وش ناقصني عنهم كلهم انخطبو الا انا ابي افضفض لكم عشان ارتاح

1. السلام عليكم


2. انا اول شي بكتب عشان افضفض بس والي ابيه منكم الدعاء لي

السلام عليكم

انا اول شي بكتب عشان افضفض بس والي ابيه منكم الدعاء لي

انا اكبر وحده بالبنات في عائلاتنا بنات خالي وعمي وكلنا بالجمال بمستوى واحد بس هم احلى مني بشوي وهم كلهم انخطبوا وماباقي الا انا مدري وش الي ناقصني عنهم كل ماحضرنا زواج وشافونا يمدحون فيهم الا انا وكل وحده انخطبت قبل 5 مرات او اكثر الا انا ولا مره انخطبت واقول في نفسي وش ناقصني عنهم وبيتزوجون وبتروح كل وحده بمدينه وانا ماعندي في هالحياه الا هم اقعد واسولف معهم مادرس ولا عندي صديقات وربي بموت من القهر اذا تزوجوا وخلوني بطفش لحالي حتى ماعندي اخوات انا وحيده لو عندي كان خفف هذا الشي عني
المشكله مو هذا الي قاهرني بس
الي قاهرني وسبب لي قهر كبير ان ثنتين منهم قالو لي كلام يجرح مره
وحده قالت انتي مافيك شي حلو عشان يخطبونك ولا فيك شي يجذب وربي بكيت من كلامها وانقهرت
وبعدين مره ثانيه وحده قالت لي انتي اكبر منا وللحين مانخطبتي وسكت بعد وقعدت ابكي من كلامها
طيب خلاص انخطبوا لا يقعدون يتريقون علي ويجرحوني بالكلام
وامي بعد جرحتني بكلامها مره قلتلها احب اسهر مع بنات خالي قالت بيتزوجون ويخلونك
الي يشوفني يقول خلاص ماعاد بتزوج مدري ليه قالت عني كذا امي المفروض انها تخفف علي مو تقول لي كلام يجرح زيهم
والحين بعد بنت خالتي اصغر مني باولى ثانوي جاء لها عريس وهي توها صغيره
إني الي قاهرني شي واحد انهم اذا تزوجوا مع مين اقعد ووش راح تكون نظرة الناس لي خاصة اهلي
مع إني ماني كبيره بالعمر عمري 20 بس لان عندنا بالجنوب البنات يتزوجون صغار
والحين اغلب البنات الي بعمري والي اصغر مني تزوجوا وبعضهم عندهم اعيال وانا بنظرهم صرت كبيره
تكفون ادعولي الله يرزقني بالزوج الصالح والله يحقق لي الي اتمناه
وش تنصحوني اسوي
وان شاء الله استغفر ربي وبدعيه والله يكتب لي الي فيه الخير
معليش اذا طولت عليكم بس حبيت افضفض لاني ابي ارتاح ماعندي احد بالهدنيا افضفض له
الي ابيه منكم تخففون علي بس عسى الله يحرم النار عن وجوهكم ويسعدكم بالدنيا