مو كل نصيحه تناسبنا وتناسب ظروفنا

السلام عليكم ورحمة الله وبركاته..
حبيت انقل لكم موقف سمعته من وحده..
تقول أن صديقتها لها ثلاث شهور متزوجه وتقول مليت من الرتابه والتكرار في الحركات.. وودي أسوي تجديد مع زوجي .. وأسوي لي حركه جديده وغريبه..
قالت لها صديقتها.. أشتري لك جناحين فراشه(أللي يبيعونها المحلات بألوان مختلفه وتلبس على الظهر مثل شنط المدارس)
المهم. قالت ألبسي طقم داخلي فقط.. وألبسي الجناحين وشغلي بخار إذا قرب زوجك للبيت.. وإذا دخل طيري مثل الفراشه.. وبيطير عقله من شكلك ويدوخ..
المهم أختنا في الله لبست لبس داخلي فقط.. ولبست جناح الفراشه.. ودقت على زوجها.. وقالت له متى بتجي؟؟ قال: توني طالع من المسجد.. دقايق و جاي للبيت..
المحروسه الله يهديها.. كانت ساكنه فوق أهل زوجها.. شغلت البخار وخلت الباب مطرف يعني ماقفلته عشان يدخل زوجها ويتفاجأ بحركاتها..<<<<شوفو أنا قاعده أكتب وأضحك عليها..
شغلت البخار.. أثاري الشباك كان مفتوح.. وأبو زوجها توه طالع من المسجد وشاف البخار طالع من الشباك.. على باله حريقه في البيت..
راح ركض لفوق ويستنجد بعياله وأهل الحاره عشان يساعدونه يطفون الحريقه..
فتح الباب أبو زوجها وأهل الفزعه معه..
الأخت الفراشه سمعت فتحت الباب على بالها زوجها أللي داخل..
ألا هي وش تتوقعون سوت؟؟
وجعني بطني من الضحك
قامت تطير مثل الفراشه في الصاله وتحرك الجناحين قدامهم..
أتفاجأ الزوج وش عندهم الناس متجمعين عند بيته..
دخل ............. والباقي مايحتاج
فشله..
لذلك أقول مو كل نصيحه تناسبنا وتناسب ظروفنا..
هاذي أشياء فيها خصوصيه لابد أن الوحده تحذر..
مماراق لي