هل يراك الرجل 000اجمل من اخواته

لو هو بيحبها هتكون هي عنده اجمل واحده بالكون

reem-0
كلامك صحيح

في حالات ... نعم
وبقولك سولافة قديمة من سوالف جداتنا
كان فيه واحد متزوج وحدة قليلة حظ من ناحية الجمال (بنقول اسمها بخيته)
والأخت (بنقول اسمها شمس) كانت قمر زمانها وساكنه معاهم لأنها مسكينة مطلقة اكثر من مرة واي واحد يتزوجها ينفر منها ومايجي الصبح إلا وهو مطلقها
في يوم كانت بخيتة مدلدلة رجولها تطلع تمر من (الجصة) وهي غرفة كانوا يخزنون في التمر زمان أول وتجي مرتفعة شوي
وهذي صورتها
وكان شكلها يكسر الخاطر رجولها وسيقانها عصاقيل الجرادة وهذا خلق الله مانعترض
الهوا كان رافع ثوبها وكان منظرها يسد النفس
شمس جالسة بعيد وشايفة المنظر
فجأة دخل الأخو وطاحت عينه على اللي متشعبطة بالجصة
وطلع طوالي من عندهم
سمعت بخيته الصوت وطلعت راسها ولما عرفت ان زوجها هو اللي دخل من لحظة طاحت مغشية
وصحتها شمس وودتها لغرفتها وبخيته تون وتأن كأن فيها الموت
قالتها وشفيكي ؟
ردت بخيته: أكيد شافني ومن بعد هالشوفة بيعافني.
قالت لها شمس: يعني هو اول مره يشوفك؟
ردت بخيته: ايه .. خبرك اليل ظلام وكل شي بالخش وما قد شافني
وهم على ذا الحال
دخل الأخو
ولما شاف بخيته تون وعاصبه راسها قالها: وشفيكي عسى ماشر ؟
ردت شمس: ماندري وش جاها طاحت مريضة بلحظة
قال الأخو: أيه أكيد هذي عيني صابتها يوم شفتها عند الجصة زهقت نفسي عليها خلوني أقراء عليها.
بخيته ياعمري طاب خاطرها والهم أنزاح عنها
لكن شمس شوي وتنجلط
مو حسد لبخيته
لكن مستغربة شلون هي بكل هالجمال والرجال يشوفونها بشعة !! وأخوها يشوف بخيته ملكة جمال؟؟
من الضيقة اللي فيها طلعت تركض وتبكي وماردها إلا ملبن التبن .. طاحت عليه وبكت لين داخت ونامت من التعب
وهي بين النوم والصحوة .. سمعت رجال يناديها
مسك أيدها وقالها تعالي معي
مشت شمس مع الرجال ونزل فيها لمكان زي السرداب
لما وصل أخر الدرج نادى على واحد
جاهم ذاك الشاب المزيون يركض كنه غزال
من حلاته ماقدرت شمس تنزل عيونها من عليه
قالها الرجال اللي ماسك يدها: تشوفين المزيون هذا؟
قالت: وشلون تبيني ماشوفه!!
قالها: هذا هو حظ بخيته زوجة أخوكي !!! كل هالزين والحلا يشوفه أخوكي في شكل بخيته
ردت شمس: من يلومه إذا هذا اللي يشوفه
قال الرجال: وبعد ماشفتي حظ بخيته ماتبين تشوفين حظك؟؟؟
قالت: إلا تكفى خلني أشوفه
قام الرجال ينادي ويصوت ... ولا حياة لمن تنادي ... وجلس شوي يصوت ويزاعق لين رد واحد صوته شايب منتهي
الرجال سحب يد شمس وقالها : تعالي نروح يمه شكله مايقدر يجي
لما وصلوا للشايب
طالعت فيه شمس
لكن وش تشوف
شايب مريض جفونه نازله على عيونه وخدوده كنها محفرة وشكله يروع وريحته خايسه
قالها الرجال: هذا هو حظك .. هذا اللي يشوفه كل رجال تتزوجينه .. لكن عندي لك بشارة .. حظك هذا مريض وبيموت وبيجيكي حظ جديد كنه حظ زوجة أخوكي .. وماعليكي إلا تصبرين سنتين ويومين ومن بعدها يتجدد حظك وتقدرين تتزوجين
ضحكت شمس وفتحت عيونها واتاريها كانت تحلم والتبن مغطيها
رجعت للبيت وهي تحمد الله وتشكره
وبعد السنتين ويومين خطبها ذاك الفارس المزيون وتزوجها وجابت منه البنين والبنات وهي عنده مايوازيها شمس ولا قمر...
The End
طبعاً ماله لزوم أقول الدرس والعبرة من القصة لانه ماعليكم زود
بس حبيت أوسع صدوركم شوي بسولافة من سواليف جدتي
ولاتدققون أذا فيها شي غلط

السلام عليكم
والله ماقصرت الاخت الاليزاقصه رهيبه
تبينلك ان الحظ وهوالاهم مو الشكل
الله يوفق الجميع

ياشيخه شافني احلى منهم ولاأشين اهم شي اني واثقه
من نفسي
ههه
واذا اتقيت ربي بيشوفني احلى ملكة جمال مو بس من خواته

