نداء لكل زوجة اب

1. زوجها طلقها والسبب والدته

السلام عليكم ورحمة الله وبركاته
والله ان القلب يتفطر من كثر مايسمع عن قصص زوجات الاب مو الكل لكن الاغلبيه فلاحولا ولاقوة الا بالله
فكيف اذا صارت عنده هالمشكله تدرون وانا اكتب الحين ويدي تتنافض والعبره غاصه فيني
راح ادخل في الموضوع

• واحد من جماعتنا طلق زوجته وعنده بنات منها وقريبه له المهم تزوج الرجال واخذ بناته عنده ومرت الاب ماتقصر فيهم

غيرت نفسية الاب عليهم ..لاتقولون من الاب وليش يسمع كلام زوجته تدرون ان المرأءه تغير الرجال تقلبه فوق تحت
المهم صارت تمد يدها ع البنت الصغيره. وقطع الاتصالات بين الام وبناتهاواذا راحو لامهم تمنعهم مرت ابوهم ماياخذون معهم غيارات .وش هالدنائه وش هالكره.. الام الان فيها ضغط بسبب بعدها عن بناتها وماتقدر توصل لهم لحد ماوصلتها للمحاكم ومازالت مشاكل لان بعض المحاكم ماحكمت بالعدل
يعني قالولهم كل شهر مره يشوفون امهم بس والمشكله الام ماعندها الا ابوها وابوها رجل كبير بالسن مافيه يطارد ورى المحاكم والاب ما التزم بالقانون

• ماذنب الابناء وحده من زميلاتي متصله علي تقول قصة ابن اخيها ابو سبع سنوات تقول قصتها

زوجها طلقها والسبب والدته

المهم الزوج تزوج واخذ ولده عنده وجدت الولد ساكنه معهم الولد لمايجي الاربعاء يرتمي في حضن امه ويبكي يقول ما ابغى المدرسه تجي عشان ماياخذه ابوه
يقول الولد يمه انا انام بالليل لحالي اخاف ابكي وادعي الله. شوفوا وشلون الولد لجألله والكبار ولاعندهم خوف من الله .الدور على الجده اللي مالمته وسمت عليه ..اللي اعرفه ان الجدات حنونات المهم.الطفل اللي يلبس نفسه ويدرس نفسه تقول يجيني في ملابس كأنه شحاد مايدرون ان الطفل يبي له عنايه وقلب يحتويه
ليه هالمواصيل ليه ماتدرين يزوجة الاب ان بيجيك عيال وتخافين يصير لك هالشيء والظالم له يوم
خوفو من الله وحسوا بالاطفال وارحموهم يرحمكم الله ترى الدنيا دواره والايام تجري لاحولا ولا قوة الا بالله
والله ان هالقصتين حقيقيه فادعولهم بالفرج القريب وكل من يعاني مثلهم وانشروا القصه لعل احد يقرأها وينتفع منها
وياكثر اللي مثلهم
ترانا في بلاد المسلمين ..وترى الله فوق الجميع
ادري بتقولون وش هالانفعال كله لكن يحق لي انفعل انا عيالي اذا غابو عني يوم او مرضواا تحسر عليهم فكيف اللي بعيده عن عيالهالب بالليل واتحسب على كل ظالم راجعوا انفسكم شوي
والله اني اتق
اللهم ثبت قلوبهم وقلوب اطفالهم