موضوعي غير عرس على مستوى

1. ملاحظه


2. أنتهاء العرس في فترة زمنية قليلة

بسم الله الرحمن الرحيم
عزيزاتي
انا مثلكم عروسه
والله يرزق كل بنت بالزوج الصالح
كل يوم ادق على زوجي الاقي راسه فيه مليون شغله وشغله اقوله اشفيك يقول والله مشغول بتحضيرات الزواج
اقفل منه وانا افكر اقول اللحين نتعب ليالي وايام وشهور
ويمكن سنه نحضر لحفلة الزواج اشرايكم ادخلكم بالجو
من قصه الفتها اش رايكم تعيشون معي القصه
مو قصتي بس من تاليفي ههه
اوكي
اوكي
حجز ابو الشباب قاعه فخمه ب 30 الف
العشا ب 15 الف
الدقاقه ب 7 الاف
المصوره ب 2000 او 3000
الهدايا التذكاريه ب 1500
البتفور ب2000
فستان امي ب 2000 ريال
فستان اختي العنود ب 2500 فستان اختي الثانيه ب 2900
فستان حماتي ب2000ريال
فساتين اخوات العريس ب 3500
الكوشه ب 2000 ريال
شريط الزفه اقل شي ب 300 ريال
الفندق الليله ب 1500 3 ليال ب 4500
الكوافيره ب2000 ريال
وخلاص جهزنا كل شي خلال 4 اشهر تقريبآآ من حجز قاعه وكوافيره والعشا و اللي ذكرته فوق
نحفت العروسه من الهم نحف العريس من التعب واللف بكل مكان
خوات العروسه قلقانيين طوال الاسبوعين االاخيره من الزواج واش نسوي واش نحط واش نسوي حركات وبركات ههه يوه بقي فستان امي عند الخياط يعدل فيه يوه وين شريط الزفه لا يكون ضيعتيه لالا ماضيعته ايه اشوى
يوه بروح اسوي بروفة الميك اب
وبعدها الفستان
وبعدها انزل السوق اشتري اغراض ناقصه
والدقاقه اكدتو على حجزها : ايه خلاص كلمناها 53 مره خ <<مسكينه اخر شي قفلت جوالها تبي تروق خ حرام تراها آدميه مو حديد
الو : خالد الله يسعدك لا تنسى تمر عالمصوره تعطيها العربون
خالد : طيب مانسيت يوه الله يعين مشوار
تدق العروسه على اخوها الثاني: تعال الله يخليك وديني العياده ابي المع اسناني ههه
وتم بحمد الله تجهيز الامور بسلام ...لا والله مو بسلام ب تعب فضيع وسهر وترتيب وتفكير وعناء واخ

