نفسي اتعلم المكياج

يعني أنتي تبين تتعلمين المكياج لنفسك ولا تبي تسوين مشروع مشغل وتكونين كوافيره
لأن القصيم بصراحه محتاج كوافيرات وإذا كان عندنا مناسبه بالقصيم نبلش بأنفسنا
الرياض فيه دورات كثيره وحلوه بس أبسأل عن أفضلها وأرد لك

هلا وغلا فيك يالغلا . بصراحه مشكلة اننا مانعرف نمكيج انفسنا ذي مصيبه واغلبنا
مايعرف يختار الاساس المناسب ولا الالوان ولايعرف يرسم الكحل برسماته
بس اذا تبين الصدق والامانه ماشاء الله في وحده سعوديه اسمها أريج الابداع
تسوي دورات خطيرره وتجنن للمكياج تسويها بمشغل بنت النور وتسوي دورات مكياج
فرديه وجماعيه طبعًا هالمبدعه سعوديه وانا شخصياً شفت ابداعها في المكيا وجربته
ومتأكده مليون بالميه ان دوراتها جنان هي بالرياض اذا حابه تستفسرين اكثر
ممكن ارسل لك الرقم ياعسل

حرير
بصراحة اول شيء بتعلمة لنفسي وابدا اسوي خواتي وبنات اقاربي لحد ما احترف فيه ثم بفكر اسوي مشرووع..
وياليت ياقلبي تردين علي باقرب وقت....

زي الحلم..
حلو انا ابغى دورات فردية مابي جماعيه عشان احترف اكثر..
ياليت ترسلين لي رقمها ولك مني جزيل الشكر..

بنات ابغى اجمع دورات كثيره ..
وان شاءالله راح افيدكم بكل شيء هذا وعد مني بس تكفون ساعدوني..

ابشري يالغاليه راح ارسل لك رقمها على الخاص ودعواتك لابوي بالمغفره والرحمه

زي الحلم ..
وصل الرقم يالغاليه تسلمين يابعدي ..
ودقيت الحين بس ماردت علي واضح انها مشغوله
الله يغفر لابوك ولجميع اموات المسلمين والمسلمات...ويسكنه الجنة..
الله يوفقك يارب...
ومازلت انتظر ردود البنات عشان نفيد ونستفيد...
يالله همتكم يابنات ..

up
يالله بنات وين ردوودكم مازلت انتظر

شيهانه ..
الله يبارك فيك ياقلبي.. والله يعطيك ع قد نيتك
بس مستحيل اتعلم من نفسي لازم اتدرب ابي اصير محترفه موب اي كلام.. انا الحمد لله اعرف اسوي نفسي بس ابي احلى من كذا ...
وانا اذا شفت نفسي محترفه ليش ماسوي مشروع << وش السالفه من تزوجت ويجيها طموح سبحان الله