موضوع مهم ومؤجل لو أنتي مكانها تقوليله ويتأجل للأبد أحسن

1. هلا والله ، من جوري ؟؟؟؟ ، كيف دخلتي ومن وين ؟؟؟؟؟؟!!!


2. يالله يالله أنا رايحة أسوي كل اللي قلتيه .


3. دخلت الغرفة ونست الموضوع ودخلت تغيض الشيطان .

أم العيال : لا هالحال ما ينسكت عليه لازم أفتح معه الموضوع ونشوف حل ، أكيد أول ما يدخل من الباب باتكلم معه ، الموضوع ما يتحمل التأجيل ، ما أقدر أتحمل اللي أشوفه منه .
أم أكيد أول مايدخل.
(صوت المفاتيح على باب البيت )
داخل أبو الشباب معه أكياس كبيرة ف أيده وعلى كتفه ،وحفاظات عبادي فوق الراس.
أم العيال (ركض الموضوع جدا خطير) :أأ أأأ أأ...
أبو الشباب ( وهو يرمي الأكياس قدامها ) : أذي الأغراض خذيها وجهزي العشا ميت جوع والأولاد أياني أصواتهم ولا صوتك .
أم العيال :خلاص أقوله بعد ما يغير ملابسه ونقعد ع العشا.
بعد دقايق العشا جاهز ع الطاولة يفتح النفس ، أم العيال تنادي ............
يطلع ابو الشباب وركض للطاولة وكانه رايح يناطح ...
أم العيال (تجلس مقابيله): أبو محمد أقول...........
أبو الشباب : أح أح أح ح ، قومي ركيض ، وين الماي؟
وبعد ما شرب .
أبو الشباب : عمري ماشفت سفرة بدون ماي ، ودخل ينام بالغرفة
أم العيال : أبيه أذي دخل ينام خلاص أكيد بكره أول الصبح بكلمه.
أم العيال : مرة أولى > أبو محمد قوم بتروح الشغل..
مرة ثانية > أبو محمد الساعة سبع ونص يدوب تسبح .
مرة ثالثة > أبو محمد , أبو محمد خلاص قوم ، وشغلك .
أبو الشباب : كم الساعة؟
أم العيال : ثمان إلا ربع .
أبو الشباب (ينط من فرشته ): أيش ثمان إلا ربع؟، أيش رايك بلاه الشغل ؟؟؟؟؟
ولا الذبانة تمر من قدامه وإلا يمعصها من رقبتها .
يلبس ويطلع بسرعة .
أم العيال : أهئئهئ أهههئ ءءء والله حاله ، متى أقوله؟؟؟؟
كله يصارخ فيه ولا يهتم فيني ويجابلني ما صارت ، إذا ما أكلمه ولا أروح بيت أهلي وأخليه أحسن لي.
بعد ساعة صوت الموبايل يرن ..........
أبو الشباب: أم محمد جهزي فواتير الماي والكهربا وجهزي نفسك والولد أوديك لموعد الطبيب ولاتتأخري عندك ربع ساعة سامعه أنا ف الطريق بالزور عطوني أجازة ساعتين .
وصل أبو محمد وأخذ معه عبادي وأمه للمستشفى .
(وهم رادين البيت) أبو الشباب: يمكن أتأخر شوي على الغدا بروح أدفع الفواتير .
أم العيال : أبو محمد عندي موضوع مهم لازم نتكلم فيه .
أبو الشباب : أوكيه خلاص لما أرد .
رد أبو محمد وع الغدا : ها هيش عندك؟؟ ، خير أن شاء الله.
أم محمد : أأ أ.
ويرن الموبايل ..
أبو محمد : هلا عمتي ألحمد لله أنا بخير وأم محمد والعيال بخير ، الحمدلله عبادي بخير الله يعطيكم ...
أم أمري أن شاء الله أن شاء الله أوكيه مع السلامة.
أبو الشباب (وهو يكلم نفسه ): ما يكفي بنتها بعد مشاويرها ، أم محمد جهزي الأغراض اللي تحتاجيهم من الماركت ، شوي وأطلع .
وبعد شوي يرد أبو الشباب ومعه الأغراض وحليب عبادي ع الكتف : أمسكي عني ولحقيني بالماي بسرعه.
أم العيال : بغيت أكلمك .
أبو الشباب : أوكيه لحقيني وخليني شوي أخذ نفس .
شوفوا ، من صدقها أذيه
أنا : يا أم محمد ........... أم محمد .

هلا والله ، من جوري ؟؟؟؟ ، كيف دخلتي ومن وين ؟؟؟؟؟؟!!!

أنا : خليك من هالكلام ، من صدج رايحه تقوليله كثر أيش هو مقصر معك؟؟!!!!!!!
بعد كل اللي يسويه لك و للعيال ، وأهلك كلما يطلبوه يروحلهم ركض .يابي الطلبات وطول الوقت شغل وتعب وضيق وبعد تلوميه لتقصيره كل اللي يسوي لمن؟؟؟ ، تقيسيها بالمسطرة متى كشر ف وجهك أو ما رد عليك أو ما جلس معك ، شوفي وجهه كيف صاير بدل ما تخففي عنه وتراعيه وتعذريه، أعقلي يا بنت .
يالله أشوف روحي وأدخلي الغرفة وتسنعي وحط الريحة الحلوة ولا تنسي الكلام الحلو .
أم محمد :أيه والله بعد عمري يتعب وايد .

يالله يالله أنا رايحة أسوي كل اللي قلتيه .

دخلت الغرفة ونست الموضوع ودخلت تغيض الشيطان .

أنا :أبو محمد ............. يا أبو محمد ( مع شدة وذن ) وين الحنية ووين الرحمة ووين الكلمة الحلوة لأم العيال ماكافي عليها شغل العبيت وتربية الأولاد وصراخ عبادي ياخي لما تدخل البيت أضحك شوي راح تنسى كل التعب واليوم الطويل ، ويروح العتب والزعل بلا رجعة . خفف عنها بكلمة حلوة وضحكة وتقدير ولا شي أكثر.
أذكرك لما تشوف منها تقصير تذكر قول النبي صلى الله عليه وسلم حيث يقول: لا يفرك مؤمن مؤمنة إن كره منها خلقاً رضي منها آخر، أو قال غيره"
وايد على أم العيال ؟؟؟؟.
الله يحفظكم ويسعدكم دنيا وأخرة ويبعد الشيطان عنكم يارب بحفظ الرحمن .