وش رايكم بهالخيانة

السلام عليكم ورحمة الله وبركاته ... حبيباتي الفراشات حبيت اكمل لكم مسلسل خيانات زوجي المحترف طبعا زوجي كل ما اواجهه بخياناته ينكر وينكر بشدة واصرار ..المشكله انه عندي تسجيلات بصوته وهو يغازل وحده متزوجه وعندها ولد .. طبعا حاولت حتى عرفت بيت هالحقيره اللي تكلم زوجي الليل والنهار واخذت معي ولدي الكبير وبنتي المتزوجه طلع علي زوجها واخبرته بكل شي ..طلعت علينا الحقيره زوجته وهي تقول لا تتبلين علي ..انا شفتها قدامي ما تمالكت نفسي هجمت عليها وسحبت النقاب اللي على وجهها عشان اشوفها لكن ما قدرت ... المهم صارت معركه عند باب شقتهم وزوجها منهار وانا وعيالي جدا منهارين .. المهم رجعت لبيتي وطبعا زوجي اكيد وصله الخبر منها لكن ما يقدر يحكي لانه هو اصلا منكر الموضوع .. صار بيني وبينه صمت رهيب وجفوة كبيرة حتى ولدي حبيبي جفى ابوه وارسل له مسج لو يصير لامي شي والله ما اسامحك وكذا عباره يعاتب فيها ابوه ... تخيلوا بعد هذا كله وفي يوم العيد سمعته يكلم وحدة ثانيه يتغزل فيها ويقول لها هاتي بوسة العيد يا حبيبتي ... وش رايكم اواجهه بصوته وهو يغازل لانه مستحيل يعترف ..... الشي الثاني انا افكر اقدم على خطوة جريئة اني اكسر البلاك بيري اللي يستخدمه في بلاويه واكسر اللاب توب حقه لانه مصدر لممارسة الرذيله والصور والمقاطع القذرة ..بس انا خايفة من العواقب انه يضربني او يطلقني ويحرمني اولادي السبعة وانا يا ناس احبه وما اتخيل حياتي بدونه لكن هالحب ذالني عنده وانا اعرف انه يحبني لكنه يخوني من 20 سنه من خيانة الى خيانة احس اني وصلت لمرحله نفذ فيها صبري ...دلوني هل اقدم على الخطوتين اللي كتبتها ولا لا الله يدلكم على الخير ...