ملاحظه

(( تم توزيع كروت الدعوه عالمعازيم اللي بالاخير ((يقرآها الواحد وهو عنده خبر ان العرس بعد اسبوع يفتح الكرت بثقل ويقرأ اليوم ويقول يارب بس يعشونا بدري تفتح الحرمه الكرت وتقول ياربي من وين لي 500 اصلح خشتي وبدأ تفكر بالفستان و من قبلها ب اسبوع ههه ولا يمكن تقول بنفسها يارب يجي ذاك اليوم وانحف كخ))
خلاص بكره الفرح
الساعه 4 نايمين اهل البيت
والعروسه صاحيه تفكر وتفكر وشوي تدمع من التفكير والقلق وشوي تبتسم من الفرحه <<<<<خ ((انخبلت ههه ماعليها شرهه))
الساعه 11 الظهر
قومي يا عروسه وراك حرب ههه لالا اقصد وراك جري ههه لا لا وراك سباق مع الزمن لالا وراك يوم شا اق
تصحى العروسه تآخذ شور
تتجهز
البيت رجه وهزه ودوشه
تجي تفطر تآكل لقمتين وتقوم <<مالها نفس تفكر وقلق
يالله عالمشغل
مسنتره عندهم من الساعه 1 حتى قبل لا يفتح المشغل
ههه
تدخل وتترك خلفها اهلها وحوستهو متعبهم
لا وتترك عريسها والهم اللي هو فيه واليوم الطويل الشاق
اذا اول شي فكر تعبان وهم وقلق
تبدآ منيكير بدكير استشوار ميك اب تسريحه و
خلصو اخوات العروسه الساعه 9 وراحو عالقاعه
وهاتك دبكه وربكه وهز كروش وهزي يانواعم خ
اللي يحبك جا واللي ما يحبك جا واللي يعرفك جاا والي ما يعرفك جا واللي لسا ما تولد جاا ههه وجارتنا القديمه في حارة 13 جات وبنات جيران جيران جيراننا جو وابله منيره جات <<مدري كيف شكلها غلطت بالقاعه خ
وهاتك الدقاقه طرآآآآآآآآآآآآآآآآآآآآآآآآآآآآآآآآآخ وصيآآآآآآآآآآآآآآآآآآآآآآآآآآآآآآح
ورا قدام خلف عكس تحت فوق خ
واللي يحش واللي ينم واللي يطالع وهو ساكت واللي فيه نوم واللي جوعان واللي قرفانه واللي خشتها طايره خ <<ما امداها تروح مشغل
والي فستانها ضيق خ<<هذيك ام الرجيم تذكرتوها خ مسكينه مانحفت الا زادت
واخوات العريس والعروسه
رايحين جايين مترو القاعه تمتير كخ
والصندل عورهم برجولهم اي اي <<ودها انها تفسخه بس تتحمل في سبيل الكشخه
واللي راسها مصدع من التسريحه وبي بالها تقول<<يارب متى ارجع افكها من راسي عشا مو تسريحه بقشه كخ<<<للمعلوميه البقشه اللي تشيلها الحجه
اوه نسينا العروسه ايه
خلصت العروسه الساعه 12 ليلا اي منتصف الليل اي بداية اليوم الثاني من يوم الاربعاء اي ليلة الخميس
جات القاعه تصوير و
الساعه 3 الزفه <<مسكينه محبوسه بالغرفه من 12
تا تتا تتا تارا))<< هذي الزفه
تنزل العروسه
الكل يناظرها
اللي يحبها واللي ما يحبها اللي يجاملها واللي ما يجاملها
كلام المعازيم
يوه شوفي فستانها روعه <<طيب قولي ماشاء الله
وين سوت مكياجها اموت واعرف <<<لاتخافين بتعرفين لانك اكبر فضوليه كخ
يوه متينه ليش ماسوت رجيم
يختي احس الميك اب مره اوفر
لا بالعكس حلو شوفي فستانها
تتوقعين من المصصمه ؟؟
زاكي لالا اظن فايزه لالا يمكن من لبنان لا ياشيخه اقلك جاهز لا فصلته ولا شي
ووحده جالسه لحالها <<تدرون وش في بالها ؟؟<<تقول ياربي متى تخلص الزفه ويفتحو الميز جوعانه كخ
وتخلص الزفه بعد مئآآت العيون اللي تطالعها واللي تسمي وتذكر الله واللي ماتسمي ؟؟ الله المستعان
وعلى كثر المعازيم
ماطلع سلم عالعروسه الا 30 من اصل 200
واللي تبارك من قلبها واللي ما تبارك واللي تطلع تسلم عالعروسه عشان تشوف مكياجها بس<<<والله والله هذا الواقع ماجبت شي من عندي
وبالاخير
يتعشون المعازيم ويدقون على رجالهم الساعه 4ونص وهم في سابع نومه ويصحون على كابوس ((تعال خلصنا))كخ
ويجي العريس المسكين المحمل بالديون لمدة خمس سنوات يآخذ عروسته
ويروحو الفندق بعد الحرب النفسيه والاهليه والانفجاره خ اقصد بعد الفرح
وتذهب اخوات العروسه وامهم اللى البيت وهم لا يرون الطريق من التعب والارهاق والصداع
وتحين راسك فيه رج رج رج خ
واذنك فيها طنين من السماعات <<<<<<<حلوه طنين
وحيلك مهدود من الرقص والمشي و
ونومه
نومه
مايصحون الا بعد 3 ايام
وفي خلال هالاسبوعين بعد الزواج
كلها نوم
خ
(((((((((((((((((((((the end)))))))))))))))))))))))
((((((((((( ((((((((((النهايه ))))))))))))))))))))))))))))))
انتهت القصه وربي تعبت وانا اكتب فما بال اهل العريس والعروسه واللي يجهز؟؟
الله يكون في عون كل عريس وعروسه
صارت الزواجات اكثر من الهم عالقلب
صار الطلاق والعياذ بالله في ازدياد
ازداد البذخ وازدادت الهموم
وانعدمت البركه
سامحوني دوخت راسكم بالكلام و بس هذا مو مجرد كلام هذا واقع تعيشه كل اسره لزواج ابنتها وابنها
اخواتي بعد كل اللي كتبته فوق ابي رأيكم بشي
مارأيك ((بالزواج المختصر))
ولا اقصد بالمختصر يعني البايخ والبخيل و
لالا
سوف اطرح لكم كتابات لبنات كان زواجهم مختصر
وانظرو الى الاريحيه في الحديث ولا حظو الفرق بين قصتي وقصتهم
منال من الرياض: انا مع الزواج البسيط الخالي من التكليف لأننا لو فكرنا في الاسراف 000وقاعه كبيره ودوشه وجدناه شكليات فرضت علينا 00
ماأحلى البساطه00
يعني الوحده تعزم القريبين وتفرح وتنبسط00بعكس الحفل الكبير واللي ما له داعي 00ما يخلص العرس إلا وروسنا بتنفجر00مين معاي في الراي
هدى من القصيم:السلام عليكم
عني أنا أهم شي السعادة والمختصر له فوائد منها
تاخذين راحتك بدون ربكة
ماتصيبك عين باذن الله لقلة الضيوف
أريح للمعرس

