه وانا لازم اقولها
اللجوهره : وش هي ؟
محمد : عيشتي بدونك ماتسوى تراب
الجوهره : وانا بعد مااسوى شي بدونك
محمد : على فكره متى تفضين عشان يتصل عليك صالح ؟
الجوهره : ام أي وقت
محمد : بكرا بعد العشا يصلح ؟
الجوهره : لا بروح لبيت صديقتي
محمد : والله
الجوهره : أي ليه مستغرب ؟
محمد : لأن القلوب جنب بعضها
الجوهره : مافهمت
محمد : يعني بكرا انا رايح لبيت اختي عازمتني
الجوهره : ههه وانا صديقتي نفس الشي
محمد :يللا حياتي مااطول عليك
الجوهره : يالله ياقلبي باي
محمد :باي
الجوهره (( الله على هالانسان كيف رومنسي ياحظ اللي بتاخذه وبس ))
:::::::::::::::::::::::::::::::::::::::::::::::::: :::::::::::::
الساعه 4 العصر وصلوا لجده استأجروا شقه مؤقت بس لأنهم مالقوا مكان يرتاحون فيه الكل منهك وتعبان ... على طول راحوا ينامون وبعضهم .. جلسوا يطالعون التلفزيون
:::::::::::::::::::::::::::::::::::::::::::::::::: :::::::::::::::::
نوف وفيصل وام فيصل بالصاله وابو فيصل اما فارس كان يلعب بالبلاي ستيشن .../ .
نوف : يبه خلني اروح لبيت خالتي حصه
ابو فيصل : بكيفك روحي بس دوري من يوديك من اخوانك
نوف التفتت على فيصل : فيصل تكفى
ام فيصل : طيب وشو له تبين تروحين ؟
نوف: مشتاقه لريما
عاد هي قالت ريما ارتسمت الابتسامه على وجه فيصل .. ونط من مكانه
نوف: فيصل واللي يعافيك
فيصل: ...........
ام فيصل كانت مبتسمه على منظر فيصل لأنها عارفه اللي بباله
نوف: الو .. فيصل وصمخ
فيصل: هاه .. نعم ؟
نوف: ابيك توديني لبيت خالتي حصه .... ممكن .؟
فيصل: متى تبين تروحين
نوف: الحين
فيصل: عاد فاظين الحين ؟
نوف: أي توني متصله عليهم
فيصل: خلاص اجهزي وانا ابوديك
نوف : اوكي ثانكس
وراحت تسوي نفس حركتها راحت تركض للدرج ..
ام فيصل: يابنتي انتبهي
نوف: ههه ان شاء الله
ابو فيصل: فيصل !!
فيصل: هلا يبه
ابو فيصل طبعا عارف ان ولده يبي ياخذ ريما بنت خالته
بو فيصل : متى تبي تتزوج ؟
فيصل: انا مستعجل وابيها هالاجازه
بوفيصل: طيب وليه ماتاخذ عهود بنت عمك ؟
فيصل: لاوش عهود أنا ابي وحده اصغر مني
بوفيصل: والله ان عهود حليوه وطيبه ومشاء الله ماعليها وتصلح
فيصل: لالا بس انا حاط ريما يعني ريما
بو فيصل: طيب بنت عمك
فيصل: بنت عمي على عيني وراسي بس لا كبيره
بوفيصل : خلاص الله يوفقك
فيصل التفت على امه وابتسم : يمه اليوم خلاص ؟!
ام فيصل: ههه اليوم ولايهمك
جات تركض وهي شايله العبايه
نوف: فيصل يللا لانتأخر
فيصل: اوكي يالله اركبي وانا جايك
\\\\\\\
:::::::::::::::::::::::::::::::::::::::::::::::::: :::::::::::::::::
ريما : يمه ترا نوف اليوم بتجينا
ام ريما : حياها الله
ريما : هذا دق الجرس أكيد وصلوا
ام ريما : روحي افتحي
راحت ريما جري للباب .. وفتحت الباب ولقت نوف في وجهها
ريما : هلا نووف أشتقنا لك
وقامت ريما تضم نوف بقووه وكأن لهم سنه ماشافوا بعض .. فيصل شاف ريما من ورا نوف ..
ريما اللي يتمنى يتزوجها من أيام المراهقه ..
فيصل على طول حس بموقفه وبعد عنها وبدا يتنحنح
ريما ماكانت تعرف أنه موجود على طول انحرجت وبعدت
نوف: ههه ريما وخري فيصل جاي
ريما وهي تركض
ريما: عمى ورا ماقلتيلي
نوف: نسيت
ام ريما جات عشان تسلم على نوف وفيصل
ام ريما : حياكم الله حياكم ... فيصل أدخل
فيصل: لا ولله مشغول
ام ريما : اقعد ع الأقل فنجان واحد
فيصل: طيب
وجلس شوي وتقهوى مع خالته .. أما نوف على طول عند ريما بغرفتها
ريما : نوف تتوقعين أخوك شافني ؟
نوف: هههاي مدري .. بس شكلك كان مررة روعه
ريما رمت المخده على نوف: اقول على تراب
نوف: ههه ليه انحرجتي ؟
ريما : اظنك عارفه .
نوف: اييه حبيبك .. وش عليك وليه ماتستحين
ريما : نوف وش هالكلام ؟
نوف: ليه اشفيه كلامي
ريما: تحبين تحرجيني .. أنا خلاص شلت فيصل من بالي لأنه مافي أمل ياخذ وحده مثلي
نوف: وليه وأنتي وشفيك ؟!
ريما: أخوك مزييون والكل يبيه أكيد بياخذ بنت مزيونه ولا بنت تجار
نوف: وكل دكتور ياخذ مزيونه ؟
ريما : مدري أحس مافي أمل أبد .
نوف: الا أبشرك يبي يتزوج
ريما : واله ؟!!!!!!!!
نوف: أي والله
ريما : وموحاط احد بباله
نوف: الا بس نسيت أسأله
ريما: ياشينك
نوف: وليه ؟
ريما: ابي أعرف منهي
نوف: وليه وأنتي مأمله على نفسك ههه
ريما: لا أبي أعرف من هالدبه الخايسه اللي بتاخذ مني حبيب عمري
نوف بضحك: حبيب عمري ومدري وش وقدامي ؟! هاه
ريما: يختي هذا أقل شي أقدر أقوله حبيته حب جامد هو مايدري ولااحد يدري ونهايته كانت فاضيه يعني ماخذنا بعض
نوف: ماشالله ياهو !! تراني أخته ويحق لي أكفخك في هالمواقف
ريما: بسم الله وشفيك علي الحين ؟
نوف: ههه لاواله أمزح وياك
:::::::::::::::::::::::::::::::::::::::::::::::::: ::::::::::::::::::::::::
ابو فيصل وام فيصل بالصاله ... فجأه دق التلفون
ام فيصل: الوو
فهد : هلا يمه
ام فيصل: فهد !
