هل اعيد 2 ثانوي

اختي اذا جبتي 100 ان شاء الله
النسبه تكون 87
شوفي بيني وبينك الحين القبول عالقدرات والتحصيلي وهذي كلها حظ بحظ
الله يوفقك اختي ما اقدر اقول لك عيدي لاني جربت الاعاده ولا استفدت كثير منها

يعني اقدر اعيدها؟؟؟
ويعطيك العاافيه على المرور

ما انصحك بالاعاده والله
وما اتوقع يخلوونك تعيدين
شدي حيلك في ثالث والقدرات وترتفع النسبه ان شاء الله
وربي يوفقك خيتوو

ياغلاتي بقولك شيء لو دتي وجبتبي نسيه حلو ونزلك القدرات وقتها بتندمين
لاتعيدين وشدي حيلك ع الاخر
وبالقدرات والتحصيلي شدي حيلك ويارب تدخلي التخصص اللي تبين

حبيبتي إذا أنت جازمة تعيدين ثاني بإذن الله راح يسمحون لك لأن زميلتي العام نسبته 66% وعادت ثاني وجابت 99% بس بقولك شيء *الحين شهادة الثانوية ماعليه إلا 30% وأنت إذا جبت 87% يعني بتأخذين 26.1% وماراح ينقصك إلا أربع نسب وأتوقع راح تعوضينها باختبار القياس(قسم التحصيل)لأن عليه40% بس بشرط تشدين حيلك في ثالث وتحاولين تستوعبين مواده لأن 50% من أسئلة التحصيل من مواد ثالث ثانوي *خسارة تروح عليك سنة كذا لكن!
متى ما جزمتي تعيدين أوتواصلين لازم تستخيرين وتدعين الله أنه يكتب لك الخيرة بكل حالاتك *بما أن 70% من النسبة المطلوبة لدخول الجامعة تكون على اختبار القياس أنصحك بشييء واحد (عشان تجيبين نسبة عالية) أنك تدربين نفسك على طريقة الإختبار سواء اختبار قدرات أو تحصيل.<<<<<<<<<<<<<أدري بتقولين وش ذا بس بصراحة تحمست مع موضوعك..........
أتمنى أنك استفدتي وبالتوفيق حياتي

ياعمري عليك لاتشيلين هم
انصحك لاتعيدين
بس عليك بالدعاء والاستغفار

انا عدت ثالث ياقمر ولااستفدت شي بالعكس نسبتي نازله نازله واكثر البنت
يعني انتي كثري من الاستغفار بنية النسبه الحلوه والله يوفقك يارب البنات ماقصرو

ابدا ا لاتعيدين صحباتي بعضهم جابوا اخس من نسبتك وعوضوها في ثالث يعني باقي قدامك سنة لاتضيعينها واستغفري كثير وشدي حيلك في ثالث

لا ما تقدرين تعيدين
لو أنك غايبة في يوم من الامتحانات
ولا عدتي دور ثاني
كذا ممكن
أما إنك ناجحة و تبين تعيدين ما تقدرين