مي اتصورت او شافت تصوير استديو لمسات

بصراحة لمسات المدينة قمة
وروعة
واتقان
لمسات ما يعلى عليهم

مشكوره حبيبتي على مرورك
وان شاء الله يكون لمسات جده كذا
اتمنى بنات جده يفيدوني

لمسات حلو تصويرهم..بس عيبهم تصاميمهم..
هذا اللي في المدينه..ماادري عن اللي في جده..

يعطيكي العافيه حبيبتي
معقوله ما حد في جده

لمسات في جدة كمان

هلا منار
ايوه ما سمعتي فيه
مركز كبير صالون وتصوير تابع لفرع المدينه
في حي الخالديه

انا سمعت عنه يقولو تصويرهم جنان بس للاسف ماشفت بنفسي
بس هو في حي الخالديه والا في حي الصفا؟؟
انا سمعت من وحده تقول انه في حي الصفا

انا شفت تصويرهم حلو بس عادي جدا مافي ابداع في الصور وابتكار في الخلفيات انا رحت وشفتهم
ورتني صور عارضة هم مصورينها بس جات عروسة وانا قاعدة اتفرج على البومهم واخذت البومها وقاعدة تتفرج فيه وقلتلها لو سمحتي ممكن اشوف صورك وسمحتلي ولمن شفته مو زي الالبوم اللي وروني هو مرة غير وعادي مرة هذا رأيي ممكن انتي تشوفيه حلو والناس اذواق
انتي روحي شوفي استديو اللؤلؤة وكيف تصويرهم وانتي تعرفي الفرق
اسالي البنات اللي في المنتدى راحوا وشافو تصويرهم وحجزوا عندهم وشكروني على التصوير الابداع وعلى التعامل والاسلوب الراقي
والله يوفقك

اتمنى انه يكون جنان انا حجزت
عندهم بس والله خايفه لاني رحتلهم قريب اتفاهم معاهم على اشياء وشفت وحده خارجه من عندهم زعلانه بعد ما شافت صورها ومن يومها
وانا خايفه وافكر اني اكنسل وخايفه انهم ما يردولي العربون