فهد : أي فهد وش بلاك مستغربه ؟
ام فيصل: منزمان ومااتصلت .. مشاقين لصوتك ياولدي
فهد : وأنا بعد طفششت أشتقت لكم كثيير
ام فيصل: وش اخبارك الحين ؟ ووش علومك ؟ ووش مسوي؟
فهد : والله الحمدلله اليوم بنطلع من رابغ وبنرجع لجده
ام فيصل : وش رابغ وش تسون هناك ؟
فهد : عندنا تدريب هناك
ام فيصل: طيب ومتى بترجع ترا طالت الغيبه
فهد : اليوم ان شاء الله
ام فيصل بفرح: اليوم ؟!! ومتى ؟
فهد : متأخر يمكن الساعه ثنتين الليل أوصل
ام فيصل : تروح وترجع بالسلامه فهد لاتطول
فهد : ان شاء الله .. بس عطيني أكلم الوالد
ام فيصل : هذا هو ...........ابو فيصل تعال كلم فهد
ابو فيصل: فهد هلا فهد
فهد : هلا يبه
ابو فيصل: وش أخبارك ؟
فهد : والله الحمدلله
ابو فيصل: هاه عسى التدريب مظبوط وياك
فهد : ههه ايه يبه لاتحاتي ولدك طيار
ابو فيصل: ايه هذا اهم شي الفايده .... بس ماعلمتني متى بترجع
فهد : أي ان شاء الله اليوم الليل
ابو فيصل: تجي بالسلامه ان شاء الله
فهد : تسلم والله ...
ابو فيصل: يللا نشوفك اليوم ان شاء الله
فهد : ان شاء الله .. بس سلملي على اخواني كلهم
ابو فيصل: يوصل ان شاء الله .. يللا مع السلامه
فهد : مع السلامه
:::::::::::::::::::::::::::::::::::::::::::::::::: ::::::::::::::::::::
الجوهره : لميا !!! يللا بنتأخر
لميا : طيب بس بجيب عبايتي
الجوهره : طيب بسرعه مابي اطول عليها
لميا اوكي هذيني جاهزه
ابو تركي : الجوهره لميا يللا تراني طالع بسرعه اركبوا السياره
لميا : ان شاء الله
لبسوا عباياتهم وركبوا السياره ووداهم بوتركي ... دخلوا لبيت سارا
سارا : كلولوليش .. هلا بالجوهره ولميا حياكم
الجوهره : الله يحيك
لميا : الله يحيك
سارا: تعالوا هنا بالصاله
الجوهره : مو تقولين خالك بيجي ؟
سارا : لامابعد يجي
سارا : لميا تقدرين تروحين لفوق عند اختي نوره تراهي كبرك
لميا : بس وين ماادل شي
سارا لحظه اوديك يوم راحت تودي لميا لأختها
... دخل خالهم من باب الشارع .. كان مايدري أن صديقات سارا جاين والصاله كانت أقرب مكان لخالهم ..... وهو متعود انه يجي دايم .. لأن مافي أحد يتغطى عنه ..... دخل وتفاجأ بالجوهره اللي كانت متحمسه مع دعايات التلفزيون ... دخل ووقف في مكانه
الجوهره انتبهت له وظلت تطاالع باستغراب .. وهو يشوفها بأعجاب شديد وواظح من عيونه
((نفس العيون نفس الشعر نفس الوجه .. هذا كأنه محمد خويي .. أخاف انه نفسه . اوف ياحسره وش هالفشيله ))
(( هذي تشبه اللي بالكورنيش .. بس وش جابها هنا .. ؟؟ خل أسئل سارا أول ))
دخلت سارا
سارا : خالي محمد وش تسوي ؟
محمد : هاه لا بس مانتبهت أسف
وطلع
الجوهره مازالت مو على بعضها كانت متفاجأه من الموقف وماتوقعت أبد انه يكون خال سارا ...
سارا : الجوهره
((عشان كذا يقول لي انه بيروح لبيت أخته ... ياربيه وش هالفشيله .. بس حظك ياسارا على هالخال ))
سارا : الجوهره الو ردي
الجوهره : أي نعم ؟
سارا : وش فيك وجهك مررة متغير
الجوهره نزلت راسها ومازالت متفاجأه
الجوهره بصوت خفيف : سارا
سارا : نعم ؟
الجوهره : هذا خالك ؟
سارا : أي هذا خالي محمد اللي قلت لك بيجينا
الجوهره : تصدقين تراه نفسه محمد اللي مرقمني
سارا : وشوو ؟
الجوهره : اللي سمعتي
سارا : لالا تأكدي يمكن يشبه له
الجوهره : متأكده ياسارا متأكده وأسأليه يكفي نظراته قبل شوي
سارا : طيب ماصار شي حتى اهو ماكلمك
الجوهره : لابس
سارا : بس ايش الجوهره ترا ماصار شي ابد بالعكس شكلك اعجبتيه
الجوهره : وش اعجبته الله يهديك
سارا : الا خالي وانا أعرفه
الجوهره : خلاص لازم اروح الحين
سارا : اقول اقعدي بس وش تروحين
الجوهره : مكاني غلط ياسارا
سارا : يالغبيه أفرحي مايصير تزعلين ... خلاص ولايهمك بزوجكم لبعض
الجوهره : صدق انتي فاظيه بعد
سارا : وش فاضيه والله ليتني مكانك كان اطير من الفرح أنتي عاجبته وهو عاجبك
الجوهره : .................
سارا رمت المخده على الجوهره : يللا بس وسعي الصدر وخلينا نشوف أفلام
الجوهره : الله يرجك بعد انتي كلش ماخذته وناسه
سارا: أي ياشيخه الدنيا فلله
الجوهره : ههه طيب يللا وش عندك افلام
سارا :لحظه خليني أجيبهم
محمد كان يفكر بالموقف اللي حصل وبالجوهره عن جد اعجبته ... بس ممكن تكون نفسها اللي بالكورنيش .. هي قايله له أنها بتروح لبيت صديقتها ..
