نصآئح منوعه للشعر مني ليكم

اهلين بنات .. عندي معلومات عن الشعر حابه اني افيدكم فيها لان وحده اعرفها عندها مشغل فانا تعلمت من عندهم حاجات ماكنت اعرفها قلت اخبركم هيا يمكن تكون جديده عليكم ويمكن لا ..
اولا .. اذا كنتي تعانين من تساقط الشعر .. اغسلي شعرك بالمقلوب هذا الشي يمنع تساقط الشعر باذن الله ..
ثانيا .. بعد الشاور لا تمشطي شعرك علشان ما يتقطع عليكي وينعدم لان الشعره في هذا الوقت تكون رقيقه وسهله تتقطع ..
ثالثا .. اذا اضطريتي انك تمشطيه .. استعملي مشط اسنانه واسعه ومتباعده ..
رابعا .. اذا كنتي تبغي تستشوريه .. نشفيه بالكامل ثم استشوريه .. يعني خلي المويه تغطي ربع الشعر بس وثلاث ارباعه يكون ناشف ..
خامسا .. اذا كنتي تبغي تعرضي وجهك .. قصي شعرك بحدود الكتف او الدقن .. هالشي راح يعرض لك وجهك .. واذا ماكنتي حابه انك تقصيه تقدري تعرضيه بطريقة استشوارك بان تستشوريه على جوا .. وابعدي عن الشعر الطويل .. حاولي تقصريه دايما ..
سادسا .. هذي النصيحه للي تبغى تنحف وجهها اذا كانت الوحده ماشاء الله وجهها رويان وحبت تعطي شكل انحف لوه .. تستشوره على برى .. وجربي تطوليه راح يناسبك ويضيع امتلاء وجهك .. واذا رفتعي شعرك عن وجهك راح يبين امتلاءه .. احرصي دايما انك تخليه مفلوت .. وقصي الغره .. راح تفيدك وتعطي شكل حلو لوجهك ..
سابعا .. اذا كنتي حابه تصبغي بالبيت .. وزعي الفازلين بسخاء على الاماكن هذي .. الرقبه من الخلف وحدود الشعر من الامام .. الاذن وما حولها .. واذا صبغتي واكتشفتي بعدين ان فيه منطقه جاتها صبغه .. لاتخافي غرقيها بالفازلين واتركيها شويه .. بعدين افركيها بعد مده راح تلاحظي ان المنطقه بدت ترجع مثل اول ..
ثامنا .. اذا كنتي راح تصبغي شعرك سواء خصل او لون واحد .. الافضل انك تبدأي من ورى لقدام ..
تاسعا .. اذا كان شعرك فيه شيب .. فالافضل لك الحناء .. لانها تعالج الشعر وتقويه واذا ماحبيتي ريحته او حاجه .. تقدري تستخدمي الالوان الفاتحه .. راح تريحك هالالوان .. بعكس الغوامق لانها راح تحلي اللون الابيض يبين وراح يصير ملفت وتحتاجي تغطيه بالصبغه حتى لو كان الشيب لساته طالع ..
عاشرا .. قبل لا تبدأي بالصبغه سوي اختبار لنفسك يمكن تكون بشرتك حساسه وماتتحمل الصبغات .. جربي الاختبار الموجود بنفس الصبغه .. والله يا بنات بعض الناس صارت لهم اشياء تخوف بسبب الصبغه كلو لان بشرتهم حساسه وماتتحمل الصبغات .. مع انهم اول مره يجربو يصبغو .. بس غلطتهم انهم ما عملوا الاختبار لبشرتهم ..
في النهايه .. اتمنى انكم استفدتوا .. وان شاء الله المعلومات اللي قلتها تفيدكم يا ربي ..
اذا تذكرتك حاجه ما حبخل عليكم ..
ادعوا لي ربي يوفقني في دنيتي وآخرتي ..