أنتهاء العرس في فترة زمنية قليلة

نوال من قطر: اما انا فسويت ملكتي كانها زواج كانت كبيره وفي قاعه ومطربه وهي الي كانت حلوه لانو استمتعت بعد ماراحو الناس وبقوه
اما الزواج فمااتذكر فيه شي كان كبير مره وكنت مره على اعصابي اتوفقت بكل شي بالفستان والمصوره والزفه والمكياج بس مااتذكر الابعد ماانزفيت انقلب كل شي نكد وماتوفقت بالزواجه كل الي جلستو اسبوع وهجيت ولله الحمد
بس الان انا ملكت وانشالله ربي يعوضني ادعولي يابنات بالوفيق <<<<<طبعا اخذت درس انوو مااتبهرج كثير واحافظ على الورد
فسويت ملكه مختصره مره على العمات والخالات بس وكانت الحمدلله مريحه وحلوه اتكلفنا بالمباشرات بس وجبت مصوره وكميرت فيديو حقتي لانو اهم شي التصوير والحركات الحلوه مو الناس لانو البعض مايملاعينو حاجه واذا تكلفتي مرره قامو يحشو انوشوفو وش سوو مابتلقي دعوه
مع انو ناس زعلو انو ليش ماعزمتو بس الحمدلله الي يحبوني قالواحسلك من عيون الناس
والزواج ناويه انشالله عائلي يختصر على اهلي واهلو وعزيمة رجال فقط
وبعدها بشهر اذا ربي كتب انشالله راح نسوي زواره<<< مع انو ماعندنا احنا نظام زواره بس انا مابي زواج فقالو اجل لازم زواره وماراح اتكلف مره
وعقبال جميع الصبايا والله يوفق الجميع
ناديه:انا مع الاخوات المختصر تنبسطين وتتونسين مو زي الزواج الكبير
انا زواجي كان شبة مختصر يعني بين الاثنين بس والله راحة ماتشيلين هم المعازيم الكثير وتدقيقهم بكل شي
هند :
شوفي يا عزيزتي
من ترك شي لله عوضه الله خيرا منه
واللي بيترك البذخ والفشخره لوجه الله ان شالله مابيندم
انا تزوجت قبل رمضان وجاء زواجي وخطبتي بسرعه وبدون اي سابق انذار
طبعنا وطبع جماعتنا انهم يسوون زواجات بقاعات كبيره وبذخ
انا ماتخيلت ان زواجي بيكون مختصر ابد
اهل العريس حجزوا الاستراحه
وسوينا زواج مختصر حضره اهلي واقربي واهله واقربه
وجبنا دي جي ورقصوا البنات وانبسطوا ،،،، ولابسين احلى الفساتين واحلى مكياج
يوم رجعت من التمشيه حكوا لي عن الزواج ويحلفون انهم حسوا بسعاده و وناسه ما حسوا فيها في الزواجات الكبيره
لان الزواجات الكبيره فيها تعب وقلق نفسي وجهد غير طبيعي
حتى الرجال يقولون هالزواج احلى من كل الزواجات وحسوا براحه نفسيه
و وزعنا معجنات وحلويات وهدايا للحضور
واحلى عشاء كفا وزياده ولله الحمد
الحين لي 6 شهور متزوجه واحس ولله الحمد والمنه براحه نفسيه لاني مابذخت بزواجي
ابتهال:
انا عن نفسي ما أأيد ابدآ فكرت الزواج الكبير وريي من راي (رضى الله اولآ) ليش الخساير الزواج لا العروس ولا العريس يبنبسطون وخساير 100 الف و200 الف ليش ؟
سوي حفل مختصر في البيت او استراحه صغيره واعزموا الكبار والقريبين من العمام والخوال
