مهم جدا جدا

أهلين أختي خد القمر
لو تطلبين خدمة الفنادق أو الصالات وتحطين الطاولات والكراسي بشكل رائع في الحوي وتحطين كرسي طويل او كرسيين للعروسين ويكون فيه مسجلة وخلفيه ورى كرسي العروسين ولا تنسي الاضائة
وادعيلي بمعرس اذا عيبتج الفكرة ههه

هلا اخت كرستال....هلا ببنت بلادي وامارتي
انا دوم كنت افوز في مسابقات للتنسيقات ....وعشان جي انا بس ابى افكار والباقي عليه بنسق بروحي بدال الخساير ...يعني انا اقدر اخلي شي رخيص ومو حلو لشي حلو ...بس لازم حد يعطيني افكار ....انتي زودتيني بافكار وتسلمين والله.....واله يوفقج بريل يراعيج ويشلج ع راسه لين ما تكونين فوق العصا

اختي حلاته في البيت وماعليج من اللي يعايرونج
انا رفيجتي سوت اشيا في خطوبتها بسيطه وحلوه
طبعا الكوشه تكون في حوش البيت يعني شي بسيط وصغير
يعني المعازيم كلهم يكونون برى واذا في مجلس خارجي كبير مو مشكله بس اهم بس مايكونون داخل البيت
وزيت الصاله بالورود
وجابت طاوله دائريه متوسطة الحكم وزيتنها بالشموع والورود والكريستالات والمفارش الدانتيل وكانت الطاوله روعه
هي كانت طالبه الطاوله من محل تجهيز الافراح
بس انتي تقدرين تنفذين هالشي بروحج
وبعد ماتصورو وكلوا وخلصوا كل شي
هي كانت مجهزه غرفه صغيره للقعده
طبعا الغرفه خلتها ظلام
وعند الباب من داخل حطت برواز وفيه اهداء لخطيبها
وماخلت نوع من الشموع وماحطته في هالغرفه وعلى الطاوله اللي بالنص
حطت صحن كريستال وملته ماي ونثرت فيه الورد والشموع الصغيره
وطبعا الغرفه كانت منوره بس بالشموع بس طبعا الشموع تكون مثبته بدقه وحمايه عشان ماينقلب الفرح حزن لا سمع الله
وريحة الغرفه طبعا جنان
يعني تخيلي كل هالروعه
ان شاء الله تستفيدي من هالافكار
الله يوفقج ويسعدج

اول شي مبروك ..
اشوف فكره ملسونا أختي ووايد حلووه ..
اذا كان حويكم عوود وايد يبي خدمه فنادق بيكون ارتب وأحلى ..
اول ما تدخليين باب البيت العود تكون الكوشه في ويهج وتكون صغيره وحلوه مب عوده وايد , وانتي تمشين على زوليه حمره وعلى ايدج اليمين واليسار تكون الطاولات والكراسي وتحطين عالطاولات مفارش لون الكوشه والكراسي بعد ربطاات نفس اللون واذا كانت الكوشه فيها ورود حطي عالطاولات وروود واذا شي ثاني حاولي تحطين شي قريب منه ..
وانتي داخله خلي اول شي بنت صغيره تدخل قبلج بفتره وماسكه في ايدها مخده حلووه وصغيره وعليها ((قرأن كريم )) وتمشي اشوي اشوي وانتي تدخلين وراها, لين ما توصلين نص الحوي , (( سوي سله كبيره وحلوه فيها ورود يعني كل ورده روحها ومعدلتنها والسله تكوون نفس لوون الكوشه واللبس اللي لابستنه )) وانتي واقفه حد ايب لج السله وانتي تاخذين الورود وتوزعينهم ع المعازيم مب كل الورد يعني كم ورده وبعدين اي حد يوزعه عنج ,وبعدين كملي للكوشه ويلسي ..
ولا تنسين اتسوين هدايا للمعازيم يعني اشياء تذكاريه وتكون صغيره ومغلفتنها بشكل حلوو ويكون نفس لوون لبسج وتكتبين بيت شعر صغير عليه ..
ام هذا اللي عندي , وإن شاء الله تستفيدين وتعجبج الافكاار ..
وبعد الحفله خبرينا شو الافكار اللي سويتها .. بالانتظار ..

*ملسونا* تسلمين من الخاطر .....الافكار وايد حلوه بس عن سافة القعده انسي مااعتقد انه حد يخليني اقعد وياه....والله ياريت اعقد وياه بروحنا......
*الحب انت* بعد تسلمين يالعسل الافكار حلوه.....بس احنا حجزنا خدمة الفنادق والعشاء راح يكون بوفيه مفتوح ....انا حاطه في بالي اني اعقد في الصاله والحريم في الحوي .....لانه باب الصاله مقابل الحوي ........مشكوره والله يالعسل ومنكم نستفيد