ناقشوني بنات اريد ارتاح من الحيره راتبي وزوجي

سلام عليكم بنات الحلوات .. شلونكم حبايب ان شاء الله مرتاحين وبصحه وعافيه .. راح ادخل بالموضوع على طول ..
بنات اني متزوجة من 7 شهور وموظفه والحمدلله تعينت من قبل لا اتزوج الموضوع الي محيرني هو راتبي اني الحمدلله موفرة جميع احتياجاتي وطلباتي من راتبي ومكفيني يعني اني كل شهر مصروفي الخاص واللبس واي شي يعجبني اشتريه من راتبي بس مرات افكر انو زوجي ليش ميصرف عليه او مينطيني فلوس مو الرجال لازم هو الي يقوم بواجبات زوجته.. والشهادة لله اني زوجي الحمدلله مو بخيل ولا مره كالي انطيني اي شي من راتبج وحتى لو ياخذ مني اي فلس يرجعه دائما بس يكولي انو اريدج تكفين نفسج من راتبج ومتحتاجين فوكاه لان اني اريد اكون لي اساس وأأمن مستقبلنه ومستقبل جهالنه هو يابنات موظف بشركه اهليه ويكول لازم اجمع فلوس واسوي شغلي الخاص لان اكيد مراح ابقه للابد موظف بشركة اهليه واني اشوف كلامه صح بس مرات يوسوسلي الشيطان وافكر اكول المفروض هو حتى لو بس كلام يكولي محتاجه فلوس او اي شي صح اني عندي راتب بس والله يابنات احسهه تصير حلوة من ينطيني هو ويطمن اذا محتاجه فلوس واني من احتاج اطلب منه ويعطيني على كد مصروف يومي بس الشغلات الكبيرة والشوبنك الخاص بيه اني كله من راتبي .. مرات اكول اخاف هذا يكون بخل من عنده واني مو حاسه ومرات اكول خاف يتعود هيج دائما ولا سامح الله اذا اجه يوم وعفت الوضيفه راح اكون ثقيله عليه لان متعود اني اصرف على روحي ومرات ارجع واكول هو كلامه صح خلي يجمع فلوس ويسوي شغل خاص بي ولا يبقه تتحكم بي الشركات الاهليه .. بنات الله يخليكم كولولي وين الصح وهل كلامي صح؟؟ او احساسي صح ؟؟ لو هذا كله وساوس الشيطان وكلام زوجي صح؟؟ بس ناقشوني الله يسعدكم لا تدخلون وماتردون ولو بسطر واحد احجولي عن قناعتكم ووجهات نظركم اريد ارتاح من هالموضوع واعرف شنو الطبيعي عند الازواج والله يابنات مرات افكر اكول خلي اعوف الشغل احسن حتى هو يقوم بمصروفي كله واخلص من هاي الافكار كله ساعدوني بليس