مرت سارا لعند خالها عشان تجيب الأفلام
محمد : سارا سارا !! لحظه لحظه شوي
سارا : خير ؟؟
محمد :ام من هاللي عندك
سارا : وش دخلك ؟
محمد : مدري بس لازم أعرف
سارا : هذي صديقتي عندك مانع
محمد بضحكه ماكره : خويتك أجل ؟
سارا : أي خويتي
محمد : اها خلاص
((سارا بسم الله وش فيه ذا الحين ))
:::::::::::::::::::::::::::::::::::::::::::::::::: ::::::::::::
ام فيصل : ابو فيصل عطني التلفون
ابو فيصل : وشوله ؟
ام فيصل : ابتصل على ام ريما ابسألها لفيصل لو درى انني للحين ماقلت له كان يذبحني ههه
ابو فيصل : ههه طيب اخذيه
ام فيصل: ألو
ام ريما : ياهلا بأم فيصل
ام فيصل: وشلونكم ؟
ام ريما : والله الحمدلله بخير أنتو وش اخباركم ؟
ام فيصل: الحمدلله
ام ريما : ووش أخبار العيال ؟
ام فيصل: والله الحمدلله هذا فهد اليوم ان شالله بيرجع من الغربيه
ام ريما : ايه زين وسلمي لي عليه ووش اخبار فيصل مع الطب ووش مسوي ؟
ام فيصل: والله الحمدلله هذا هو الحين يبي يتزوج
ام ريما : زين زين بالمبارك يستاهل فيصل .. بس لقيتو له
ام فيصل: لاوالله أنا عشان كذا متصله عليك
ام ريما : خير ان شاء الله
ام فيصل: والله فيصل يقول انه وده ببنتكم ريما على سنة الله ورسوله
ام ريما : ريما بنتي !! خووش ليته يكون لريما مانلقى مثل فيصل بس الله يهديه مزعلني اليوم
ام فيصل: ليه ؟
ام ريما : يعني يجي اليوم ولايقول لي ؟
ام فيصل: لامسكين مشغول هالأيام
ام ريما : ههه لالا عذره عنده
ام فيصل: اهم شي انتي الحين شوفي الموضوع لأن فيصل مررة مستعجل
ام ريما : ان شالله اسأل أبوها ......بس ليه العجله ؟
ام فيصل: يقول انهم بيدرسون بررا كم من شهر ومايبي يروح الا وهو متزوج
ام ريما : اها أي خلاص ان شاء الله نشوف رايها وارد لكم خبر
ام فيصل: ان شاء الله
ام ريما : يللا مع السلامه
ام فيصل: مع السلامه
وسكرت السماعه
ابو فيصل: هاه وش قالوا ؟
ام فيصل: تقول انها بتسألها وتشوف
ابو فيصل : أي ان شاء الله خير ....... بس انا تعبان وبروح أريح لاتنسين تقولين لفيصل يروح اليوم ياخذ اخوه
ام فيصل: ان شاء الله

نوف وريما واخواتها كانوا يطالعون فلم
نوف اتصل جوالها
نوف : هلا فيصل ...
ريما : مين ؟؟ فيصل
نوف حطت ايدها على فم ريما : اص لايسمعك
ريما بصوت واطي : تكفين حطي السبيكر
نوف: فيصل لحظه شوي
نوف: خيير ؟
ريما : تكفين مااعرف صوته
نوف وهي تحط السبيكر : اوف منك
نوف : ايوا فيصل
فيصل : ترا ي قريب من البيت الحين بوصل اجهزي
نوف: لافيصل شوي
فيصل : لازم لأني ايوم ابروح اجيب فهد بيوصل مافي وقت
نوف: يوه طيب
ريما : نوف امرحي عندنا الليله
نوف: لالا بيجي فهد اليوم اشتقت له
فيصل: ههه من هاللي جنبك ؟
نوف: وشو ؟؟ انت سمعت ؟
فيصل: أي اجل مالي أذان
نوف: هذي وحده مزعجه ريوم
فيصل: ومين ريوم ؟
نوف: ههه ريما يالدلخ
فبيصل : ههه
نوف : ليه تضحك ؟
فيصل: بكيفي مزااج
نوف: طيب لاتجي الحين تكفى تأخر
فيصل: والله مقدر
نوف " طيب ابطلع الحين
فيصل: هذاني قريب
نوف: اوكي باي
فيصل : باي
ريما : ياشينك فشلتيني
نوف : ههه شكلك تحفه صايره علبة الوان
ريما : هين نووفووه
نوف:ههه هذا جزاي وانا اللي حاطه سبيكر
ريما : طيب وراه يضحك ؟
نوف: رجعنا لحركات المراهقه ؟
ريما : عن جد ليه ضحك ؟
نوف: قالها مزاج
ريما : يضحك علي يوم قلتي له انني مزعجه
نوف: ههه يمكن مو بعيده
ريما : ياحبك تحرقين أعصابي بس
نوف: ههه شفتي شلون
ريما : اقول روحي البسي عبايتك ترا أخوك جاي
نوف : ومن قال اني ابجلس ؟
نوف وريما دايم يحبون الطقاق مع أنهم يحبون بعض كثير لكن هذا حالهم دايم نوف تتطنز بريما وريما تحمق بسرعه
نوره أخت ريما : نوف يللا جا فيصل
نوف : ياللا مع السلامه ريووم ولاتحمقين علينا تراي امزح
ريما : ههه عاد انا متعوده عليك وحركاتك اللي ماتنمل
نوف : يللا نشوفكم على خير
ريما : تعالي ثانيه
نوف : ان شاء الله
فيصل وهو عند الباب صارت له نفس الحاله وخالته حلفت عليه يدخل ثانيه
فيصل وام ريما كانوا ساكتين بالصاله
فيصل: اقول خالتي
ام ريما : هلا فيصل
فيصل : امي اليوم اتصلت عليك ؟
ام ريما وهي تبتسم : أي أي اتصلت
فيصل : اها
ام ريما : وليه تسأل
فيصل/: لابس كذا
ام ريما : ههه
(حلوه تصريفاتك فيصل .. بس مدري على مين هالحيا الزايد )
جات نوف
فيصل : نوف يللا مشينا
نوف : يللا مع السلامه خالتي
ام ريما : تجوننا ثانيه يا فيصل
فيصل : ان شاء الله ومع السلامه
ام ريما : مع السلامه
:::::::::::::::::::::::::::::::::::::::::::::::::: ::::::::::::::::::::
الحين نروح لعروس البحرر مكان تجمع الشباب
احمد : لالا وش جنغل لاند
راشد : أحمد اجل وين تبي تروح له ؟
احمد : لالا خلونا للكورنيش احلى
محمد : ياربي بسرعه ولا ابوقف السياره عند اقرب سوبر ماركت تنزلون فيها ههه
عبدالله :لحظه لحظه أنتو تبون ترقمون صحح ؟؟
راشد : ههه الله يرجك بس أجل ليه نروح
عبدالله : ترا يمدحون جنغل لاند في الترقيم
محمد : اجل يللا مشينا الملاهي وخلاص خلصوني
احمد : طيب يللا .. بس ترا بعيده
محمد : بكيفها ولا دوارتنا اللي مالها سنع
ووصلوا للملاهي
راشد : احمد تعال تعال شف شف هاللي قدامنا هالعبدده
أحمد : وع
راشد: يللا خلنا نلعب عليها أمشش
أحمد : ههه يللا بس علمهم أول
راشد : اقول شباب اللي قدامنا شوفو خويتها كيف تبص بص قزوها
محمد : ياحلو ياجميل
عبدالله : ألو
البنت كانت تطالعهم بغرور عاد الشباب قالوا مافي أمل تعبرنا فالأحسن نتطنز عليها
