نقلته لانواا موضوع روعه وحابه تستفيدون

دعوه جديده للتفاؤلبسم الله الذي تواضع كل شي لعزته...
مرحبا ياحلوات ... كيفكم...
حبيباتي .. خواتي بنات ا...
موضوعي هذا سطرته لكل وحده تعبت من الدنيا..
لكل وحده انظلمت ..
لكل وحده انجرحت ...
لكل وحده انصدمت وحست ان الابواب تقفلت بوجهها
بقولها شي وبهمس لها بأذنها
((دع المقادير تجري في أعنتها.. ولا تنامن إلا خالي البال...
مابين غمضة عين وانتباهتها .. يغير الله من حال إلى حال ))
اي يغير الله من حال الى حال..
فوضي امرك للي امره وشأنه كل بين حرفين(الكاف-والنون)
كلنا نعرف ان الله مايعجزه شي سبحانه ...
ابدا ..
اذا حسيتي بأي الم (نفسي-عضوي)
افرشي سجادتك وناجي حبيبك ...
اطلبيه ..ابكي .. اشكي
اي الله مطلع على كل شي ويعرف ماتخفيه انفسنا
لكن هذا مايمنع اننا نشكي ونشرح ونناجي
لان الله سبحانه يتلذذ بسماع صوت عبده وهو يدعوه
اكيد بتقولين انا مقهوره وودي انتقم ودي اخذ حقي وودي وودي .........
اشياء كثيره كلنا نبيها ولا صارت لنا
لكن خليها له وحده سبحانه هو اللي قال وعز من قال(( وماربك بظلام للعبيد)
جرحوك -طعنوك -خانوك
هذا دليل على انك انتي صح وهم غلط
وقولي الحمدلله وثقي انه ابتلاء مهما كان جرحك كبير مع الايام بيرووح ويختفي
0-( كل شي يبدأ صغير ويكبر_الا الحزن يبدأ كبير ومن ثم يصغر))
هذي العباره في غاية الروعه اعتبرها بلسم لكل اوجاعي
الجرح مع الايام يصغر ..ويروح
ماتحققت احلامك ودك بأشياء ولا صارت لك
خلي ثقتك كبيره بربك ومن ثم بنفسك
قولي لا بيصير ان شاء الله (وسمي حاجتك)
وبرمجي نفسك على ان هالشي راح يصير عاجلا او اجلا
ترى هذا من حسن الظن بالله
وعن تجربه يابنات شي كنت احلم انه يصير لي
وكلمة مستحيل انه يصير قليله بحق هالشي
(( وصلاة الليل- الدعاء والالحاح_الصدقه - حسن الظن بالله -والتفاؤل)
تحقق هالشي والكل انصدم ...ربك كبير ومايخذل احد سبحانه
رجل كان يناجي ربه قال : يا رب إذا كانت رحمتك بمن قال : أنا ربكم الأعلى فكيف رحمتك بمن قال : سبحان ربي الأعلى ؟ وإن كانت رحمتك بمن قال : ما علمت لكم من إله غيري فكيف رحمتك بمن قال : لا إله إلا الله ؟ .
وعلى ضوء هذا الدعاء حابه اذكر لكم قصة وحده اعرفها من بعيد
تخيلوا معي
انسانه عايشه حياتها كلها (احضر زواجات - نمص-عبايه مثل الفستان-)
الحمدلله الذي عافانا بس..
المهم تطلقت مرتين ودعت ربها انها تتزوج واحد تاجر
وفعلا جاها واحد تاجر واللحين عايشه معه ومبسوطه ..
شفتوا ان رحمة ربي تسبق غضبه ...
0-(لايكلف الله نفسا الا وسعها)))
يعني الله يبتلي العبد على قد ايمانه وصلته بربه
ادعي 00
ابكي 00
واطلبي حاجتك من الكريم الحليم
وشوفي النتيجه بعينك...
وعيشي حياتك بلاهم ونكد وكل مازدتي قرب من الله
زاد انشراح صدرك ...
(ان مع العسر يسرا** ان مع العسر يسرا))
بتفرج عليك ..وبيروح همك ..
وارضي ربك وشوفي كيف ربك بيرضيك..
لان لي اخوات بالمنتدى
واحبهم في الله
واتمنى ان بيدي اي شي عشان اساعدهم
ومااملك لكم الا الدعاء...
وموضوعي هذا ابيه لوجه الله اولا
ولاخواتي ثانيا,,
لان في وقت من الاوقات تمنيت ان احد يقولي كذا
ويوجهني ...
بس انا عرفت الطريق لوحدي
صحيح اني تألمت بس تعلمت
وكل ماحسيت ان الشيطان بدا يوسوس
تذكرت الله سبحانه ورحمته وكرمه
وابتسمت ...
لاتخلين اي شي يوقف بطريقك
اي شي مهما كان ...
كملي طريقك وعيشي يومك واضحكي وانبسطي
ومع الايام راح تحسين ان الهموم بدت تتلاشى
وتختفي
0اختم قولي بحديث الرسول صلى الله عليه وسلم
((تفائلوا بالخير تجدوه))
الله يشرح صدوركم وينور طريقكم
ويغير حالكم للاحسن