نصيحتى الى كل زوجه من واقع بشوفه كل يوم

السلام عليكم ورحمه الله
انا هكتب عن واقع بشوفه كل يوم عن المتزوجات هاكتب عن اخطاء معظم الزوجات
1- فيه نوعيه من الزوجات من اول ما يدخل الزوج للبيت وتبدا فى النقره والصياح وهدا بيخلى الزوج بيدور على مكان تانى ايلاقى فيه الراحه
2 - فيه نوعيه من الزوجات كل الى بدوره من الزوج ادفع اعطينى ابى اشرى يعنى كل الفايده بتاعه ادفع هات
3- فيه نوعيه من الزوجات من اول ما تصحا الصبح والله هدا واقع انا حامشى افطر عند اختى وترجع للبيت يجى الظهر يالله تقعده فى بيتها بعدها انا هامشى للمحلات باختصار يوميا خروج من البيت يوميا مش يوم بعد يوم يوميا 4 -فيه الى مهتمه بنظافه بيتها وشاطره فى الظبخ وكل شىء بس هامله زوجها طيب زوجك من بيه ايروح ايدوره على وحده من برا تهتم بيه وغيره وغيره وغيره لو حاكتب حاكتب الى الصبح
كلامى مش معناه انى بصف الازواج بس الزوجات فى معظم الاحيان ايكونن هن سبب المشاكل فبقول ليش اختى ما اتغيرى من نمط حياتك
الزوج قبل ما ايكون زوج فهو انسان محتاج للعطف والحنان محتاج لوحده ترعاه وتحترمه وتقدره
حاولى اختى انك تستقبلى زوجك احسن استقبال حتى لو عندك مشاكل تبى تحكيها اصبرى عليه يرتاح واحكيلى مشاكلك . حاولى انك تبتعدى عن الصياح على قد ما تقدرين شاركينه همومه . اخلقى جو من المرح فى البيت ودللى ودلعى زوجك على ما تقدرى والله هو نفسه راح يهتم بيكى وقتها وما هينظر لغيرك اخرجوا مع بعض تسوقوا مع بعض وعليك بالكلام ا لحلو ترى الكلام الحلو بيدوب الصخر مهما كان قساوته خليك اتقوليله كلام حلو وحتشوفى
نصيحه الى كل اخت على باب الزواج اقرى كويس واسالى وابحتى واعرفى شن هو الزواج اعرفى انه مسئوليه مسئوليه راجل وبيت واطفال مو متل معظم البنات اول ما ايجيها عريس خلاص بطير من الفرح بدون ما اتكون عارفه اى حاجه عن الزواج وفى الاخر بتنصدم من المسئوليات الى وراها.
حقول اخر شىء عندى كل مراه شاطره حتقدر اتغير زوجها للاحسن للاحسن .والرجال ترى لما يتصرف اى تصرف بيصدر منه بيكون عليكى انتى.
انا طولت عليكم يارب تتحملون كلامى
ويارب ايوفق الجميع