مشعل : من زينك الحين على رفعت هالخششه ياك
أحمد : شغالتنا تغطي عليها
البنت حمقت وثارت مع اختها
............: ياقليل الأدب ياللي ماتستحي على وجهك
راشد: لالامااقدر ع المعصبين يااعيني ياعيني
مشعل: أقول صفر خمسه خمسه ..... وبدا يكمل الرقم
وكان في شللة بنات من بعيد يشوفونهم واعجبوهم العيال وطبعا أخذو الرقم بسرعه
محمد : الله يرجكم الكل سمع رقمك يالدووب
مشعل : ههه اجل انا ليه معلي صوتي ؟ عشان ست الحسن ؟
عبدالله : الله ياخذ ابليسك مسكينه
احمد : يللا طيب الحين من غيرهم
مشعل : لاتفوتك هاذيك اللششله شفهم
احمد : ياحليلك شايفهم ماخذين الرقم
مشعل : يااكششخه اجل عجبتهم
راشد : اوكي خلونا نكمل عليهم مشينا
راشد ومشعل وعبدالله واحمد ومحمد هذي الشلله كانت هوايتهم الترقيم وطبعا ماطلعوا اللي ومرقمين ستين وحده
اما مشاري وطلال والباقي كانوا يتمشوون وطلال مازال في حالة غيبوبه عن الناس ولاكأنه معاهم واللي كان يتمشا وياه مشاري أخو نوف
طلال كان يتأمل في مشاري بطريقه غريبه ((الله الله وش كثر يشبه اخته هالمشاري ياحظي اني امشي معاه بس نوف طبعا انعم واجمل كل ماشفته تذكرت أخته نفس النظرات )) أما مشاري اللي استغرب نظراته
مشاري : طلال وشفيك ؟
طلال: مشاري تصدق عاد ؟!!
مشاري : وش ؟
طلال: تشبه أبوك ((يضيع السالفه ))
مشاري : ههه لاياشيخ توني ادري تصدق عاد
طلال: ههه الله يرجك عاد كل ماشفتك تذكرت العم
مشاري : ياحظي اجل
طلال : ايه اجل وشلون
مشاري : صدق انك في عاالم ثاني يالفاهي وش رايك بالشوايه
طلال: ههه مشينا
.................................................. ..................................
رجعت نوف وفيصل ..فيصل راح عند امه بيسألها عن موضوع الزواج اما نوف ماتدري ان فيصل حاط فباله ريما ابد لكن كانت تسمع من باب الفضول
فيصل: احم ييمه
ام فيصل: ياهلا
فيصل: يممه هاه في شي جديد ؟
ام فيصل: أي اليوم اتصلت وهي تقول بتسألها وبترد لنا خبر
فيصل: الله زين مشكوره يايمه
ام فيصل: ماسوينا شي
نوف اللي كانت ماتدري من يقصدون لكن الفضول ذبحها
نوف: يممه وش على مين ؟ لقيتوا لفيصل ؟؟؟؟؟؟؟
ام فيصل: لا هو يبي ريما واليوم اتصلت على امها
نوف وهي مسستغربه : ريما ؟؟؟؟؟؟؟؟
فيصل: طيب وريما وش فيها ؟؟
نوف: مااصدق ريما بنت خالتي حصه ؟\
ام فيصل: وليه مستغربه ؟
نوف وهي مازالت متفاجأه بس ميته فرح : مدري بس ماتوقعت
ام فيصل: وش فيها ريما خووش بنيه
نوف: بس عمري مااتصور صديقت عمري ياخذها اخوي
فيصل: اخ منك بس وانا متوقعك تقولين انها مخطوبه ولا مرتبطه
نوف: ههه لالا
((ياحليلك يافيصل أثاريك مثل ريما وريما مثلك بس مااحد يعرف عن الثاني ولا شي خووش حب ليتني مثلكم حب جامد بس نهايته كانت رهييبه )
فيصل: طيب متى بيردون ؟
ام فيصل: مدري كم من اسبوع كذا ويردون لك خبر
فيصل : يوه كثير
ام فيصل: ياولدي هذا زواج مو لعبه
فيصل: عاد اسبوع ؟
ام فيصل: بعد راي البنت ظروري
فيصل: نوف تتوقعين ريما توافق ولا لأ ؟؟ أقصد انها تتزوج الحين ولا لما تخلص دراسه ؟
نوف وبنفس شكلها المستغررب (( الله لو تدري ريما كان احتمال تجيها حاله نفسيه ههه حتى لو بتكمل دراستها تقطع الدراسه عشان فيصل ))
فيصل: الو ريما .. أقصد نووف
نوف: خير ؟
فيصل: علميني تتوقعين توافق ؟
نوف بتلعثم : ووالله ام والله انا مدري
فيصل: خلاص نشوف وش رايها
ام فيصل: ولايضيق صدرك اصلن كل البنات يبونك
فيصل: ههه بس انا مابي غير ريما
نوف : اللا يممه وين فارس ؟
ام فيصل: توه نايم
فيصل: يكسر خاطري المسكين يا بلاي ستيشن أو تلفزيون ..... ووين ربعه عنه ؟
ام فيصل: يقول ان اكثرهم مسافرين
نوف: الله يهديه المفروظ انه رايح لجده
ام فيصل: عاد عنيد وش اسوي به
نوف: طيب متى بيجي فهد ؟
ام فيصل : الحين الساعه وحده فيصل رح له الحين
فيصل وهو يطالع الساعه : اييه صح ذكرتيني أخاف اتأخر يللا أنا رايح
وطلع وهو مسررع للباب
ام فيصل: انتبه للطريق
فيصل: ان شاء الله
وطلع بسررعه
ام فيصل: نوف شكلك تعبانه روحي ارتاحي
نوف: لالا ابنتظر فهد
ام فيصل: بيوصلون ثنتين ونص بكرا تشوفينه
نوف: طيب يمه تصبحين على خير
ام فيصل: وانتي من اهله
.........::::::::::::::::::::::::::::::::::::::::: ::::::::::::::::::::::::::::::
((الحين هذا كلام اللي اسمعه مدري حلم ولا علم أخر ماتوقعته ان فيصل يفكر في ريما ياحظك ريما ليتني مثلك ... اللا أنا ورا مااحب لي واحد يمكن يطلع يحبني مثل فيصل .......ههه اقول بس خلني انام احسن ))
:::::::::::::::::::::::::::::::::::::::::::::::::: :::::::::::::
الجوهره من بعد مارجعت من بيت سارا وهي مو على بعضها الحين وش هالصدف كيف يصير خالها أوف ليتني مارحت أبد
لميا : جهيير وش فيك منتكسه كذا ؟؟
الحوهره : لا منتكسه ولاشي بس وخري عن وجهي
جات أم تركي اللي هي ام الجوهره وراحت لعند بنتها بعد مااستغربت حالها من بعد ماجات
ام تركي : الجوهره وش فيك تعبانه ؟
الجوهره : لالا يمه مافيني شي
ام تركي : بس شكلك فيك شي
الجوهره : لايمه خلاص قلت لك مافيني شي بس ابي ارتاح
ام تركي : خلاص اجل ارتاحي
وطلعت من غرفة بنتها وهي مستغربه وضايق صدرها على بنتها
اما الجوهره استغلت خروج امها عشان تكلم محمد
الجوهره : ألوو
محمد : ياهلا
الجوهره : كيفك ؟
محمد : تمام
الجوهره : بس ابسألك سؤال واحد
محمد : اسألي
الجوهره : انت اللي .......
