هل أنتي مؤيدة أم معارضة دمج موضوع آخر معه

هلا بك عزيزتي ........ المفروض اني ما انتظر هذا اليوم ... لازم نكون متفقين عليه من بداية الزواج ومهما حصل مارح تتصعد المشاكل إذا فكر يخلف بوعده لأن ماله عذر إذا أخلف وعده وجاني بيوم يبي يسافر مع أصحابه .
ولكني في يوم من الأيام أنا عرضت على زوجي السفر مع صديقه المقرب وأخوه الأكبر بسبب مروره بمشكله قوية جداً وأثرت على نفسيتنا ..فاتفقت مع أخوه وهو اللي رتب الأمور وبعدين عزمه وأنا شجعته بنفسي لأني أبيه يبعد شوي ويغير جو لمصلحته ومصلحتي أنا بعد .
يعني بغيت أوصلك أن الحياة لازم يكون فيها شوية مرونه وتنازلات ... ولا نصير أنانيين لمجرد رفضنا لفكره معينه ...
وأنا من أشد المعارضين لهذا النوع من السفر ..ولكني تنازلت في وقت احتياج زوجي له بالفعل ...وهذا كبرني بعيونه أكثر وقدر لي هذا التنازل ...وخلاه هو من نفسه يحترم وجهة نظري لأنه تأكد أنني ما أعارض لمجرد المعارضه بدليل أني في وقت احتياجه للسفر وتغيير الجو أنا شجعته بنفسي ..وهو إلى اليوم يعترف بوقوفي لجانبه ومساندته .

حرم الوزير
هلا وغلا ب حرم الوزير
كلامك زي العسل لانك كنتي بحق زوجة مثالية وهو قدر هذا الشيء
بس المهم ما ياخذها حلا وانتي كنتي مطمئنة لأنه سافر مع أخوه يعني شخص تثقين فية
المشكلة بعض الاصحاب هم سبب خراب الكثير من البيوت
اشكر تفاعلك معاي وصراحتك
تحياتي عذاء

بالنسبة لي حبيبتي رافضة الفكرة لمجرد انه بيروح يتمشى ويغيير جو.,,,والحمد لله زوجي نفس الشي ما يحب يسافر لوحده سواءا جوى ولا برى لانه الان انسان مسئول عن بيت واسرة لازم يفكر فيها,,,
سفرياته دائما معي او مع اهله,,,

غاليتي انا مؤيده ومعارضه في نفس الوقت
مؤيده اذا بيسافر مع ناس محترمه لان كل وحده تعرف زوجها راعي خرابيط والا لا وكذلك لان مش كل واحد يسافر يبي يلعب من ورى حرمته لكن فعلا يبي يغير جو ويقعد من دون مسؤوليات ومالومهم حنا بعد خاطرنا نسافر من دون مسؤوليات
معارضه اذا عنده شله اي كلام لان حتى لو زوجك محترم الربع الفاسدين ممكن يدمرونه بشويش الله يبعدهم عنا وعن ازواجنا

آآآآآآآآآآآه جيتي على الجرح زوجي يموت على السفر مع اصحابه وهاالسالفه منغصه علي حياتي مع اني والله واثقه فيه وادري انه ماهو راعي حركات لكن مستحيل يسافر وانا راضيه يروح وانا زعلانه ويرجع وانا زعلانه بس كم يوم وارضى لأني والله ادري انه يموت فيني وشايلني على كفوف الراحه ومدلعني اخر دلع بس ماقدرت اشيل فكرة السفر من راسه ..... بنات اللي يقولون نمنع ازواجنا يسافرون كيف تقدرون تمنعونهم يعني وش تسوون ولا وش تقولون عشان يهونون تكفون ساعدوني .....

معارضة
اللي يخليه يسافر مع أصحابه يخليه يسافر معاي واذا يحب أصحابه لها الدرجة ماراح أمنعه يجلس معاهم ببنده العزيزية (جنبنا) لين ما يشبع منهم
أما السفر
نونو

ووالله المساله ماهي مسألة ثقة بالعكس
بس لنفرض انه مع اثنين من أصحابه وكانو بسيارة وحده
وصاحبه هو اللي يسوق
وقال بنروح المرقص ومارضيو يرجعوه
أو جاب صاحبه بنت بالغرفة اللي هم فيها وبنت ممرقعة
يعني أنا عارفة زوجي ماعنده لف ولا دوران بس ما أعرف الناس اللي رايح معاهم زي ما أعرفه

أنا معارضة معارضة تماما
وبما أنه اقدم على خطوة الارتباط بشريكة حياته فلابد من اشراكها في كل شئ في حياته ومن ضمن ذلك السفر
ولا اجد مسوغا مقنعا لسفر الزوج دون زوجته لغير العمل
كل الأسامي

معارضة
ما اتخيل ان زوجي يسافر ينبسط وانا جالسة استناه بس ممكن سفره وحده يكون لها اسباب تقنعني عادي
مثلا بيروح المانيا عشان يشجع المنتخب مع اني عارفه انه مستحيل يروح بس قلتله موافقه
(اخاف يسويها وانقهر)
مشكوره على الموضوع الحلو