موضوع حابه اناقشكم فيه يرجى اتاحت بعض الوقت ليا ولكم

1. قلولي ايش اسوي ايش تنصحوني ؟؟؟؟

السلام عليكم ورحمة الله وبركاته
كيفكم يا عروسات وكيف الفرشات اجمعين ؟؟؟ ان شاء الرحمن تكونو باف صحه وخير وسلامه يارب
اخواتي انا في بالي موضوع محيرني كثير وكل ماافتكر انو زواجي جاي باذن الله ((ربي ييسره)) اتلخبط
ماادري كيف حتكون ليلتي (( يوم زواجي او دخلتي )) خايفه كثير وفي نفس الوقت نفسي اتزوج لاني بصراحه احب خطيبي كثيير وهوا اسم الله عليه مواصفاتو كامله والكمال لربي الحمد لله رب العالمين ((قولو ماشاء الله )) متفاهمين كثير ليا تقريبا سنتين مخطوبه او متملكه عليه والحمد لله يارب الف حمد وشكر ماشاء الله تبارك الرحمن متفاهمين وماافتكر بيوم اتمشكلنا او اتضاربنا على موضوع (( اذكرو الله )) الف حمد لله على حالنا بس الي مخوفني من الموضوع انو بعد زواجي بيومين تقريبا اكيد بروح شهر العسل
وبعد شهر العسل على طول مستنيتنا درستنا دا الموضوع مخوفني انو في عندي دراسه اتفقنا انا وهوا انو مابنغى خلفه (( حمل )) اول سنه لانو بصراحه هوا صغير وانا كمان صغيره الله يسعدكم لا تقولو حرام باذن الله ربي يرزقني الذريه الصالحه وربي مايحرمني من الخلفه والعياال بس تخيلو عندي غربه مابيكون معي احد من اهلي بروح ادرس (( بكندا )) ماشاء الله .. بس اني خايفه هوا يقولي انو مايبغى حمل في السنه او السنتين الاولى لانو بكمل ماجستير 3 سنين وانا بكمل جامعه بكالوريوس
يعني باللهي احمل اول شهوري حتخرب علي حياتي كلها وانا ابغى ادرس عشان حياتي انا وزوجي واولادي

قلولي ايش اسوي ايش تنصحوني ؟؟؟؟

في كذا وحده من معارف العائله الكريمه اخذت حبوب منع الحمل وحده مسكينه سوت حمل انابيب ونفع معها لانها كانت تستعمل حبوب منع الحمل والثانيه مثلها ولها 10 سنين متزوجه ومسكينه ماحملت للحين ربي يرزقها مسكينه كل حياتها مشاكل مع زوجها بسبب حبوب منع الحمل انصحوني ارشدوني ربي يبارك فيكم ايش اسوي هوا جلس يلمحلي عن الواقي بعد ماطلعت روحي لين مافهمت وعرفت ايش هوا قلي عنو انو مايبغى يستخدمو اول الشهور طيب انا ايش اخترع بنفسي ان شاء الله
وحده من اخواتي اتزوجت قبل 7 سنين ومسكينه حملت اول شهر راحت عند وحده دكتوره قالتلها اديني برنامج انتظم عليه عشان ما احمل ما مر شهر عليها الا وهيه حامل مووت من الضحك على اختي دي
بس والله شي يلخبط ايش اسوي
انصحوني الله يبارك فيكم وربي يرزقنا ويرزقكم الذريه الصالحه
الي عندها خلفيه عن الموضوع وخبره لا تبخل علي الله يوفقكم
والله الموضوع احرجني بس تخيلو كل مافتكر زواجي مافكر بشي القاعه او الفستان على طول يجي في بالي موضوع الحمل مع اني
امووت في الاطفال
دلوني انصحوني ارشدوني ربي مايحرمني منكم وربي يوفقكم وييسرلكم اموركم ويكتبلنا ويكتبلكم كل خير
ربي يتمم فرحنا وافراحكم على خير يارب