ألايزا
كان فيه واحد متزوج وحدة قليلة حظ من ناحية الجمال (بنقول اسمها بخيته)
والأخت (بنقول اسمها شمس) كانت قمر زمانها وساكنه معاهم لأنها مسكينة مطلقة اكثر من مرة واي واحد يتزوجها ينفر منها ومايجي الصبح إلا وهو مطلقها
في يوم كانت بخيتة مدلدلة رجولها تطلع تمر من (الجصة) وهي غرفة كانوا يخزنون في التمر زمان أول وتجي مرتفعة شوي
وهذي صورتها
وكان شكلها يكسر الخاطر رجولها وسيقانها عصاقيل الجرادة وهذا خلق الله مانعترض
الهوا كان رافع ثوبها وكان منظرها يسد النفس
شمس جالسة بعيد وشايفة المنظر
فجأة دخل الأخو وطاحت عينه على اللي متشعبطة بالجصة
وطلع طوالي من عندهم
سمعت بخيته الصوت وطلعت راسها ولما عرفت ان زوجها هو اللي دخل من لحظة طاحت مغشية
وصحتها شمس وودتها لغرفتها وبخيته تون وتأن كأن فيها الموت
قالتها وشفيكي ؟
ردت بخيته: أكيد شافني ومن بعد هالشوفة بيعافني.
قالت لها شمس: يعني هو اول مره يشوفك؟
ردت بخيته: ايه .. خبرك اليل ظلام وكل شي بالخش وما قد شافني
وهم على ذا الحال
دخل الأخو
ولما شاف بخيته تون وعاصبه راسها قالها: وشفيكي عسى ماشر ؟
ردت شمس: ماندري وش جاها طاحت مريضة بلحظة
قال الأخو: أيه أكيد هذي عيني صابتها يوم شفتها عند الجصة زهقت نفسي عليها خلوني أقراء عليها.
بخيته ياعمري طاب خاطرها والهم أنزاح عنها
لكن شمس شوي وتنجلط
مو حسد لبخيته
لكن مستغربة شلون هي بكل هالجمال والرجال يشوفونها بشعة !! وأخوها يشوف بخيته ملكة جمال؟؟
من الضيقة اللي فيها طلعت تركض وتبكي وماردها إلا ملبن التبن .. طاحت عليه وبكت لين داخت ونامت من التعب
وهي بين النوم والصحوة .. سمعت رجال يناديها
مسك أيدها وقالها تعالي معي
مشت شمس مع الرجال ونزل فيها لمكان زي السرداب
لما وصل أخر الدرج نادى على واحد
جاهم ذاك الشاب المزيون يركض كنه غزال
من حلاته ماقدرت شمس تنزل عيونها من عليه
قالها الرجال اللي ماسك يدها: تشوفين المزيون هذا؟
قالت: وشلون تبيني ماشوفه!!
قالها: هذا هو حظ بخيته زوجة أخوكي !!! كل هالزين والحلا يشوفه أخوكي في شكل بخيته
ردت شمس: من يلومه إذا هذا اللي يشوفه
قال الرجال: وبعد ماشفتي حظ بخيته ماتبين تشوفين حظك؟؟؟
قالت: إلا تكفى خلني أشوفه
قام الرجال ينادي ويصوت ... ولا حياة لمن تنادي ... وجلس شوي يصوت ويزاعق لين رد واحد صوته شايب منتهي
الرجال سحب يد شمس وقالها : تعالي نروح يمه شكله مايقدر يجي
لما وصلوا للشايب
طالعت فيه شمس
لكن وش تشوف
شايب مريض جفونه نازله على عيونه وخدوده كنها محفرة وشكله يروع وريحته خايسه
قالها الرجال: هذا هو حظك .. هذا اللي يشوفه كل رجال تتزوجينه .. لكن عندي لك بشارة .. حظك هذا مريض وبيموت وبيجيكي حظ جديد كنه حظ زوجة أخوكي .. وماعليكي إلا تصبرين سنتين ويومين ومن بعدها يتجدد حظك وتقدرين تتزوجين
ضحكت شمس وفتحت عيونها واتاريها كانت تحلم والتبن مغطيها
رجعت للبيت وهي تحمد الله وتشكره
وبعد السنتين ويومين خطبها ذاك الفارس المزيون وتزوجها وجابت منه البنين والبنات وهي عنده مايوازيها شمس ولا قمر...
The End
طبعاً ماله لزوم أقول الدرس والعبرة من القصة لانه ماعليكم زود
بس حبيت أوسع صدوركم شوي بسولافة من سواليف جدتي
ولاتدققون أذا فيها شي غلط
يسلمو عالقصه
وبالنسبه للسؤال اهم شي الوحده تون واثقه من نفسها لو اخل زوجها احلى منها ما تنهز ثقتها بنفسها

ألايزا ماقصرت لاصار الرجل يبيك مايشوف عيوبك وبعد الثقه بالنفس مهمه00

هي تقدر تخليه يشوفها احلى من الكون كله

آلزوج ينظر لزوجتة بنظره غ ير اللي ينظرهآإإ لأخوآته..‘‘
وآالثقة لآإبد منهآإإ..‘‘موفقة,,,}