نداء للخريجات واللي طالعة ثالث ثانوي

Angel Cool

30-09-2022 - 02:56 pm

صبآح الخير صبايا ..
كيفكم .. ومبارك ماتبقى من الشهر
المهم ..
ابيكم تساعدوني في حاجة خايفة منها بالمرة ..
وياريت البنات اللي طالعين ثالث ثانوي و الخريجات يساعدوني فيها
كيف كان اختبار القدرات ؟؟ يعني كيف فكرة الاسئلة ..؟
وسمعت انو للبنات اختبارين ..صحيح هالكلام ؟؟
يعني اذا ماجبت نتيجة حلوة في الاختبار الاول اختبر الثاني ولا لازم اختبر واحد منها بس ..؟
وياريت تعطوني اسماء مصادر استفيد منها واستعد لهالاختبار ..
شاكرة مقدما للي تساعدني وتريح قلبي ..

التعليقات (8)

Angel Cool

30-09-2022 - 05:47 pm

Up . .

D A N S H

30-09-2022 - 06:48 pm

انا تخرجت من الثانوي سنه 1430
واختبرت القدرات اختبار واحد فقط
والاسئله كانت بعضها عن المنهج اللي كان بالكورس الاول
والباقي اسئله عامة
موفقه

نوح ودمع

30-09-2022 - 07:49 pm

نفس حالتي
خآآآيفه جدا من القدرات
احس انو بيحدد مصيري وش ادخل ف الجامعه :(
الله يعين :’(

ẽxǐт

30-09-2022 - 08:50 pm

لا بالعكس الاختبار مره حلو ومايخوّف
تحسي كأنك ترآجعي اللي درستيه
انا تخرجت هذي السنه
صح هم حاطين اختبارين للبنات اختبار في الترم الثآني واختبار بداية الاجازة
انا مااختبرت الاختبار الأول، بس اختبرت الثاني
الاختبار الأول تختبريه عشان يآخدولك الدرجه الأفضل من الاختبارين "الأول والثاني"
بس أغلب اللي اختبروا اختبارين نسبتهم مااختلفت عن الاختبار الاول
والمراجع
اكتبي في قوقل: قدرات يزيد
ومنتدى فهد البابطين.. درسوهم مفيده
موفقه

~سنيورتا~

30-09-2022 - 09:52 pm

الحمدلله يارب .. أنا خلاصت
العام أنا كنت مثلك مرتفع ضغطي من اختبار القدرات
أنا أنصحك تجتهدين مره في الاختبار الأول وتذاكرين زين له
على شأن الاختبار الثاني راح يكون اختبار قدرات وتحصيلي مع بعض
التحصيلي عبارة عن أسئله أول و ثاني وثالث ثانوي
الله يوفقك دنيا و آخره

Angel Cool

30-09-2022 - 10:53 pm

مشكورين حبايبي ع الافادة ..
وربنا يسعدكم ويوفقنا جميع وتمر هالسنتين على خير ..

C O F F E

30-09-2022 - 11:54 pm

أنا متخرجة هالسنة يعني أقدَر أفيدك
بمعلومات جديدة - بإذن الله -
ومثل ما ذكَروا الأخوات :
اختبارين قدرات وواحد تحصيلي
القدرات راح ياخذون النتيجة الأفضَل
لذلك
يُستحسن تمحنين الاثنين
كمان فيه مواقع مهمة :
المركز الوطني للقياس والتقويم .. هذا الموقع تفتحين فيه ملف طالب
بداية ثالث ثانوي وهذا الملف مُهم هو اللي تسجلين من خلاله للامتحان
أيضاً قياس أون لاين فيه نماذج امتحانات تتدربين عليها على
القدرات
وفيه مواقع الجامعات إذا ودّك تقرأين عن التخصصات
روحي لمواقع الجامعات الرئيسية ! يعني مثلاً
تكتبين بقوقل : جامعة الأميرة نورة .. الملك سعود إلخ !
وفيه منتدى طلاب وطالبات جامعة الملك سعود مرة
حلو ومهم فيه كل اللي تبغين تعرفينه عن التخصصاات هناك
أيضاً بالنسبة لي وعن تجربة كان
استعدادي للقدرات والتحصيلي من خلال ما يلِي :
- أخذت دورة في القدرات قبل امتحان القدرات الأول
وفادتني كثير .
- اشتريت كتب مثل : كتاب القياس الصادر من المركز نفسه
وَ .. رام 1 و .. رام 2
وعَن طبيعة الامتحان من خلال الكتب
راح تتعرفين عليه وانصحك بدليل الطالب الكتاب الصادر
عن مركز القياس نفسه لأنه يعرفك بماهية الامتحان
والله يوفقك ويوفق جميع الطالبآت
{ استغلوا أيام الثانوي الحلوة لكن لا تضيعونها باللعب كلها .. تراها أحلى أيام حياتكُم مهما كانت صعبة } =)

لولو رين

01-10-2022 - 12:55 am

مثبت: 1 2 3 ... الصفحة الأخيرة )

ندآء لبنآت الطآيف←
ساعدوني ياجعلكم الجنه مدري ناجحه ولا→