هالرجيم وبس لقيته اخيرا

الغـــاليـــه

13-05-2022 - 10:24 pm

السلام عليكم
بنات كيف حالكم وشخباركم ان شاء الله تمام..
آآآه يا بنات والله تعبت والله تعبت...شنو اكتب وشنو اقول
تعبت من نفسي وارادتي ...
من قبل كم سنه كان وزني 50 وكنت اطمع بال 48 لكن رضيت بال 50
وبعد كم شهر زاد وزني 53-54 فاستنفرت وجهزت العده وبحثت وتنقلت بين ارشفة الرجيم ومن واحد للثاني..
والنتيجه زياده الى 56
وحاولت مره ثانيه فزاد الى 58
وحاولت وحاولت وحاولت تى صار 62
يابنات طبعا الزياده لاني اخبص وما انتظم ... احباط واكتئاب وهجوم عالكاكاو
بنات تعبت كل ما شفت رجيم قلت اييه هالرجيم وبس...
لكن افشل
محتاجه للدعم محتاجه لمجموعه تتبانني وتشد من ازري..
انا في اخر منازل الاحباط ...خلاص احس انه وزني راح يوصل للميه وانا كل يوم ابتدي بالرجيم او اليوم واخبصه بالليل
استغيث بالله ثم فيكم لا تخلوني

التعليقات (9)

عذبني موتك

14-05-2022 - 12:45 am

حياك ياقلبي انا اليوم بديت بدايت روعة مرة واللي اعرفها نقصت عليها 25 كيلوو خلال شهر بعدماكانت
بحدود 100 صارت 75 وبالصدفة لقيت وحدة كاتبته بمنتدى
هو كالاتي :
3 ايام سوائل بس وبعدين اكل بس بنظام معين وهكذا
لين تخلصين الشهر كل ثلاث ايام سوائل واليوم الرايع
اكل بس برضه له نظام معين وهكذا لما وصلت للوزن اللي تبيه .. اذا حابة تبتدين معي حياك الله ياقلبي وهو فعلا دايت راائع اكتبه لك بحذافيره اذا قررتي

الغـــاليـــه

14-05-2022 - 01:46 am

ام راما
اهلين يا قلبي وعسى ربي يوفقك ويبارك فيك..
بس صعب سوائل بس..اعرف نفسي ماراح استمرر..ويمكن اخبص زياده
مشكرة عالرد والله يوفقك

دلع طفوله

14-05-2022 - 02:47 am

الغاليه اني مسويه رابطه ونساعد بعض نحمس بعض بس اوظاننا ضاربه 90 احنا-------دبب
تعالي حياش معنا وان شاء الله نلقى مع بعض الحل احنا اليوم خلصنا اسبوع وبكرا اسبوع ثاني

دمـ ع ـهـ

14-05-2022 - 03:48 am

اتركي العشا وراح تنحفين بالشهر 8 كيلو

مدام بزنس

14-05-2022 - 04:49 am

الغاليه حبيبتي عندك رجيم الدكتور اسامه حمدي ينقص في الاسبوع 3 كيلو الى 3.5 كيلو المهم انتي اعزمي والله الرجيم ابد مايجووع مستحيل تقولين جوعانه بلعكس يغث اقسم بلله يجي الغدا والفطور مثل الصبه في بطنك انا نزلت عليه 6 كيلو وكم غرام رغم اني غير منتظمه وفيه بنات منتظمات نقصو 10 كيلو
انا صراحه تعاملت مع مطعم روعه للمشويات كل يوم اهبد في المشويات يسللام مع السلطه خاليه من الزيت وناسه وفيه برتقال وفيه خضار مسلوقه هو اربع اسابيع انتي اذا من النوع الملوول لا تطبقين غير اول اسبوع استمري عليه 7 ايام وبعدين ريحي 3 ايام رجيم التمر والبن وارجعي لنفس الاسبوع الاول لاسامه حمدي كذا ينزل وزنك بسرعه بسبب تضاد الرجيمات اقسم بلله خيالي انتي بس توكل على الله وتحسينه مافيه حرمان
اللهم من النشويات بس
شووف انا اتحدك انك تستمري عليه اسبوع ماتنقصين واتحدك تقولين اني مت جوع يلله جربي من بكره السبت والوعد الجمعه الجايه اشوف انتي بطله وقد التحدي ولا لا

الغـــاليـــه

14-05-2022 - 05:50 am

دلع طفوله
ياهلا بدلوعه...
ان شاء الله بشوف الرابط.. واكيد اكيد بشارك معاكم..بارك الله فيكم ووفقكم

الغـــاليـــه

14-05-2022 - 06:51 am

دم ع ه
ههه انا اترك الفطور والغدا واهجم عالعشا...
اهم وجبه عندي العشا لاني اصحى متاخر وانام متاخر... وكثير سمعت عن ترك العشا وتقفيل الفم بعد 6م... بس تدري في حديث عن النبي صلى الله عليه وسلم بما معناه انه من ترك العشاء فقد هرم بهذا المعنى يعني يعجل الشيخوخه
مشكورة حبيبتي وبارك الله فيك

الغـــاليـــه

14-05-2022 - 07:52 am

مدام بزنس
والله كلامك يشجع ...بروح ابحث عن هالرجيم ...ويارب ينفع معاي...
مشكلتي مو النشويات.. مشكلتي مع الكاكاو ادمان عالاخر كيف اتخلص منه ....
مشكوره يا قلبي عالتشجيع ... وان شاء الله اخبرك بالنتيجه الحلوه

الفراشة الدبدوبة

14-05-2022 - 08:53 am

الله ينحفنا اجمعين وينولك الجسم المثالي يارب

طآآآط سؤال لو سمحتو←
الصدر الكبير→