موقفك من

هلا فيك أنا بصراحة انخطبت وأنا في صف أول ثانوي والعام الماضي تو متخرجة من ثانوي
بالنسبة للموقف لا يفوتك يعني شلون أوصفلك كنت خجلنة ومنحرجة في نفس الوقت بس الحمد لله أرتحت لة
من أول لقاء بس جلست طول الوقت ساكتة ومنزلة راسي في الارض يعني مستحية ههه
لا من جد وجلس طول الوقت هو يسولف عن نفسة وعن العمل بس الحمد لله عدت على خير
أما للمهر فكان مهري خمسين ألف الحمد لله نعمة,,,,,,,,,,, دمتي

انا عن نفسي انخطبت وانا كنت في ثاني ثانوي بس حجز لمدة سنة على ماخلص الثانوية وقبل ماخلص الثانوية قبل الامتحان افتحوا السالفة من اول وجديد وطلب انة يشوفني طبعا هو ولد عمي وانا ماصدقت خبر تركت المذاكرة ورحت اتكشخ واتعدل ولبست العباية والشيلة ودخلت الا امة وامي وهو المسكين من الوناسة ماد يدة يبي يسلم الا اني ماعطيتة وي ههه وماسلمت بس قلت السلام عليكم وقعدت وبعدين خلونا بروحنا قعدنا مدة ساعة اشوف اسلوبة وايشوف اسلوبي بس طبعا هو كان جريء ازيادة عن اللزوم وانا المسكينة منزلة راسي ومستحية بس حان الله من طلع من عندي وانا حاسة براحة ماتتصورونها وطلب انة ايكلمني بس قلت له لا ماقدر اعطييك رقم جوالي انا عندي امتحانات وبكون مشغولة واليوم اللي خلصت فية الامتحانات االا رقم غريب داق علي مارديت الا اخوي متصل علي ايقولي ردي يبي ايكلمج طبعا انا كنت مستحية ومابي هالشي والمهم استمرت العلاقة على هالاساسلين مدة 6 اشهر طبعا فهمنا بعض فيها وحبينا بعض ولله الحمد عقب قررنا انة نملج وعلى فكرة اتاخرت بالملجة للاسباب خارجة عن الارادة وفي يوم الملجة كنة طايرين من الوناسة وكان يلمني جدام الناس ويبوسني وانا متفشلة بس من داخلي مستانسة ....<< صج ان كيدهن عظيم وبعدها صارت تتكرر الزيارات لين ماتجوزنا وكان مهري 70000 طبعا كل شي على الريال بس هالفلوس اجهز فيها والحمدالله كفتني وعطيت اهلي منها والامور والله الحمد مستقرة والحين انا حامل بالشهر السابع