وقاطعها محمد وقال
محمد : أي انا اللي شفتيني ببيت صديقتك ..
الجوهره : ...............
محمد : طالعه قمر وأحلى صدفه اننا شفنا بعض ماشاء الله عليك ابهرتيني .. انا ماغلطت يوم اكلمك
الجوهره : هذا من ذوقك ياغالي
محمد : ابيك دوم تجين لبيتهم وعلميني لين جيتي
الجوهره : لالا محمد شف تراني متربيه وماعندي هالحركات
محمد ((أمححق متربيه )): ليه يابعد عمري كيف يهون علي مااشوفك
الجوهره : لا بس كبيره الحركه اننا نجلس مع بعض او انك تشوفني
محمد : طيب براحتك ولا يزعل الغالي
الجوهره : تسلم لي بعد عمري
محمد : ياحبي لك
الجوهره : ههه شف حمودي
محمد : عيونه
الجوهره : الحين ابوي واهلي كللهم بالبيت اكلمك بعدين خلاص
محمد أوكي باي
الجوهره : بايات
((معقوله يحبني ياحظي بها الحب عن جد ماعمري شفت مثل هالأنسان في الطيبه والرومانسيه .. بس انا لازم اتأكد من كلامه ))
:::::::::::::::::::::::::::::::::::::::::::::::::: :::::::::
كانوا تعبانين وهم في الطريق للأوتيل وطريقهم مو قصير مرره ..
طلال ماكان يحس بتعب لأنه مالعب كثير اكثر الوقت يسولف مع مشاري أما الباقي انهد حيلهم من الألعاب
وصلوا للأوتيل والكل كان تعبان فعلى طول للفراش وطلال جلس بلحاله عند التلفزيون
(( الحين كم بيني وبينك يانوف رغم المسافه ورغم الظروف مازلتي في بالي ... والله يعيني على ذكراك وطيفك اللي كل شوي يمر في ناظري .. الحين وش تسوين يانوف ؟؟ .. ))
جات على باله فكره كان طلال يحاول يتعرف على شخصية بنت عمه واللي غامضه بالنسبه له فقال أنا لازم اجس نبض بيني وبينها أنا مارح اغلط عليها بس ع الأقل أسمع صوتها عشان اعرف أنام واتطمن عليها ... ليه ماادق عليها وأشوف بترد ولا لأ ... والله فكره
وراح يجيب جوال مشاري عشان يااخذ الرقم لكن ضميره كان يأنبه شوي بس مازال مصر ع الفكره ...
طلع الرقم واتصل بجواله
:::::::::::::::::::::::::::::::::::::::::::::::::: :::::::::::::::::::::
نوف كانت في سريرها بس تفكر في ريما وفيصل وتقول ليتني مثلهم ماتدري ان وراها واحد منهبل عليها
اتصل جوالها وشافت الرقم لينه رقم غريب فما ردت عليه
نوف((ياشين مزعجين أخر الليل ))
:::::::::::::::::::::::::::::::::::::::::::::::::: :::::::::::
اما طلال من جهه ثانيه ياربي ع الأدب مااتوقعها نايمه الحين ,.. أكيد ماترد على ارقام غريبه
خلاص انا لازم اسمع صوتها وابتصل من جوال مشاري
بسم الله وحط اتصال

اتصل جوال نوف
ياربي وش هالازعاج ... اوف هذا مشاري
نوف بلهفه : الوو هلا ميشو
طلال طبعا أرتبك كثير لكن الصوت فقط سبب له سحر مسك السماعه وهو سااكت ((ليتك تقولين طلال بس طلال ))
نوف: الو ميشو وينك رد علي
طلال ((خلاص لازم ارد ولا بتسكر ))
طلال: الو
نوف استغربت الصوت وخافت شوي تأكدت أنه رقم مشاري وبعدين قالت : الو ؟
طلال وهو يتلعثم : معللييش أنا طلال أخذت جوال اخوك واتصلت بالغلط
نوف: لاعادي مافيها مشكله
طلال: اوكي آآسف ع الازعاج .. و مع السلامه
نوف: مع السلامه
:::::::::::::::::::::::::::::::::::::::::::::::::: ::::::::::::::::::::::::::::
ياسلام علي أخيرا كلمتها معقوله صوتي بصوتها كذا أنا أكلم نووف ؟؟؟؟؟؟؟؟
مستحيل بس رقمها لازم ابحفظه عندي بالجوال وصوتها رهيب نعوومه مررة ومؤدبه بقد الكلمه ....بس لحظه اخاف احفظه وتصير مشاكل ......
