والله افكر بالانتحار

1. السلام عليكم

السلام عليكم

راح احجيلكم قصتي ولو راح اطول عليكم بس شسوي ما اكدر احجي لاحد انتو الوحيدين الي احجيلكم
اني تزوجت صارلي سنه وكم شهر وتزوجت عن حب اربع سنوات وجان كلما يتقدم الي اهلي يرفضون لان هوه غريب وماعنده بيت ملك وبالاخير صارحت اهلي وكتلهم اريده واني اتحمل كل المسؤليه وعلما اني موضفه وتزوجنه واجرنه بيت والحمدلله بس الاجار كلش غالي ب500 دولار الشهر هوه كان يدفع الاجار واني اصرف علة البيت والله اقصر عله نفسي في سبيل البيت وبعد اشهر من الزواج بده بالتذمر والله اني مومال زواج والله اني شنو ذنبي ميبقالي فلوس واني تعبان بالشغل وتورطت بالزواج هذه جان كلامه يوميه يعيده عليه والله انقهر اني كلش نفسيتي تتعب من هذه الحجي المهم صرت حامل وزاد الحجي الطفل يرادله مصاريف ومنين راح انجيب بس والله بنات احنه جنه ممحتاجين عايشين الحمدلله احسن اكل ولبس
واسمعو المفاجئه الاكبر الخيانه يوميه خيانه وحده شكل وكلما احاجي يطلع حجه يكول لتحجين وياي اني تعبان من الشغل ودا اتعب يوميه وانطي للاجار زين مو اني هم دا اتعب ودا اصرفه للبيت ويوميه مشكله متت مليت تعبت ما ادري من خيانه ماادري من حجيه والمشكله لويحجي بيناتنه ميخالف يروح يحجي يم كل اقاربه اني تورطت بالزواج وين ميروح يتباهه اليوم صادقت وحده اليوم خابرت وحده وحته كدامي يحجي الله عليكم اني شيصير بيه من يحجي هيج والله اعصابي تنهار حته احترام مخلالي وين ماروح يحجون بيناتهم والله احس نفسي ثقيله علي واليوم اني كاعده يكول الوالده اني والله المفروض ماازوج مومال زواج وفوكاهه راح يجيني طفل والله تورطت ورطه
زين اني شنو موقفي والله والله افكر بالانتحار بس لان بطني طفل مااكدر الطفل شنو ذنبه فكرت بالطلاق بس ما اكدر لان اهلي ميقبلون هسه يكولون انتي الي ردتي احنه جنه مراضين وكلامهم صح
هسه اني فكرت بفكرتين لو بعد ما اولد انتحر لو اخذ ابني وانهزم وما ارجع للابد وما اخلي احد يندلي
والله تعبت تعبت
طولت عليكم اسفه بس شسوي ماعندي غيركم