وخلاص وفلوس العرس حطوها في شهر عسل ل(آوروبا) وانبسطوا انتي وهو وصلى الله وبارك
عزيزه:انا بالنسبه لي الزواج المختصر يكون افضل خاصة هالايام مع غلاء الاسعار
يعني الرجال باستراحه صغيره للاقارب بس
والحريم في بيت اهل العروس يعزمون في بيتهم اهل العريس واقاربهم وينبسطون
شوفي يالحبيبة
إحنا زواجاتنا كبيرة ومتكلف بها
بس والله التعب علينا لا حنا اللي ننبسط ماغير نتابع وش جابوا
وش قدموا الزفة كيف ؟؟
التقديم الخربط والبربط والمجاملات غير اللبس والتفصال
ويالله مانطلع إلا عقب صلاة الفجر
ويوم جاء زواجي بيتنا ولله الحمد مناسب الدرج على الصالة
وسويت السلم والكوشة وطلع زواجي روعة ...وأخواتي كلهم أنبسطوا
ويقولون ماتكلفنا ...وانبسطنا ..ومرتاحين نفسيا لا طلعة ولا شيء متكلف ..
ووالتقديم آخر شياكة
ندى:
السلام عليكم
الاحظ الناس صاروا يتكلفون بزواجاتهم ولايجيهم أحد
القصور فاضيه مايجي إلا القريبين أقصد الحريم لان الوحده لازم تكلف فاتقتصر على المهمين فقط(أخته بنت أخته إخت زوجه............)
أما الرجال فهم الي يقدرون ويحضرون
فالواحد يحط زواج لرجال بس بقصر متواضع
ويحطون بيتهم حفله متواضعه لاهل الرجل (أمه وخواته )علشان مايلبسن قمصان على قولت الاخت
بس توقعون أهل البنت يسلمون من الناس ؟؟؟؟؟؟؟؟؟؟؟؟؟؟
توقعون البنت مايجيه لتح (نقد)من حمولته؟؟؟؟؟؟؟؟؟؟؟؟؟؟؟؟
ولا الواحد يحط عرس فخم بأحسن قصر ويستر وجهه ؟؟؟؟؟؟؟؟
ويقول هو كل يوم عرس هو مره وحده أخسر مخالف
وبكيف الناس ريجون
رأيكم يهمن جداً
واخيرآآ كلام شيخ
الزواج العائلي في نظري هو عين العقل
لعدة اعتبارات أهمها في نظري الحد من التكاليف الباهضة التي
يتحملها الزوج وهو يريد أن يستن بسنة خير الورى عليه السلام والذي قال
أكثر النساء بركة أيسرهن مهورا ، فقل لي بربك إذا كان العريس ذو
الدخل المحدود سيستدين مالا يقل عن 80000 ليكمل بها تكاليف
زواجه من بيت ومهر وأمور أنتم أعلم بها ..
من أين ستحل البركة إذا كان هذا العريس سيحرم من راتبه
بسبب الأقساط أكثر من خمس سنوات في التسديد
وتعرفون ما سيلحق قلة ذات يد الزوج من مشاكل بين الزوجين
ومن مشاكل مع الناس الذين استأجر منهم بيته ومن مشاكل المعيشة
والحياة اليوميّة ، فلا شك أن الزواج العائلي حل أمثل وخطوة مباركة لأن
من أول بركاته أن المهر سيقل ربما إلى النصف وستقل قضية
المصروفات التي تلحق الزواج ..
واخيرآآ وليس آآخرآآ
مارايك فراشتي بالزواج المختصر؟؟
وقبل ان تضيفي رأيك
تذكري ان الدين يسر وبركه وايمان وهدوء ؟؟
رأأي شخصآآ: الافراح اصبحت ممله وروتينيه وغلا الاسعار فوق كل شي ولا جديد
وكم حالات رأيتها كانت زواجاتها قمه في البذخ وانتهت بالطلاق والعياذ بالله .............
اسأل الله لي ولكم التوفيق والسداد