قال في نفسه وهو مبتسم وانا اذا ماحفظت رقم معشوقتي اجل مين احط رقمه
:::::::::::::::::::::::::::::::::::::::::::::::::: :::::::::::::::::
نوف جلست ساعه تستوعب الموقف لحين شلون يتصل رقم غريب وبعدين يكلم طلال ؟؟ وش سالفة طلال هذا مدري هو نفسه اللي شافني هذاك اليوم طيب ليه يتصل ؟ وليه كذا خايف وهو يكلمني ؟
مدري والله بس أنا ابحط الرقم عندي وبعدين ابتأكد ان هذا رقم طلال ولا لأ ...... وشوي وغرقت في النوم ونست التفكير
:::::::::::::::::::::::::::::::::::::::::::::::::: ::::::::::::::::::::
اما طلال مازال جالس في الصاله ... وفجأه دخل عليه أحمد
اللي ماعرف ينام
أحمد : طلال متى بتنام ؟
طلال : مدري والله ماجاني النوم
أحمد : عارف بأيش تذكرني ؟
طلال : بأيش ؟
أحمد : أغنية راشد الماجد **علمني وشلون أنساك وأنام ... وأنا اللي لك صاحي أيام ويأم ** شاغلني في بالي شوقك ولايروح **
طلال: وش قصدك ؟
أحمد : لامدري منهو العاشق ... ايه وش عليك اسهر عاشق ياعيني عليك
طلال: اقول اقلب وجهك ههه
احمد : ياهو ع المستحي .. خلاص ولايهمك خلاص أبقول لعمي يزوجك اياها ولا تتضايق
طلال: وجع أحمد
احمد : أقول هذا جزاي بس
طلال: ماافكر اتزوج أصلن
احمد : علينا ؟!! علينا طليل .. أقول بس يللا تعوذ من ابليس وفراشك ينتظرك
طلال : يللا انت اللي رح نام .وانا لاحقك
احمد : تصبح على خير
طلال: وانت من اهله
جا الفجر ودخل فيصل وفهد اللي كان تعبان وسلم على امه ودخل لغرفته
قامت نوف الساعه 11 الصبح
(يوو نسيت فهد خلني اروح ابي اسلم عليه اشتقت له )
وبسرعه غسلت وغيرت ملابسها ونزلت عندهم كانوا فيصل وفهد وفارس وام فيصل
نوف: السلام عليكم
فهد : ياهلا نفولتي
نوف راحت لأخوها واخذها وظمها وكأنها بنته الصغيره ببراءتها وصغر جسمها
فهد : اشتقت لك حيل
نوف: وانا بعد وحشتني كثير
فهد : خذي هديتك
نوف: لالا وشوله تراي كنت أمزح
فهد : ههه اصلن انا ناوي اجيب لك غصصب
نوف: مشكور
وحبته على راسه وفتحت الهديه طلع جايب لها جوال N70الجديد لنوكيا
نوف: واو ياعيني علييك فهودي
فهد : تستاهلين ومايغلى عليك .......بس هاه توعديني تشدين حيلك ترا الدراسه قربت
نوف: ههه اوعدك
:::::::::::::::::::::::::::::::::::::::::::::::::: ::::::::::::::::::::
ام ريما قالت لأبوها عن سالفة الخطبه والوالد بسرعه وافق لأنه مابيلقون مثل فيصل طيبه واخلاق وشهامه وخووش رجال
مابقى الا راي ريما
أم ريما راحت تعلم بنتها بالسالفه وتسألها عن رايها
ريما : وش وش تقولين يممه طيب من اللي خاطبني ؟
ام ريما ولد خالتك فيصل
قالت فيصل من جهه تغيرت معالم ريما .. خلاص أستغراب وفرح وبالموت تستوعب مررة وحده
ريما خلاص الابتسامه بانت والعيون واضح عليها الفرح بس ماحبت توضح لأمها
ريما: خلاص ابفكر
ام ريما : بس الولد مستعجل
ريما: كم يوم وارد لكم
ام ريما : يللا فكري زين
ريما من بعد ماطلعت امها بدت تبكي من الفرح ابد ماتوقعت واخر شي يخطر ببالها ان فيصل يفكر فيها ويطلبها من نفسه .... ماعمرها فكرت ان حبها له بيعيش ... تتوقعه مات ولا في أمل يفكر فيصل فيها
((اخاف يهونون عن الزواج .. او يغير فيصل رايه ويدور غيري يحسبني افكر وانا في الاصل موافقه .......لالا شكلي لازم اروح اقول لهم لازم ))
راحت ريما لعند امها أللي كانت شاككه ببنتها انها بتفكر لأنها من يوم سألتها والدموع ممليه عينها أكيد ببالها شي
ريما : يمه
ام ريما : ياهلا
ريما : خلاص قولي لهم اني موافقه
ام ريما : وشلون؟ طيب ومتى امداك تفكرين
ريما: مدري أحس مارح القى مثل فيصل
ام ريما : متأكده ؟
ريما: ايه أكيد
ام ريما شوفي احنا مانجبرك
ريما: لاعارف بس كلمي ام فيصل وقولي لهم بسرعه ماابيهم يهونون
ام ريما : ههه غريبه
ريما وهي تبتسم : يممه كلميها الحين
ام ريما وهي مستغربه : ان شاء الله
واتصلت على ام فيصل
ام ريما : السلام عليكم
ام فيصل: وعليكم السلام
ام ريما : سألنا ريما وابوها وترا هي موافقه
ام فيصل: والله مبرووك الف مبروك
ام ريما : ونتو مبرووك لفيصل
ام فيصل: ههه ياحليهم ابروح اقول لفيصل عشان ينهبل
ام ريما : ههه ياللا بشريه
ام فيصل: ياللا مع السلامه
ام ريما : مع السلامه
:::::::::::::::::::::::::::::::::::::::::::::::::: ::::::::::::::::::::
ام فيصل: فارس
فارس نعم يمه ؟
ام فيصل: رح ناد لي فيصل
فارس طيب
فيصل : هلا يمه
ام فيصل: مبرووك ألف مبروك
فيصل: على ايش ؟
ام فيصل: ههه أبصير جده
فيصل بفرح : والله ؟
ام فيصل: أي توها متصله علي
فيصل: اخيرا
ام فيصل وهي تحب ولدها : الف مبرووك فيصل تستاهل
فيصل : الله يبارك فيك
ام فيصل فرحت كثير لولدها وعلمت بو فيصل اللي فرح لأن أكبر عياله كبر وصار رجال ويبي يتزوج ....... أما فيصل وريما عايشين نفس شعور الفرح والسعاده والكل فرح لأن حبه ماضاع
.......فيصل راح يفرفر بالسياره من زود الوناسه أما ريما بدت تتخيل نفسها عروس وجنبها فيصل
راح فيصل لعند البيت مع ابوه عشان الملكه لأنه مررة كان مستعجل وريما اكثر شي عاجبها في الموضوع ان فيصل مستعجل لأنها تتمناه بقربها بأسرع وقت وماتصبر ...
