وأخيرا هجدت الكشه المنفووشه

كيفكون يآ فرآآشات
بدخل بالموضوع على طول
انا شعري خفيف وناعم لكن الكشه اللي مطلعه لي قرون كنه ضاربتني كهرب
وششعري قصصير ومع الرطوبه ياسلام على الشوشه اللي تنحش الخلق
وماخليت زيت الا وحطيته بس ماهجدته لي وتبقى ريحة الزيت اللي تغث
الين طفشت من الزيوت وماعاد حطيتها
وماغير اني حاطه الربطه على راسي طوول الوقت عشان تهجد وبعد الترويش أحط كريم صانسيلك
حتى مره أبوي حطمني قال راسك أكبر من جسمك وكله من هالشوشه الله لا يردها
المهم الحل لقيته بالصدفه وبدون تخطيط مسبق خ
أنا اتعالج بالرقيه ولازم أدهن بزيت الزيتون وشعري بعد قمت انا اضفت له سدر مطحون وادهن شعري والصبح اغسله
واول مره لما غسلته انشغلت وماحطيت الكريم والربطه كالعاده وانا اشتغل بالي بالشوشه اللي راح تصير كبر بيتنا لآني ماحطيت لا كريم ولا ربطه
رحت اطالع بالمرايا والله والله والله لقيت شعري هاجد وربي ماصدقت ومن اول مره ماشاءالله تبارك الله
والمقادير
سدر مطحون + زيت زيتون
ضيفوا السدر بقارورة الزيت وادهنوا وتمتعوا بشعر هاجد
وبدون روايح الزيوت اللي تنشب وماتروح الا بالعله