حددوا المهر ومابقى غير تجهيزات الزواج
ابو فيصل حط لولده جناح في نفس البيت لأن فيصل مازال مايقدر على البيت والايجار فظبط الجناح له ولريما اللي كان عباره عن حمامين (الله يكرمكم ) وصاله ومطبخ صغير وثلاث غرف
طلع جناحهم مرة روعه
اما نوف كانت تكلم ريما بين وقت وثاني .. وحست ان ريما صارت تفهم لفيصل أكثر من اخته نوف لأنها تكلمه وعرفت شخصيته أكثر
مابقى شي ع الزواج وانتهى تجهيز ريما ..
:::::::::::::::::::::::::::::::::::::::::::::::::: ::::::::::::::::::
ام بالنسبه للشباب في جده رجعوا وحطوا في الرياض كللهم ..أستعجلوا عشان زواج فيصل وريما
مشاري : احللى يا حركات يافصيل أجل مابقى الا كم من يوم وتصير بابا
فيصل: ههه اقول ياسمجك بس
مشاري: اجل رفعت الخششه علينا ؟؟ يادووب
فيصل: وش دعوه
مشاري : اثاريك منتب سهل بس عقبالنا
فيصل: عقبالك ان شاء الله
نوف: فيصل يالمعرس
فيصل: نعم
نوف: أبسوي لك مفاجأه في الزواج بس أخاف تعطيني كفف بعد الزواج
فيصل: لالا تكفين فكينا من المفاجأت في ليلة زواجي خلينا نروق
نوف: ههه طيب أنا اوريك
مشاري: أي نوف مااوصيك خذي العروس وصكيها بكف واجلسي مكانها
نوف: أبششر
فيصل: وأنتوا الله يعين.. عليكم في النذاله ماشين
مشاري: شفت شلون ؟؟
فيصل: الله يستر والله تسويها اختك
نوف: ههه لالا بنت خالتي هذي
:::::::::::::::::::::::::::::::::::::::::::::::::: :::::::::::::::::
الكل بدا يستعد لزواج الاثنين واخيرا جا موعد زواج فيصل من ريما هذاك اليوم اللي انتظره كثير منهم
كان شكل ريما حلو في الزواج لكن مو احلى من نوف بس طالع لها شكل مررة حلو وكانت جالسه مع نوف واخواتها في الغرفه قبل الزفه
نوف: ماشاء الله طالعه تهبلين يللا مااوصيك العبي بعقل الولد
ريما: اخاف هو اللي يلعب بحسبتي
نوف: ههه
ريما: خايفه
نوف: ليه أفرحي
ريما : انتي مو عارفه أنا لما أطلع من هنا وش ابسوي
نوف: ههه أها كذا قصدك ياعيني
ايوا الله يعينك
ريما: خايفه ليتني ماقلت ابتزوج
نوف: أجل تحسبين الدعوه مكالمات وتغزل وانتهى الموضوع لاأكيد في أشياء ثانيه ههه
وعلميني بالتفصيل الممل
ريما وهي ترمي المخده على نوف: أقول انطمي مابقى الا البزران
نوف: ههه ريما تذكرين يوم كنت اهبل فيك وانتي ضربتيني بالمخده عشان فيصل ؟
ريما: ههه أي أي اذكر
نوف: نفس الطقه وفي نفس الشخص نتكلم
ريما: ههه صدق انك فاظيه
نوف: لا بس شكلك مررة متوتر .. وانا ماابيك تتوترين كذا
ريما: ايوا الله خايفه
نوف: لحظه شوي ابروح
ريما: وين
نوف: ابرقص وابهز لي كم من هززه وابجيك ههه
ريما: ههه تعالي عندي طيب
نوف وهي طالعه : طيب بس شوي
وراحت على ماقالت بترقص على أحلى أغنيه عندها (ياللي على البال ) وأول ماحطت رجلها على خشبة المسرح الكل قام يطالعها والطقاقه بدت تمدح في جمالها ورقصها اللي كان مررة خطير وبعد ماخلصت جلسوا يصفقون لها بحراره أم فيصل تضايقت شوي فنادت بنتها
ام فيصل: نوف خلاص لاعاد ترقصين
نوف: ولليه زواج اخوي
الكل قام يسأل عنها وكل ماقالوا انها اخت المعرس أنهبلوا البنات يبون يشوفون المعرس أن كانت هذي اختك اجل كيف بيطلع فيصل
الجوهره اللي حتى ماباركت لنوف لأنها ماعاد صارت تكلمها يوم عرفت بسالفة محمد
الجوهره ماكانت تكلم محمد بلحاله لا وكانت تكلم صالح معاه
:::::::::::::::::::::::::::::::::::::::::::::::::: ::::::::::::::::::
محمد وصالح من جهه ثانيه حصلت بينهم مشكله ومحمد بدا يزيد حبه للجوهره فما بغى ان صالح يكلمها وصالح نفس الشي مايبي الجوهره لمحمد يبي يكلمها هو بلحاله ونشبت بينهم المشكله
اما الجوهره كانت تميل لمحمد أكثر من صالح
صالح ((مافي أمل الا اني اتصل على الجوهره وابقول لها لاتكلمين محمد ثانيه ))
اتصل على الجوهره اللي ماكانت فاظيه لأنها في زواج
:::::::::::::::::::::::::::::::::::::::::::::::::: ::::::::::::::::::::
اتصل جوال الجوهره وشافت رقم صالح فسكرت السماعه
وهو دق عليها كثير قررت انها ترد عليه
الجوهره راحت لأخر القاعه عشان مااحد يسمعها
الجوهره : نعم صالح وش تبي
صالح : وش دعوه معصبه ؟
الجوهره : معليش الحين بزواج وخايفه أحد يشوفني
صالح : لالا بس أبي أقول لك عن شي مهم
الجوهره: وشو ؟
صالح علمها بمشكلته مع محمد وقال لها ماتكلمه ثانيه وهدها أن كلمته بيتصل على اخوها تركي وبيعلمه عن أخته وبيفظح علاقتها بمحمد لأنه يعرف اخوها
الجوهره أول ماقال لها هلكلام على طول بدت تبكي بدموع ندم وخوف وقلق ولاتعرف كيف تتصرف لكنها قالت لصالح انها ماراح تكلم محمد لكن في قلبها كلام ثاني كانت بتكلم محمد بس من ورى صالح وبتكلم صالح من ورى محمد يعني مااحد يدري عن شي أبد
لكن قامت تصيح في نهاية القاعه وجلست في مأساة رغم الطق والمعازيم الكثار والأغاني لكنها تعيش حاله ثانيه
تبكي بحرقه ((ياربي انا الحين كيف ورطت نفسي بها المشكله ... ووش بسوي فيهم تركي ودخلوه بالسالفه وتركي اذا درى .. أنا تبدا نهايتي .. ايش المصيبه وهالبثر مالقى يتصل الا بزواج ولد عمي ))
:::::::::::::::::::::::::::::::::::::::::::::::::: ::::::::::::::::::::::
نرجع للزواج والطقطقه ...
نوف : ريما تقول أمك ان الزفه بعد شوي اجهزي
ريما: طيب
نوف: بدق عليك دقه وحده وانتي اطلعي
ريما: لانوف تعالي معاي
نوف: ريما !! خلاص المفروظ انك ماتخافين اهدي شوي
ريما: مدري والله متوتره .. خلك جنبي طيب .. أخوك وابوك
نوف: طيب وابوك ؟؟ أنا مااتغطى
ريما: يووه صح
نوف وهي تضمها : خلاص ريما الحين تبدا حياتك الجديده افرحي
ريما: يللا على اني متوتره .........نوف
نوف: هلا
ريما: المعرس بيدخل ؟
نوف: ههه انتي نسيتي أن الزواج بترتيبي أكيد بزفه بعد
ريما: لا وشوله ؟
نوف: شوفي عاد أول أخواني وبيتزوج ههه تحملي .. وهدي اعصابك
ريما: يللا الله يعين
نوف: خلي الجوال معاك
ريما: طيب
نوف راحت بسرعه لمكان تشغيل الموسيقى وطلبت من المعازيم يتغطون عشان التصوير ولأن فيصل بيدخل
وتسكرت الأنوار ..
وزفتهم كانت احدى زفات الفنان راشد الماجد الزفه كانت مررة حلوه
أما ريما اللي متوتره وحاطه حرتها في كوشة الورد اللي بيدها
اتصل جوالها وبعدين قطع
طلعت ريما من أول الدرج وهي تمشي المصوره تصورها بكميرا ونوف تصور ريما من كاميرا ثانيه
أنتهت الزفه وبدت ام ريما تبكي على فراق بنتها ولفرحها لريما كان شكلها مررة حلو على الكوشه
جا موعد دخول فيصل للقاعه نوف وصت أخوها على طول يجلس جنب ريما ........كان متشقق لأنه ماصدق يتحقق حلم سنين .. كان يتمناه دايم ...
دخل مع ابوه
أول شي طبعا جلس فيصل بجانب ريما .... فتح وجهها وبدت علامات الانبهار والاعجاب واظحه من ملامحه ... نوف اللي كان الوضع عاجبها مررة
فيصل: الف مبروك ريما
ريما مستحيه مررة وجهها طالع أحمر
ريما : الله يبارك فيك
فيصل كان يلبسها السلسال حقها .. كل اللي في القاعه أعبجوا بالاثنين .. ورومانسية فيصل ... وبدو يزغرطون......
وقاموا يسلمون عليهم ويباركون لهم
ام ريما وام فيصل سلموا عليهم ..
ام ريما: ألف مبروك فيصل تستاهل كل خير
فيصل: الله يبارك في حياتك خالتي
ام فيصل: مبروك ريما
ريما بصوت واطي : الله يبارك فيك
نوف: مبروك ريوومه وفصييل
ريما: الله يبارك فيك
فيصل: الله يبارك فيك نوف
نوف: الله الله وليه مستحين ؟؟ نسيت نفسك يافيصل أول قبل الزواج أنت وريما ؟
ريما: نوف مو وقت المصاله
نوف: أحلى يالمستحيه .. يالله منك المال ومنها العيال صح كذا ؟
فيصل: ههه أي صح
نوف في الزواج طبعا عزمت كل صديقاتها ... ههه يعني تبي أخوات بالقوه
صديقات نوف ( غاده ومشاعل ونوره ) وفي كثير بس هذولي البارزين أكثر
غاده : نوف أخوك يجنن
نوف: يللا عاد ترا هو متزوج
مشاعل : ورومنسي مبين عليه
نوف: لالا بس قدامكم ههه وفي البيت يروع
غاده : طيب وليه مافكرتوا فيني قبل ؟
نوف: عاد وش اسوي بالرجال هو اللي يبيها
نوره : تصدقين عاد المعرس عندي أحلى من العروس والعروس بعد مملووحه بس فيصل احلى
نوف: يللا عاد هذا وانا جنبكم
مشاعل : ههه خلاص اخوانك الباقين
نوره : اخوانك بيدخلون
نوف: أي بعد شوي بيسلمون عليهم لحظه
نوف راحت تنادي اخوانها ودخل مشاري ومشعل وفارس وفهد بيسلمون عليهم ويباركون لهم
طبعا كل بنت منهم حطت عينها على واحد والاغلبيه يبون مشاري
طلعوا أخوان نوف كلهم بعد ماسلموا على فيصل ..
نوف راحت لعند الأستريو وشغلت أغنية أحلى من القمر هالأغنيه كل من فيصل وريما يحبونها ونوف عارفه هالشي
شغلتها وطولت ع الصوت للآخر
فيصل تفاجأ يوم سمع الاغنيه والبنات كلهم قاموا يصفقون ... وريما نفس الشي متفاجأه
فيصل: ريما
ريما: نعم ؟
فيصل: وش السالفه من اللي قايل انه بيحطها
ريما: مدري والله ... شف من بعيد
لمحت نوف اللي كانت تأشر لهم وتقول أن هذي المفاجأه يافيصل
فيصل: أأأخ منك أنا أبوريك نوف
ريما: ههه الله ياخذ ابليسها ماعلمتني
نوره : نوف ههه شكل أخوك وريما متفاجئين
نوف: أي انا ماعلمتهم
وراحت عند فيصل وريما اللي ودها تكفخ نوف
نوف: هاه وش رايكم
فيصل وهو ماسك خد نوف: انا رادها لك رادها يالدبه
ريما: نوف وش هالحركات .. ههه
نوف: اخسس لالا مقدر ترا المصوره الحين بتاخذ لكم صور وبعدين فارقوا
واخذوا الصور كانت صورهم مررة حلوه باين على الاثنين الفرح ... فيصل كان ناوي يسافر مع ريما لباريس

انتضر ردودكم با احر من الجمر